फोटो सौजन्य: Freepik
कार असो कि बाईक ड्रायव्हिंग लायसन्स हे अनिवार्य असतेच. दिवसातून न जाणो कितीतरी जणांवर ड्रायव्हिंग लायसन्स नसल्यामुळे कारवाई होत असते. त्यातही जर तुमचे ड्रायव्हिंग लायसन्स जुने झाले असेल तर ट्राफिक पोलिसांकडून ते नवीन रूपात किंवा स्मार्ट कार्डच्या रूपात तयार करण्याचे आवाहन केले जाते.
जर तुम्ही सुद्धा ड्रायव्हींग लायसन्ससाठी अर्ज केला असेल किंवा तुमच्याकडे लायसन्स आहे परंतु ते स्मार्ट कार्ड स्वरूपात नसेल तर हि बातमी तुमच्यासाठीच आहे. मुंबईतील ताडदेव प्रादेशिक परिवहन कार्यालयाकडून एक महत्वाची सूचना जारी करण्यात आली आहे.
हे देखील वाचा: POP गणेशमूर्तींवर तूर्तास बंदी? मुंबई हायकोर्टाने दिला महत्त्वाचा निर्णय
ताडदेव प्रादेशिक परिवहन कार्यालयामार्फत ड्रायव्हींग लायसन्सचे स्मार्ट कार्डमध्ये रूपांतर करण्याची मोहीम हाती घेण्यात आली आहे. ज्या वाहन चालकांनी ड्रायव्हींग लायसन्स प्राप्त केले आहे. अशा वाहन चालकांनी 15 सप्टेंबर 2024 पर्यंत आपल्या ड्रायव्हींग लायसन्स संगणक प्रणालीद्वारे स्मार्ट कार्डमध्ये रूपांतर करण्याचे आवाहन प्रादेशिक परिवहन अधिकारी भरत कळसकर यांनी केले आहे.
१५ सप्टेंबर नंतर ड्रायव्हिंग लायसन्सचे स्मार्ट कार्डमध्ये रूपांतरण केले जाणार नाही याची ड्रायव्हींग लायसन्स धारकांनी नोंद घ्यावी अशी महत्वाची सूचना ताडदेव प्रादेशिक परिवहन कार्यालयाकडून देण्यात आली आहे. मुंबई (मध्य) ताडदेव येथील प्रादेशिक परिवहन कार्यालयाच्या (आरटीओ) परिसरात कार्यालयीन इमारतीचे बांधकाम, आय ॲण्ड सी सेंटर, वाहन चालक प्रशिक्षण केंद्राचे बांधकाम होणार आहे. या कार्यालयाकडून नोव्हेंबर २००६ पूर्वी जारी करण्यात आलेल्या सर्व ड्रायव्हिंग लायसन्स धारकांची लायसन्स नॉर्मल स्वरूपातच आहे. अशा धारकांनी १५ सप्टेंबर २०२४ पर्यंत या कार्यालयामध्ये येऊन आपले ड्रायव्हींग लायसन्सचे संगणक प्रणालीमध्ये बॅकलॉग करून घ्यावे व नॉर्मल स्वरूपातील ड्रायव्हींग लायसन्सचे स्माट कार्डमध्ये रूपांतरण करण्याची प्रक्रिया पूर्ण करावे.
