Maruti Suzuki Ertiga : नाद करायचा नाय! स्कॉर्पिओ, बोलेरो, इनोव्हा, कॅरेन्स, फॉर्च्युनरपेक्षा ‘ही’ ७-सीटर कार ठरली नंबर १, किंमत…

Maruti Suzuki Ertiga News : तुमचं कुटुंब मोठं असेल तर तुमच्यासाठी ७ सीटर कार एक प्रॅक्टिकल पर्याय ठरेल. या कारमध्ये अधिक स्पेस मिळते. परंतु ७ सीटर कार या महाग असतात असं बऱ्याच जणांना वाटतं. अशाच ग्राहकांसाठी ही बातमी...

Maruti Suzuki Ertiga News In Marathi: देशातील ७-सीटर सेगमेंटमध्ये मारुती सुझुकी एर्टिगाचे वर्चस्व कायम आहे. गेल्या महिन्यात म्हणजेच एप्रिलमध्ये एर्टिगा या विभागातील टॉप-९ च्या यादीत अव्वल स्थानावर होती. तर महिंद्रा स्कॉर्पिओ थोड्या फरकाने दुसऱ्या क्रमांकावर राहिली. या दोन्ही कारमध्ये फक्त २४६ युनिट्सचा फरक होता. एर्टिगाची सुरुवातीची एक्स-शोरूम किंमत ८.९७ लाख रुपये आहे. या दोन्ही कारविषयी बोलायचं झालं तर, इतर कोणतीही कार १० हजार युनिट्सच्या विक्रीचा आकडा ओलांडू शकली नाही. या यादीत रेनॉल्ट ट्रायबर शेवटच्या स्थानावर होती. विशेष म्हणजे ट्रायबर ही या यादीत समाविष्ट असलेली सर्वात स्वस्त ७-सीटर एमपीव्ही आहे. चला तर मग टॉप-१० यादीवर एक नजर टाकूया…

Tata च्या इलेक्ट्रिक कार खरेदी करण्यासाठी हीच ‘ती’ सुवर्णसंधी ! डिस्काउंट असे जे कधीच पाहिले नसतील

७-सीटर कारमध्ये एप्रिल २०२५ मध्ये मारुती सुझुकी एर्टिगाच्या १५,७८० युनिट्स विकल्या गेल्या. तर एप्रिल २०२४ मध्ये १३,५४४ युनिट्स विकल्या गेल्या. म्हणजेच त्यात ०.१७% वाढ झाली. एप्रिल २०२५ मध्ये महिंद्रा स्कॉर्पिओच्या १५,५३४ युनिट्स विकल्या गेल्या. तर एप्रिल २०२४ मध्ये १४,४०७ युनिट्स विकल्या गेल्या. म्हणजेच त्यात ०.०५% वाढ झाली. एप्रिल २०२५ मध्ये महिंद्रा बोलेरोने ८,३८० युनिट्स विकल्या. तर एप्रिल २०२४ मध्ये ९,५३७ युनिट्स विकल्या गेल्या. म्हणजेच त्यात १२% घट झाली.

एप्रिल २०२५ मध्ये टोयोटा इनोव्हाच्या ७,६९९ युनिट्स विकल्या गेल्या. तर एप्रिल २०२४ मध्ये ७,१०३ युनिट्स विकल्या गेल्या. म्हणजेच त्यात ०.०८% वाढ झाली. एप्रिल २०२५ मध्ये महिंद्रा XUV ७०० च्या ६,८११ युनिट्सची विक्री झाली. तर एप्रिल २०२४ मध्ये ६,१३४ युनिट्सची विक्री झाली. म्हणजेच त्यात ०.११% वाढ झाली. एप्रिल २०२५ मध्ये किआ कॅरेन्सने ५,२५९ युनिट्स विकल्या. तर एप्रिल २०२४ मध्ये ५,३२८ युनिट्स विकल्या गेल्या. याचा अर्थ त्यात १% घट झाली.

तर एप्रिल २०२५ मध्ये टोयोटा फॉर्च्युनरने २,९०४ युनिट्स विकल्या. तर एप्रिल २०२४ मध्ये २,३२५ युनिट्स विकल्या गेल्या. म्हणजेच त्यात ०.२५% वाढ झाली. टोयोटा रुमियनने एप्रिल २०२५ मध्ये २,४६२ युनिट्स विकल्या. तर एप्रिल २०२४ मध्ये १,१९२ युनिट्स विकल्या गेल्या. म्हणजेच त्यात १.०७% वाढ झाली. एप्रिल २०२५ मध्ये रेनॉल्ट ट्रायबरने १,४०१ युनिट्स विकल्या. तर एप्रिल २०२४ मध्ये १,६७१ युनिट्स विकल्या गेल्या. म्हणजेच त्यात १६% घट झाली.

30,000 पगारात सुद्धा खरेदी करता येईल ‘ही’ स्वस्त इलेक्ट्रिक कार, फक्त काही मिनिटात समजून घ्या EMI चा हिशोब