पेट्रोल महाग झालं तरी टेन्शन नाही! 1 लिटर इंधनावर 27 किमीचा मायलेज देतात ‘या’ Hybrid Cars

इराण-इस्राएल संघर्षामुळे इंधनांच्या किमतीत वाढ होत आहे. मात्र, यातही आज आपण अशा हायब्रीड कारबद्दल जाणून घेऊयात, ज्या उत्तम मायलेज देण्यास सक्षम आहेत.

• उत्तम मायलेज हवा असल्यास हायब्रीड कार चांगला पर्याय
• Toyota Urban Cruiser Hyryder आणि Maruti Grand Vitara उत्तम पर्याय
• जाणून घ्या दोन्ही कार्सचा मायलेज

मध्यपूर्वेतील वाढता तणाव आणि कच्च्या तेलाच्या किमतींमधील मोठी वाढ यांचा परिणाम आता भारतातही स्पष्टपणे दिसून येत आहे. तेल कंपन्यांनी प्रीमियम पेट्रोलच्या किमतीत प्रति लिटर 2 ते 2.30 रुपयांची वाढ केली आहे. मात्र, रेग्युलर पेट्रोलच्या किमतींमध्ये तूर्तास कोणताही बदल करण्यात आलेला नाही. हे जरी दिलासादायक असले तरी, सध्याची जागतिक परिस्थिती पाहता, येणाऱ्या काळात इंधनाच्या किमती आणखी वाढण्याची शक्यता वर्तवली जात आहे.

अशा वातावरणात, सर्वसामान्य माणसाची मुख्य चिंता ही इंधनावरील खर्चाशी संबंधित असते. एकदा वाहन खरेदी केले की, पेट्रोलवर होणारा वारंवारचा मासिक खर्च हा आर्थिक नियोजनावर मोठा बोजा टाकतो. नेमक्या याच कारणामुळे, आता कार खरेदी करताना विचारात घेण्याचा ‘मायलेज’ हा सर्वात महत्त्वाचा घटक बनला आहे.

कार खरेदीचे स्वप्न महागणार! ‘या’ तारखेपासून Tata Motors च्या Cars ची किंमत वाढवणार

जर तुमचे वाहन कमी पेट्रोलमध्ये अधिक अंतर कापू शकत असेल, तर वाढत्या किमतींचा परिणाम बऱ्याच अंशी कमी करता येतो. म्हणूनच, आज आपण अशा काही कार्सबद्दल जाणून घेऊयात, ज्या एका लिटर इंधनात 27 किलोमीटरपर्यंतचे अंतर कापू शकतात. यामुळे पेट्रोलच्या किमती जरी वाढत राहिल्या तरीही, तुम्ही थोडे तणावमुक्त राहू शकाल.

हायब्रिड कार्स देतात सर्वाधिक दिलासा

महागड्या पेट्रोलच्या या काळात, हायब्रिड कार्स हा सर्वोत्तम पर्याय म्हणून समोर येत आहेत. Toyota Urban Cruiser Hyryder आणि Maruti Grand Vitara यांसारखी वाहने प्रति लिटर सुमारे 27.97 किलोमीटरपर्यंतचे मायलेज देतात. या कार्समध्ये पेट्रोल किंवा डिझेल इंजिनसोबतच इलेक्ट्रिक मोटरही असते, ज्यामुळे इंधनाचा वापर कमी होतो. त्याचप्रमाणे, Honda City e:HEV ही कार देखील प्रति लिटर सुमारे 27.26 किलोमीटरचे मायलेज देते. सेडान प्रकारातील कारमध्ये उत्तम मायलेज शोधणाऱ्यांसाठी ही कार एक उत्कृष्ट पर्याय ठरते.

बजेट कमी मात्र मायलेजची हमी

जर तुम्ही मर्यादित बजेटमध्ये कार खरेदी करण्याचा विचार करत असाल, तर असे अनेक पर्याय उपलब्ध आहेत जे इंधनाच्या बाबतीत चांगला मायलेज देतात. मारुती सेलेरिओ (Maruti Celerio) प्रति लिटर सुमारे 26 किलोमीटरपर्यंतचे मायलेज देते; यामुळे बाजारातील सर्वात किफायतशीर पेट्रोल कारपैकी एक म्हणून तिची गणना केली जाते.

बाईकवरून पडण्याच्या भीतीला टाटा बाय बाय करा! ‘या’ देशात लाँच झाली जगातील पहिली सेल्फ बॅलन्सिंग बाईक

याव्यतिरिक्त, मारुती स्विफ्ट (Maruti Swift) सुमारे 25.75 किलोमीटर प्रति लिटर, तर मारुती डिझायर (Maruti Dzire) सुमारे २५.७१ किलोमीटर प्रति लिटर इतके मायलेज देते. या दोन्ही कार दैनंदिन वापरासाठी अत्यंत लोकप्रिय आहेत आणि त्या कमीत कमी इंधन वापरूनही उत्कृष्ट कामगिरी देतात. शिवाय, कारचे चांगले मायलेज म्हणजे केवळ तात्काळ होणारा खर्च वाचवणे नव्हे, तर त्यातून दीर्घकाळासाठी मोठी आर्थिक बचतही साध्य होते. पेट्रोलचे दर गगनाला भिडले असतानाच्या या काळात, कमी इंधनावर अधिक अंतर कापणारी कार हाच सर्वोत्तम पर्याय मानला जातो. मध्यमवर्गीय कुटुंबांसाठी तर हा घटक विशेषतः अत्यंत महत्त्वाचा ठरला आहे.