Auto Tips: पहिल्यांदाच खरेदी करताय Automatic Car? ड्रायव्हिंगदरम्यान या 4 चुका गियरबॉक्ससाठी ठरू शकतात घातक

Automatic Car Tips: भारतातील वाढत्या ट्रॅफिकमुळे अनेकजण आता ऑटोमॅटिक कारला पसंती देत आहेत. मात्र ऑटोमॅटिक कार चालवताना काही सामान्य चुका केल्यास गाडीचा गियरबॉक्स खराब होऊ शकतो आणि मोठा खर्च येऊ शकतो.

• गाडी पूर्णपणे न थांबवता D वरून R किंवा P मोडमध्ये शिफ्ट केल्यास गियरबॉक्स खराब होऊ शकतो.
• उतारावर न्यूट्रल मोड वापरल्यास गाडीवरील कंट्रोल कमी होतो आणि गियरबॉक्सला नुकसान पोहोचू शकते.
• ट्रॅफिकमध्ये वारंवार P मोड वापरणे आणि चुकीच्या पद्धतीने पार्किंग करणे गियरबॉक्ससाठी घातक ठरू शकते.

Automatic Car Updates: भारतात प्रत्येकवेळी लोकांना ट्रॅफिकच्या समस्येचा सामना करावा लागतो. ट्रॅफिकमध्ये वैतागलेल्या लोकांसाठी ऑटोमॅटिक कारचा पर्याय नेहमीच फायद्याचा आणि आरामदायक ठरू शकतो. कारण मॅन्युअल कार्सप्रमाणे ऑटोमॅटिक कारमध्ये वारंवार क्लच दाबण्याची आणि गिअर बदलण्याची कटकट नसते. ऑटोमॅटिक कार चालवण्याची पद्धत मॅन्युअल गाडीपेक्षा खूप वेगळी आहे. त्यामुळे ऑटोमॅटिक कार चालवताना काही महत्त्वाच्या गोष्टींची काळजी घेणं अत्यंत गरजेचं आहे. बरेच लोकं ड्रायव्हिंगदरम्यान काही अशा चूका करतात, ज्यामुळे गियरबॉक्स खराब होतो आणि गाडीचे नुकसान होऊ शकते. ऑटोमॅटिक कार चालवाताना खालील चुका टाळा.

अखेर तो क्षण आलाच! Honda City Facelift 2026 भारतीय बाजारात लाँच… वाचा किंमत आणि फीचर्स

गाडी चालू असताना गिअर बदलणं

ऑटोमॅटिक कार चालकांकडून केली जाणारी सर्वात सामान्य चूक म्हणजे गाडी चालू असताना गिअर बदलणं. गाडी पूर्णपणे थांबलेली नसेल तोपर्यंत गियर ड्राइव (D) हून रिवर्स (R) किंवा पार्क (P) मोडवर बदलू नका. ही चूक केल्यास गिअरबॉक्सच्या अंतर्गत भागांवर मोठा ताण येतो, ज्यामुळे गियरबॉक्स लगेच तुटू शकतात किंवा खराब होऊ शकतात. यामुळे गिअर बदलण्यापूर्वी गाडी पूर्णपणे थांबली असेल, याची खात्री करा. (फोटो सौजन्य – Pinterest)

उतारांवर न्यूट्रलचा वापर करणं

असे अनेक लोकं असतात जे माइलेज वाचण्यासाठी उतारांवर किंवा फ्लाईओवरवरून खाली येताना गाडी न्यूट्रल मोडवर सेट करतात. मात्र ही सर्वात मोठी चूक आहे. ही पद्धत केवळ नुकसानदायकच नाही तर असुरक्षित देखील आहे. गाडी न्यूट्रल मोडवर सेट केल्यास तुमचा गाडीवरील कंट्रोल कमी होतो. तसेच गियरबॉक्सला मिळणारा ऑईल सप्लाय देखील थांबतो. ज्यामुळे गिअरबॉक्सचे भाग एकमेकांवर घासले जातात, ते जास्त गरम होतात आणि नुकसान होऊ शकते.

ट्रॅफिग सिग्नलमध्ये पार्क मोड वापरणं

ट्रॅफिक सिग्नल किंवा जास्त वाहतूक कोंडी असलेल्या ठिकाणी जेव्हा गाडी थोड्या वेळासाठी थांबते, तेव्हा काही लोकं तात्काळ पार्क मोड ऑन करतात. नेहमी लक्षात ठेवा की, पार्क मोडचा वापर गाडी पूर्णपणे बंद करू एका ठिकाणी उभी करण्यासाठी केला जातो. ट्रॅफिक असलेल्या ठिकाणी जर तुम्ही वारंवार पार्क मोडचा वापर केला तर लॉकिंग पिनवर दबाव पडू शकतो. जर तुम्ही वाहतूक कोंडीत अडकला असाल, तर फक्त ब्रेक दाबून धरा किंवा गाडी N (न्यूट्रल) मध्ये टाका. वारंवार P मोड ऑन केल्यास गाडीचे नुकसान होऊ शकते.

Skoda Epiq ची ग्लोबल एंट्री! मिळणार दमदार रेंज, ADAS आणि प्रीमियम फीचर्स… जाणून घ्या किंमत

गाडी P मोडवर सोडणं

जेव्हा तुम्ही गाडी पार्क करता तेव्हा थेट P मोड चालू करून पाय हटवणं अत्यंत चुकीची सवय आहे. यामुळे गाडीचे संपूर्ण वजन गियरबॉक्सच्या एका छोट्या भागावर पडते. गाडी पार्क करताना सर्वात आधी गाडी थांबवा, गाडीला N मोडमध्ये शिफ्ट करा, आणि नंतर हँडब्रेक लावा. जेणेकरून गाडीचे संपूर्ण वजन ब्रेकवर येईल. त्यानंतरच P मोडमध्ये शिफ्ट करा.