कार मोडिफिकेशन आणि RTO नियम; महाराष्ट्रात नक्की काय लीगल आहे आणि काय नाही? जाणून घ्या सविस्तर माहिती

तुम्हाला माहिती आहे का? कारमध्ये म्युझिक सिस्टीम किंवा सीएनजी किट बसवणे कायदेशीर असले, तरी सायलेन्सरचा आवाज बदलणे किंवा काळ्या काचा लावणे महागात पडू शकते! महाराष्ट्रात कार मोडिफाय करताना कोणती एक चुकीची पायरी थेट आरटीओकडून मोठा दंड किंवा गाडीची आरसी रद्द करू शकते, हे नक्की जाणून घ्या.

आपली कार रस्त्यावर इतरांपेक्षा वेगळी, आकर्षक आणि लक्झरी दिसावी यासाठी अनेक वाहनचालक कार मोडिफाय करतात. मात्र, मोटार वाहन कायदा आणि सर्वोच्च न्यायालयाच्या आदेशानुसार, गाड्यांमध्ये केलेले अनधिकृत बदल बेकायदेशीर ठरतात. महाराष्ट्रात कारमध्ये कोणते बदल कायदेशीर आहेत आणि कोणत्या बदलांमुळे थेट आरटीओ (RTO) कडून दंडात्मक कारवाई किंवा आरसी रद्द होऊ शकते, हे समजून घेणे अत्यंत महत्त्वाचे आहे.

कायदेशीर काय आहे?

आरटीओच्या नियमांनुसार वाहनाच्या मूळ रचनेला आणि सुरक्षेला धक्का न लावणारे बदल पूर्णपणे कायदेशीर मानले जातात:

• इंटेरिअर आणि ॲक्सेसरीज: कारच्या आत सीट कव्हर्स बदलणे, इन्फोटेन्मेंट टचस्क्रीन किंवा म्युझिक सिस्टीम बसवणे, रूफ रेल्स, डोअर प्रोटेक्टर्स आणि व्हायझर्स लावणे कायदेशीर आहे.
• टायर आणि अलॉय व्हील्स: कार उत्पादक कंपनीने ठरवून दिलेल्या आकारातच अलॉय व्हील्स किंवा टायर्स बदलता येतात.
• कारचा रंग बदलणे: कारचा मूळ रंग बदलता येतो, परंतु त्यासाठी आरटीओची पूर्वपरवानगी घेणे आणि आरसी वर नवीन रंगाची नोंद करणे अनिवार्य आहे.
• CNG किट: पेट्रोल कारमध्ये शासनमान्य सीएनजी किट बसवून त्याची नोंद आरसी बुकवर करून घेतल्यास ते वैध ठरते.

भारतीय ऑटो इंजिनअरिंगचा जगात डंका! टेस्ला आणि BYD ला मागे टाकत टाटा मोटर्स बनली जगातील सर्वाधिक कार्यक्षम EV उत्पादक कंपनी!

बेकायदेशीर काय आहे?

वाहनाच्या सुरक्षेला किंवा पर्यावरणाला धोका निर्माण करणारे बदल पूर्णपणे बेकायदेशीर आहेत:

• चासी आणि बॉडी स्ट्रक्चर मधील बदल: कारची लांबी, रुंदी, किंवा ग्राउंड क्लिअरन्स बदलणे किंवा चासी कापून बदल करणे बेकायदेशीर आहे.
• मोठ्या आवाजाचे एक्झॉस्ट: कंपनीचा मूळ सायलेन्सर काढून मोठ्या आवाजाचे एक्झॉस्ट बसवणे किंवा कॅटॅलिटिक कन्व्हर्टर काढणे हा गंभीर गुन्हा आहे.
• प्रखर लाईट्स: समोरच्या चालकाचे डोळे दिपवणारे अतिप्रखर हेडलाइट्स किंवा बेकायदेशीर एलईडी लाईट्स लावण्यास बंदी आहे.
• काळ्या काचा: कारच्या काचांवर गडद काळी फिल्म लावणे बंदीत येते

Triumph: ट्रायम्फचे मोटो २ वर्ल्ड चॅम्पियनशिपसाठी नवे आणि अधिक पावरफुल इंजिन! पाहा काय असेल या इंजिनची खासियत

नियमांचे उल्लंघन केल्यास काय होते?

बेकायदेशीर मोडिफिकेशन आढळल्यास आरटीओ आणि वाहतूक पोलिसांकडून मोठा दंड आकारला जाऊ शकतो. इतकेच नव्हे, तर गाडीचे रजिस्ट्रेशन निलंबित किंवा रद्द होऊ शकते आणि वाहन जप्तही केले जाऊ शकते. त्यामुळे कारमध्ये कोणताही मोठा बदल करण्यापूर्वी आरटीओच्या नियमांची खात्री करून घेणे सोयीचे ठरते.