New Renault Duster चा बेस व्हेरिएंट खरेदी करणे किती फायदेशीर? किमतीपासून ते फीचर्सपर्यंत जाणून घ्या सर्वकाही

नुकतेच मार्केटमध्ये रेनॉल्ट डस्टरचा अपडेटेड व्हर्जन लाँच झाला आहे. चला जाणून घेऊयात, या कारचा बेस व्हेरिएंट खरेदी करणे किती फायदेशीर आहे.

• नवीन रेनॉल्ट डस्टर लाँच
• डस्टरचा बेस व्हेरिएंट खरेदी करणे फायदेशीर?
• जाणून घ्या कारच्या फीचर्सबद्दल

नवीन Renault Duster ची सुरुवातीची किंमत 10.4 लाख रुपये ठेवण्यात आली आहे, जी मिड-साईज SUV सेगमेंटमध्ये किफायतशीर आहे. या किंमतीवर कंपनीने बेस वेरिएंट Authentic उपलब्ध केले आहे. बेस वेरिएंट असलं तरी यात काही आवश्यक फीचर्स दिलेले आहेत. हे वेरिएंट त्यांच्यासाठी तयार केले आहे जे कमी बजेटमध्ये SUV अनुभव घ्यायला इच्छितात.

इंजिन आणि परफॉर्मन्स

Authentic वेरिएंटमध्ये 1.0 लिटर टर्बो पेट्रोल इंजिन आहे, जे 100 bhp पावर देते. त्यासोबत 6-स्पीड मॅन्युअल गिअरबॉक्स आहे. हे इंजिन शहर आणि हायवे दोन्हीसाठी संतुलित परफॉर्मन्स देते. जरी यात ऑटोमॅटिक गिअरबॉक्स किंवा जास्त पावरचा पर्याय नाही, तरी बेस वेरिएंटसाठी हे इंजिन समाधानकारक आहे.

जुनं असलं तरी खणखणीत वाजतं नाणं! मार्केटमध्ये ‘या’ Two Wheelers ला मिळते तगडी रिसेल व्हॅल्यू

बेस वेरिएंटमध्ये आवश्यक फीचर्स

Authentic वेरिएंटमध्ये LED हेडलाइट्स, 7-इंच डिजिटल ड्रायव्हर डिस्प्ले, 6 एयरबैग्स, पार्किंग सेन्सर, मॅन्युअल AC आणि रियर AC वेंट्स उपलब्ध आहेत. तसेच TPMS (टायर प्रेशर मॉनिटरिंग सिस्टम) आणि अॅडजस्टेबल स्टीयरिंग यांसारखी फीचर्सही दिल्या आहेत, ज्यामुळे थोडा प्रीमियम फील मिळतो.

डिझाईन आणि इंटीरिअर

डिझाईन साधे आहे; यात अलॉय व्हील्स आणि रूफ रेल्स नाहीत, फक्त ब्लॅक स्टील व्हील्स दिले आहेत. LED टेल लाइट्स आहेत, पण कनेक्टेड लाइटिंग किंवा रियर वायपर नाही. इंटीरिअरही बेसिक आहे; इंफोटेनमेंट सिस्टम नाही आणि AC मॅन्युअल आहे. स्टीयरिंग व्हीलची फिनिश चांगली आहे, त्यामुळे थोडासा प्रीमियम फील मिळतो.

Audi आणतेय आतापर्यंतची सर्वात किफायतशीर Electric Hatchback Car, जाणून घ्या अपेक्षित किंमत?

खरेदीसाठी सल्ला

जर तुम्हाला फक्त कमी किंमतीत SUV हवी असेल, तर हे वेरिएंट ठीक आहे. पण काही आवश्यक फीचर्स, जसे की इंफोटेनमेंट सिस्टम आणि स्टाइलिंग एलिमेंट्स, याची कमतरता आहे. थोडा बजेट वाढवून “Evolution” वेरिएंट घेणे फायदेशीर ठरेल, ज्यामध्ये अधिक फीचर्स, रियर कॅमेरा आणि पॉवरफुल इंजिनचा पर्याय मिळतो.