‘या’ Scooter चा फॅन बेस एखाद्या स्टारपेक्षा कमी नाही! आतापर्यंत विकले तब्बल 3.5 कोटी युनिट्स

भारतीय बाजारात स्कूटरच्या विक्रीत सातत्याने वाढ होताना दिसत आहे. अशाच एका स्कूटरने विक्रीच्या बाबतीत सगळे रेकॉर्ड्स मोडीत काढले आहे.

भारतीय ऑटो बाजारात स्कूटरच्या मागणीत सातत्याने वाढ होताना दिसत आहे. अशीच एक लोकप्रिय स्कूटर म्हणजे Honda Activa. आजही स्कूटर म्हंटलं की अनेक जणांना ॲक्टिव्हाचेच नाव आठवते. कंपनीने देखील बदलत्या काळानुसार या स्कूटरमध्ये बदल केले आहे. म्हणूनच तर 2001 साली लाँच झालेली स्कूटर आजही ग्राहकांच्या मनावर अधिराज्य गाजवत आहे. नुकतेच या स्कूटरचे 3.5 कोटी युनिट्सची विक्री झाली आहे.

होंडा मोटरसायकल अँड स्कूटर इंडिया (HMSI), देशातील आघाडीचा दुचाकी निर्माता, यांनी आपल्या लोकप्रिय Activa स्कूटर श्रेणीसाठी 35 मिलियन म्हणजेच 3.5 कोटींच्या विक्रीचा टप्पा पार करत नवा इतिहास रचला आहे. या श्रेणीत Activa 110, Activa 125 आणि Activa-i मॉडेल्सचा समावेश आहे. गेल्या 24 वर्षांत Activa ने भारतीय ग्राहकांच्या मनात आपले एक वेगळे स्थान निर्माण केले असून, ती देशातील सर्वाधिक विश्वासार्ह आणि आवडती स्कूटर बनली आहे.

2001 मध्ये पहिल्यांदा लाँच झालेली Activa आज महानगरांपासून ते छोट्या शहरांपर्यंत प्रत्येक रस्त्यावर दिसते. साधेपणा, विश्वासार्हता आणि इंधन कार्यक्षमतेसाठी प्रसिद्ध असलेली ही स्कूटर भारतीय दुचाकी उद्योगाच्या बदलत्या स्वरूपाचे प्रतीक बनली आहे. HMSI च्या वाढीमध्ये Activa चा मोठा वाटा असून, कंपनीच्या ब्रँड ओळखीला तिने मजबूत पाया दिला आहे.

MG Comet EV ला जोरदार टक्कर मिळणार! Suzuki आणणार पहिली इलेक्ट्रिक मायक्रो कार, सिंगल चार्जवर मिळेल 270 KM ची रेंज

कंपनीच्या आकडेवारीनुसार, Activa चे पहिले 10 मिलियन ग्राहक 2015 मध्ये, 20 मिलियन ग्राहक 2018 मध्ये, आणि आता 35 मिलियन ग्राहकांचा टप्पा 2025 मध्ये पार करण्यात आला आहे. हा प्रवास लाखो भारतीय ग्राहकांच्या टिकून राहिलेल्या विश्वासाचा पुरावा आहे.

वर्षानुवर्षे Activa ने तंत्रज्ञान आणि वापर अनुभवात मोठ्या सुधारणा केल्या आहेत. Activa e: या इलेक्ट्रिक व्हर्जनच्या लाँचसह, या ब्रँडने नव्या युगात प्रवेश केला आहे. अलीकडेच ऑगस्ट 2025 मध्ये HMSI ने Activa आणि Activa 125 Anniversary Edition सादर करत या लोकप्रिय स्कूटरला एक नवे, आकर्षक रूप दिले.

HMSI ने भारतभर मजबूत डीलर नेटवर्क उभारले असून, विक्री आणि सर्व्हिसची सहज उपलब्धता ग्राहकांना दिली आहे. सध्या कंपनीकडे 110cc आणि 125cc व्हेरिएंटमध्ये Activa व Dio स्कूटर उपलब्ध आहेत. याशिवाय, बाईक श्रेणीत कंपनीकडे 100cc ते 200cc दरम्यानच्या दहा मॉडेल्स आहेत, ज्यात Shine 100, Livo, Unicorn, SP160, Hornet 2.0 आणि NX200 यांचा समावेश आहे.

मार्केट आम्हीच गाजवणार! ‘ही’ कंपनी भारतात एकामागोमाग 10 नवीन कार लाँच करणार; Maruti, Tata आणि Hyundai च्या टेन्शनमध्ये वाढ

इलेक्ट्रिक सेगमेंटमध्ये पहिले पाऊल!

कंपनीने इलेक्ट्रिक वाहन क्षेत्रातही पाऊल टाकले असून, Activa e: आणि QC1 इलेक्ट्रिक स्कूटर सादर केल्या आहेत. प्रीमियम बाईक हव्या असणाऱ्या ग्राहकांसाठी HMSI ने BigWing Topline आणि BigWing शोरूम्स मोठ्या शहरांमध्ये कार्यरत आहेत, जिथे CB350, CB300R, Rebel 500, Hornet 1000 SP आणि Gold Wing Tour सारख्या हाय बाईक्स उपलब्ध आहेत.