Bharat NCAP सेफ्टी टेस्टमध्ये ‘या’ 5 कार सर्वात पुढे उभ्या! एका झटक्यात मिळवली 5 स्टार रेटिंग

आज प्रत्येक कार खरेदीदार त्यांची कार किती सुरक्षित आहे, यावर लक्षकेंद्रित करत असतात. हीच बाब लक्षात घेत आज आपण 5 अशा कार्सबद्दल जाणून घेऊयात ज्यांना Bharat NCAP मध्ये 5 स्टार सेफ्टी रेटिंग मिळाली आहे.

अपघातांच्या वाढत्या घटनांमुळे आणि सुरक्षित प्रवासाबाबतची जागरूकता वाढल्याने लोक आता सेफ्टी फीचर्सकडे अधिक लक्ष देत आहेत. यामुळे आजकाल कार खरेदी करताना प्रत्येक ग्राहक सुरक्षिततेला सर्वाधिक प्राधान्य देताना दिसत आहे.  याच पार्श्वभूमीवर भारत सरकारने 2023 मध्ये Bharat NCAP सुरू केला. या कार्यक्रमांतर्गत कार्सची क्रॅश टेस्ट घेऊन त्यांना सेफ्टी रेटिंग दिले जाते, ज्यामुळे ग्राहकांना योग्य निर्णय घेणे सोपे जाते. आतापर्यंत 21 कार्सची चाचणी पूर्ण झाली असून, त्यापैकी 5-स्टार रेटिंग मिळवलेल्या 5 कार्सबद्दल आपण पुढे सविस्तर जाणून घेणार आहोत.

Ahilyanagar News: गॅसअभावी सरपणाच्या मागणीत वाढ! बेकरी व्यावसायिक अडचणीत

टाटा पंच ईव्ही (Tata Punch EV)

मे 2024 मध्ये 5-स्टार रेटिंग मिळवणारी Tata Punch EV ही भारत NCAP चाचणीतील पहिल्या इलेक्ट्रिक कार्सपैकी एक आहे. यात 6 एअरबॅग्स, ESP, हिल-होल्ड कंट्रोल, ISOFIX चाइल्ड सीट अँकर, रियर पार्किंग सेन्सर्स आणि टायर प्रेशर मॉनिटरिंग सिस्टीम (TPMS) यांसारखे सेफ्टी फीचर्स स्टँडर्ड दिले आहेत.

टाटा हॅरियर ईव्ही (Tata Harrier EV)

Tata Harrier EV ने जून महिन्यातील क्रॅश टेस्टमध्ये 5-स्टार रेटिंग मिळवली आहे. ही भारतातील सर्वाधिक सुरक्षित कार्सपैकी एक मानली जाते. यात 6 एअरबॅग्स, सीटबेल्ट रिमाइंडर, 3-पॉइंट सीटबेल्ट, ISOFIX अँकर आणि ESC यांसारख्या सुविधा दिल्या आहेत.

महिंद्रा बीई 6 (Mahindra BE 6)

Mahindra BE 6 ला जानेवारी 2025 मध्ये 5-स्टार रेटिंग मिळाली. ही रेटिंग टॉप-एंड व्हेरिएंटवर आधारित असली तरी ती सर्व व्हेरिएंट्सना लागू आहे. यात 6 एअरबॅग्स, रियर कॅमेरा, पार्किंग सेन्सर्स आणि TPMS यांसारखे सेफ्टी फीचर्स दिले आहेत.

Iran-Israel युद्धाचा फटका ऑटो सेक्टरला! वाहन खरेदीत तब्बल ‘इतक्या’ टक्क्यांनी घट

मारूती विक्टोरीस (Maruti Victoris)

Maruti Victoris या SUV ला देखील Bharat NCAP कडून 5-स्टार रेटिंग मिळाली आहे. यात 6 एअरबॅग्स, सर्व प्रवाशांसाठी 3-पॉइंट सीटबेल्ट, ESC आणि ISOFIX अँकर्स स्टँडर्ड दिले आहेत. टॉप व्हेरिएंट्समध्ये ADAS फीचर्स देखील उपलब्ध आहेत.

महिंद्रा एक्सईव्ही 9ई (Mahindra XEV 9e)

Mahindra XEV 9e ही कंपनीची पहिली इलेक्ट्रिक कूप-SUV असून तिला 5-स्टार रेटिंग मिळाली आहे. या कारने AOP मध्ये 32/32 पूर्ण गुण मिळवले आहेत. यात 6 एअरबॅग्स, ISOFIX अँकर, TPMS आणि इतर सेफ्टी फीचर्स बेस व्हेरिएंटपासूनच दिले आहेत.