शरीर म्हणेल थांब पण बाईक चालतच राहील लांब! फुल टॅंकवर 900 किमीची रेंज देतात ‘या’ Bikes, किंमत…

अनेक बाईकी खरेदीदार अशा पर्यायाच्या शोधात असतात, जी त्यांना एक उत्तम मायलेज देईल. आज आपण अशाच उत्तम मायलेज बाईक्सबद्दल जाणून घेऊयात.

• बेस्ट मायलेज बाईक
• फुल टॅंकवर 900 किमी रेंज देण्याची शक्यता
• किंमत 1 लाखांपेक्षा कमी

पेट्रोलच्या वाढत्या किमतींमुळे आज अनेक ग्राहक उत्तम मायलेज देणाऱ्या Bike च्या शोधात आहेत. विशेषतः रोजच्या प्रवासासाठी वापरता येईल अशी किफायतशीर आणि इंधन बचत करणारी बाईक घेण्याकडे लोकांचा कल वाढला आहे. शहरातील ट्रॅफिक, वाढते खर्च आणि मेंटेनन्स लक्षात घेता मायलेज हा सर्वात महत्त्वाचा घटक ठरत आहे. त्यामुळे कमी किंमतीत जास्त फायदा देणाऱ्या बाईक्सना मोठी मागणी आहे. अनेक कंपन्या आता या गरजेनुसार परवडणाऱ्या आणि चांगले मायलेज देणाऱ्या बाईक्स बाजारात आणत आहेत. त्यामुळे आज आपण 1 लाख रुपयांपेक्षा कमी किंमतीत उपलब्ध असलेल्या काही उत्तम आणि विश्वासार्ह बाईक्सबद्दल सविस्तर जाणून घेणार आहोत.

TVS Raider 125

या दुचाकींच्या यादीतील पहिले नाव म्हणजे TVS Raider 125. उत्तम परफॉर्मन्ससह प्रभावी मायलेजची अपेक्षा करणाऱ्या चालकांसाठी ही बाईक एक उत्कृष्ट पर्याय आहे. तिचे 124.8 cc चे इंजिन अत्यंत शक्तिशाली आहे, ज्यामुळे शहरातील वाहतुकीतून मार्ग काढणे अगदी सहजसोपे ठरते. ही बाईक शहरात 65 kmpl आणि महामार्गावर 71 kmpl पर्यंतचे मायलेज देते. या बाईकची सुरुवातीची एक्स-शोरूम किंमत 82,000 रुपये आहे.

मुंबईकरांनो लक्ष द्या! आता तुमच्या नवीन दुचाकींसाठी ‘या’ नवीन नोंदणी मालिकेची सुरुवात

Hero Xtreme 125R

तुमच्यासाठी दुसरी बाईक म्हणजे Hero Xtreme 125R; ही बाइक ‘कम्युटर बाइक’ सेगमेंटमध्ये एक स्पोर्टी लूक घेऊन आली आहे. याचे डिझाइन अत्यंत आधुनिक आहे. ही बाईक शहरात 81.5 kmpl आणि महामार्गावर 61 kmpl इतके मायलेज देते. या दुचाकीची एक्स-शोरूम किंमत 89,300 रुपये आहे.

TVS Star City Plus

या यादीतील तिसरे नाव म्हणजे TVS Star City Plus. ही बाईक उत्कृष्ट मायलेज देण्यासोबतच, कमी मेंटेनन्स कॉस्टसाठी ओळखली जाते. ही बाईक शहरात 83 kmpl आणि महामार्गावर 66.3 kmpl इतका मायलेज देते. या बाईकची किंमत 72500 (एक्स-शोरूम) रुपयांपासून सुरू होते.

फेब्रुवारी 2026 मध्ये ‘या’ Bikes चा वेगळाच दरारा! ग्राहकांचा मिळाला उदंड प्रतिसाद

Hero Splendor Plus Xtec

यादीतील पुढील नाव म्हणजे Hero Splendor Plus Xtec; हे एक असे मॉडेल आहे जे आपल्या प्रभावी मायलेजमुळे भारतीय बाजारपेठेत अनेक वर्षांपासून प्रसिद्ध आहे. ही बाईक सरासरी 89.5 किलोमीटर प्रति लिटर इतके मायलेज देते. 9.8 लिटर इंधन टाकीची क्षमता असलेल्या या बाईकसह, एका पूर्ण भरलेल्या टाकीवर 900 किलोमीटरपर्यंतचा प्रवास करणे शक्य होते. या बाईची किंमत 74,902 (एक्स-शोरूम) पासून सुरू होते.