ग्राहकांना नवीन वाहनांपेक्षा Second Hand Cars ची जास्त भुरळ! 2030 पर्यंत 95 लाख गाड्यांच्या विक्रीचा अंदाज

नवीन कार खरेदी करण्यापेक्षा ग्राहक सेकंड हॅन्ड कार्सना जास्त प्राधान्य देत आहे. नुकतेच एका रिपोर्टनुसार, आर्थिक वर्षात तब्बल 59 लाख सेकंड हॅन्ड कारची विक्री झाली आहे.

• देशात सेकंड हॅन्ड कारला जोरदार मागणी
• आर्थिक वर्षात तब्बल 59 लाख सेकंड हॅन्ड कारची विक्री
• 2030 पर्यंत 95 लाख गाड्यांच्या विक्रीचा अंदाज

देशातील सेकंड हॅण्ड कार बाजार जोरदार वेगाने विस्तारत आहे. महिंद्रा फर्स्ट चॉइस आणि व्होक्सवॅगन यांनी प्रसिद्ध केलेल्या अहवालानुसार, गेल्या आर्थिक वर्षात तब्बल ५९ लाख वापरलेल्या कारची विक्री झाली आहे. विशेष म्हणजे २०३० पर्यंत हा बाजार ९५ लाख युनिट्सपर्यंत झेपावेल, असा अंदाज या अहवालात वर्तविण्यात आला आहे.

गेल्या काही वर्षांत देशात ‘आपल्या कुटुंबासाठी स्वत:ची कार’ हे स्वप्न सत्यात उतरवणाऱ्यांची संख्या मोठ्या प्रमाणात वाढली आहे. यामुळे नव्या कारसोबतच जुनी कार घेण्याची क्रेझही वाढली आहे. एकूण विकल्या जाणाऱ्या सेकंड हॅण्ड कारपैकी निम्म्याहून अधिक गाड्या या एसयूव्ही आणि कॉम्पॅक्ट एसयूव्ही आहेत. मागील चार वर्षांत एसयूव्हीचा मार्केट शेअर २३% वरून ५०% पेक्षा जास्त झाला आहे.

एक गडबड आणि Toyota च्या ‘या’ कारचे हजारो युनिट्स बोलावले परत, नेमकं झालं काय?

दर वाढले असले तरी ग्राहक सुरक्षित, उच्च दर्जाची, कमी वर्षांची आणि सर्व्हिस हिस्ट्री स्पष्ट असलेली कार घेण्याला प्राधान्य देत आहेत. सरासरी सेकंड हॅण्ड कारच्या किमतींमध्ये ३६ टक्क्यांची वाढ झाली आहे.

सेकंड हॅण्ड कार बाजारातील महत्त्वाचे ट्रेंड

नॉन-मेट्रो प्रदेशांतील ६८% ग्राहकांना सेकंड हॅण्ड कार अधिक पसंत

४२% ग्राहक पुन्हा त्याच ब्रँडची कार खरेदी करण्यास उत्सुक

एकूण विक्रीत ३०% हिस्सा — ४ ते ७ वर्षे जुन्या कारचा

जुनी वाहने इंजिन पॉवरच्या बाबतीत मजबूत

अगदी घाणेरड्यातील घाणेरडा हेल्मेट सुद्धा दिसेल एकदम चकाचक, ‘या’ आहेत सोप्या Helmet Cleaning Tips

तज्ञांचे मत

जुन्या गाड्यांची इंजिन क्षमता अधिक असल्यामुळे त्यांची मागणी वाढली. नव्या कारमध्ये प्रदूषण नियंत्रण नियमांमुळे इंजिन क्षमता कमी होत असली, तरी जुनी वाहने पॉवरफुल इंजिनसह उपलब्ध असतात. तसेच त्यांची किंमत नव्या कारपेक्षा कमी असल्याने ग्राहकांचा कल जुन्या गाड्यांकडे वाढतो, असे वाहतूक तज्ञ विवेक पै यांनी सांगितले.

जुन्या वाहनांची मागणी वाढण्यामागील प्रमुख कारणे कोणती?

• नव्या कारचे वाढते दर आणि मर्यादित उपलब्धता
• सहज मिळणारे कर्ज, ऑनलाइन प्लॅटफॉर्म आणि पारदर्शक सेवा
• नॉन-मेट्रो व छोट्या शहरांमधून वाढती मागणी
• स्टायलिश गाडी कमी किमतीत मिळण्याचा पर्याय
• ब्रँड, फीचर्स व मेंटेनन्सचा विचार

किंमतीत वाढ का?

ग्राहक फक्त परवडणारा पर्याय म्हणून नव्हे तर स्टायलिश, फीचर-लोडेड कार मिळण्यासाठी सेकंड हॅण्ड कार निवडत आहेत. गुणवत्तापूर्ण वाहनांच्या मागणीमुळेच किमतीत वाढ होत आहे.