भारतातील कोणत्या शहरात कार खरेदी करणे एकदम स्वस्त? खरेदी करण्याआधी जाणून घ्या रोड टॅक्सच्या डिटेल

कार खरेदी करताना आपल्याला रोड टॅक्स देखील द्यावा लागतो, जो अनेकदा कारची किंमत वाढवण्यात भर घालत असतो. अशावेळी, अनेकांना प्रश्न पडतो की सर्वात कमी रोड टॅक्स कोणत्या ठिकाणी असतो? चला याबद्दल जाणून घेऊयात.

जर तुम्ही कार खरेदी करण्याचा विचार करत असाल, तर फक्त एक्स-शोरूम किंमत पाहून निर्णय घेणे योग्य ठरत नाही. प्रत्यक्षात कारची ऑन-रोड किंमत ही रोड टॅक्स, रजिस्ट्रेशन फी, इन्शुरन्स आणि इतर शुल्क मिळून तयार होते. त्यामुळेच एकच कार वेगवेगळ्या शहरांमध्ये वेगवेगळ्या किमतीत मिळते. आज आपण 5 शहरांबद्दल माहिती जाणून घेऊयात, जिथून कार खरेदी केल्यास तुम्ही हजारो रुपयांची बचत करू शकता.

सर्वात कमी रोड टॅक्स कुठे?

रोड टॅक्सच्या दृष्टीने Shimla हे शहर सर्वात स्वस्त मानले जाते. येथे रोड टॅक्स सुमारे 2.5% ते 3% इतका आहे. उदाहरणार्थ, 5 लाख रुपयांच्या कारवर येथे फक्त 12 ते 15 हजार रुपये कर लागतो, तर मोठ्या शहरांमध्ये हाच कर 35 हजार रुपयांपर्यंत जाऊ शकतो. म्हणजेच फक्त टॅक्समध्येच 20 ते 25 हजार रुपयांची बचत होऊ शकते.

MG च्या ‘या’ Car च्या किमतीत 20 ते 30 हजारांची वाढ! जाणून घ्या फीचर्स आणि इंजिन

यानंतर Puducherry चा क्रमांक लागतो. येथेही रोड टॅक्स कमी असून, लहान कारवर तो 4% ते 6% दरम्यान असतो. त्यामुळे जी कार दिल्ली किंवा मुंबईत 6 ते 7 लाख रुपयांना मिळते, ती येथे 50 ते 70 हजार रुपयांनी स्वस्त मिळू शकते.

तिसरे आणि चौथे स्थान कोणाचे?

तिसऱ्या क्रमांकावर Chandigarh आहे, जिथे रोड टॅक्स सुमारे 3% ते 6% दरम्यान आहे. दिल्लीजवळ असल्याने येथे कार खरेदी करणे सोयीस्कर आणि किफायतशीर ठरते. तसेच Gurugram हेही एक चांगले पर्याय आहे, जिथे रोड टॅक्स 5% ते 10% दरम्यान आहे, जो इतर अनेक राज्यांपेक्षा कमी आहे.

खिशावर भर पडायचा काही थांबत नाही! Yamaha च्या ‘या’ Scooter ची किंमत ‘इतक्या’ रुपयांनी वाढवली

याशिवाय Gangtok हे शहरही कार खरेदीसाठी किफायतशीर मानले जाते. येथे रोड टॅक्स कमी असून रजिस्ट्रेशन प्रक्रिया देखील सोपी आहे. येथे कार खरेदी केल्यास दिल्ली किंवा बेंगळुरूच्या तुलनेत 25 ते 35 हजार रुपयांची बचत होऊ शकते.

या शहरांमध्ये कार महाग का?

दुसरीकडे Delhi, Mumbai आणि Bengaluru सारख्या मोठ्या शहरांमध्ये कार खरेदी महाग पडते. कारण येथे रोड टॅक्स 7% ते 13% पर्यंत असतो. त्यामुळे 5 लाख रुपयांची कार ऑन-रोड सुमारे 5.5 ते 6 लाख रुपयांपर्यंत जाते.