Harley-Davidson Sprint 440: (फोटो सौजन्य- सोशलमीडिया)
2027 Harley-Davidson Sprint 440: हार्ले-डेव्हिडसनने आपली सगळ्यात नवी आणि स्वस्त क्रूझर बाईक सादर केलीय. तिचं नाव आहे 2027 हार्ले-डेव्हिडसन Sprint 440. ही फक्त एक साधी बाईक लाँच नाहीये. भारतीय रस्त्यावर गाजत असलेल्या रॉयल एनफिल्ड Meteor 350 आणि बाहेरच्या देशात फेमस असलेल्या होंडा रेबेल 300 ला थेट टक्कर देण्यासाठी ही बाईक आलीय.
ही बाईक Hero MotoCorp सोबत मिळून बनवलीय. स्टायलिश, हलकी आणि सहज चालवता येणारी हार्ले हवी असेल, त्यांच्यासाठी हे एकदम परफेक्ट पॅकेज असणार आहे.लूक बघितला की नजर हटणार नाहीSprint 440 वर पहिली नजर पडली की तिचा लूकच लक्ष वेधून घेतो. कंपनीने या बाईकच्या डिझाईनमध्ये आपली जुनी क्रूझर स्टाईल खूप छान पद्धतीने वापरलीय.Harley-Davidson Sprint 440:
भारतात ऑक्टोबर 2026 मध्ये Two-Wheeler Retail Sales मध्ये 28.35% घट! 23.21 लाख दुचाकींची नोंदणी
बाईकच्या पुढच्या बाजूला क्लासिक गोल LED हेडलॅम्प दिलाय. त्यामुळे बाईकला जुन्या काळाचा फील पण येतो आणि नवीन पण वाटते. शिवाय बॉब्ड रिअर फेंडर, सुंदर फ्युएल टँक आणि खाली बसलेला स्टान्स यामुळे ही बाईक लांबून पण प्रीमियम हार्ले वाटते.या बाईकची सगळ्यात मोठी खासियत म्हणजे तिची सीट हाईट. कंपनीने यात फक्त 671 mm इतकी कमी सीट हाईट दिलीय. याचा थेट फायदा कमी उंचीच्या रायडर्सना होणार आहे. किंवा ज्यांनी पहिल्यांदाच मोठी क्रूझर बाईक चालवायला घेतलीय, त्यांना पण ही बाईक सहज सांभाळता येईल. ट्रॅफिकमध्ये असो किंवा लांब प्रवासात, बाईक आत्मविश्वासाने कंट्रोल करता येईल.
हायवेवर कशी धावणार?आता इंजिनबद्दल बोलूया. या बाईकमध्ये 440cc सिंगल-सिलेंडर, एअर आणि ऑईल-कूल्ड इंजिन दिलंय. हे इंजिन 6,000 rpm वर 27 hp ची पॉवर आणि 4,000 rpm वर 38 Nm टॉर्क देतं. या इंजिनला 6-स्पीड गिअरबॉक्स जोडलाय.खास गोष्ट म्हणजे कंपनीने पाचवा आणि सहावा गिअर ओव्हरड्राइव्ह म्हणून ट्यून केलाय.याचा फायदा हायवेवर 90 ते 100 किमी प्रतितास वेगाने जाताना होणार आहे. या वेळी इंजिनवर जास्त दबाव जाणवणार नाही आणि रायडरला एकदम रिलॅक्स राईडिंगचा अनुभव मिळेल.
कंपनीच्या दाव्यानुसार ही बाईक 34 किमी प्रति लिटरपर्यंत मायलेज देऊ शकते. हार्लेसारख्या बाईकला इतकं मायलेज मिळणं, हे खरंच भारी आहे.भारतात कधी येणार?ही बाईक 2027 च्या सुरुवातीपासून जगभरातल्या वेगवेगळ्या बाजारात विकायला सुरुवात होणार आहे. पण भारतात नेमकी कधी येणार आणि किंमत काय असणार, याबद्दल कंपनीने अजून काहीच सांगितलेलं नाही.
विशेष म्हणजे हा 440cc प्लॅटफॉर्म Hero MotoCorp सोबत मिळून बनवलाय. त्यामुळे ही बाईक भारतीय बाजारात पण लवकरच येईल, असं वाटतंय.भारतात एंट्री-लेव्हल प्रीमियम क्रूझरमध्ये आधीच रॉयल एनफिल्ड Meteor 350 ची मजबूत पकड आहे. अशा वेळी ही Sprint 440 भारतात आली तर या सेगमेंटमधली स्पर्धा अजूनच रंगतदार होणार आहे.
Ans: या बाईकमध्ये 440cc सिंगल-सिलेंडर, एअर आणि ऑईल-कूल्ड इंजिन देण्यात आले आहे.
Ans: कंपनीच्या दाव्यानुसार ही बाईक 34 kmpl पर्यंत मायलेज देऊ शकते.
Ans: हे इंजिन 27 hp पॉवर आणि 38 Nm टॉर्क निर्माण करते.
.png "Videos"){kind=small}
