प्रीमियम लूक आणि किंमत 2 लाखांच्या आत! Bajaj Pulsar N160 चा नवीन व्हेरिएंट झाला लाँच

बजाजने त्यांची लोकप्रिय बाईक Pulsar N160 चा नवीन व्हेरिएंट लाँच केला आहे. या मॉडेलमध्ये सिंगल-सीट आणि गोल्ड यूएसडी फोर्क सारख्या प्रीमियम फीचर्सचा समावेश केला आहे. चला याबद्दल अधिक माहिती जाणून घेऊयात.

• Bajaj Pulsar N160 चा नवीन व्हेरिएंट लाँच
• बाईकमध्ये सिंगल-सीट आणि गोल्ड यूएसडी फोर्क सारख्या प्रीमियम फीचर्सचा समावेश
• जाणून घ्या किंमत

भारतात आकर्षक लूक आणि उत्तम परफॉर्मन्स देणाऱ्या बाईकची चांगली मागणी पाहायला मिळते. अनेक दुचाकी उत्पादक कंपन्या बजेट फ्रेंडली सेगमेंटमध्ये दमदार इंजिन आणि तितकाच उत्तम परफॉर्मन्स देणाऱ्या बाईक लाँच करत असतात. अशीच एक कंपनी म्हणजे Bajaj Auto.

भारतात बजाजने अनेक उत्तम आणि स्टायलिश लूक असणाऱ्या Pulsar बाईक ऑफर केल्या आहेत. नुकतेच कंपनीने त्यांच्या लोकप्रिय 160 सीसी स्पोर्ट-नेकेड बाईकचा एक नवीन प्रकार, बजाज पल्सर एन160 लाँच केली आहे. या नवीन व्हेरिएंटमध्ये सिंगल-सीट पर्याय आणि प्रीमियम गोल्ड यूएसडी फोर्क्स आहेत. त्याची एक्स-शोरूम किंमत 1,23,983 आहे. चला या बाईकबद्दल अधिक माहिती जाणून घेऊयात.

हा हिशोब महत्वाचा! Tata Sierra ची टाकी फुल करण्यासाठी किती येईल खर्च? जाणून घ्या

आता Bajaj Pulsar N160 चार व्हेरिएंटमध्ये उपलब्ध

नवीन अपडेटसह, पल्सर N160 लाइनअपमध्ये आता चार व्हेरिएंट समाविष्ट आहेत. यात वेगवेगळ्या बजेट आणि गरजा असलेल्या रायडर्सना चांगले पर्याय प्रदान करण्याचे कंपनीचे उद्दिष्ट आहे.

सिंगल-सीट, ट्विन-डिस्क: 1,13,133 रुपये
ड्युअल-चॅनेल ABS: 1,16,773 रुपये
नवीन सिंगल-सीट USD फोर्क प्रकार: 1,23,983 रुपये
टॉप-स्पेक USD फोर्क + ड्युअल ABS: 1,26,920 रुपये

सुरक्षित Electric car च्या शोधात आहात? ‘या’ आहेत 5-स्टार सेफ्टी रेटिंग मिळवणाऱ्या EV

फीचर्स आणि इलेक्ट्रॉनिक्स

नवीन Pulsar N160 मध्ये या सेगमेंटमध्ये मिळणारे अनेक प्रीमियम फीचर्स कायम ठेवण्यात आले आहेत.

• बाय-फंक्शनल LED प्रोजेक्टर हेडलॅम्प
• LED DRLs
• ग्लिटर पॅटर्न असलेले LED टेललॅम्प
• USB मोबाइल चार्जिंग सुविधा
• ड्युअल ABS व्हेरिएंटमधील विशेष फीचर्स :
• टर्न-बाय-टर्न नेव्हिगेशन
• ABS रायड मोड डिस्प्ले

USD फोर्क व्हेरिएंटमध्ये आकर्षक गोल्ड सस्पेंशन फिनिश देण्यात आला आहे, ज्यामुळे मोटरसायकलचा लुक अधिक स्पोर्टी आणि प्रीमियम दिसतो.

इंजिन आणि कामगिरी

नवीन बाईकमध्ये त्याच विश्वसनीय 164.82cc सिंगल-सिलेंडर इंजिन आहे. हे इंजिन 16 पीएस पॉवर आणि 14.65 एनएम टॉर्क निर्माण करते. ते 5-स्पीड गिअरबॉक्ससह जोडलेले आहे. हे इंजिन विशेषतः त्याच्या मध्यम श्रेणीच्या कामगिरीसाठी आणि स्मूथ सिटी रायडिंगसाठी ओळखले जाते, ज्यामुळे N160 ला त्याच्या सेगमेंटमध्ये एक मजबूत स्थान निर्माण करण्यास मदत झाली आहे.