Hyundai Venue 2025: प्रतीक्षा संपली! ‘या’ तारखेला लाँच होणार शक्तिशाली दमदार SUV चे नवीन मॉडेल

Hyundai पुढील महिन्यात भारतात नवीन पिढीची व्हेन्यू 2025 लाँच करत आहे. यात नवीन प्रीमियम डिझाइन, ट्विन-स्क्रीन डॅशबोर्डसह प्रगत वैशिष्ट्ये आणि तेच शक्तिशाली इंजिन पर्याय असतील. पुढे काय येत आहे ते जाणून घ्या.

• प्रतीक्षा संपली!
• ‘या’ तारखेला लाँच होणार शक्तिशाली दमदार SUV चे नवीन मॉडेल
• Adnanced फीचर्सचा समावेश

Hyundai Venue 2025: भारतातील कॉम्पॅक्ट एसयूव्ही सेगमेंटमध्ये वर्चस्व गाजवणारी ह्युंदाई (Hyundai) लवकरच आपली लोकप्रिय व्हेन्यू (Venue) SUV नवीन जनरेशन मॉडेलमध्ये (कोडनेम QU2i) लाँच करणार आहे. कंपनी 4 नोव्हेंबर रोजी नवीन व्हेन्यू 2025 सादर करेल. 2019 मध्ये लाँच झालेल्या व्हेन्यूला हा पहिला मोठा जनरेशन अपडेट असणार आहे. नवीन व्हेन्यूमध्ये डिझाईन आणि फीचर्समध्ये लक्षणीय बदल दिसतील, मात्र तिचे इंजिन पूर्वीप्रमाणेच दमदार राहतील.

नवीन लूक: अधिक स्टायलिश आणि ‘क्रेटा’सारखे बोल्ड डिझाईन

नवीन जनरेशन ह्युंदाई व्हेन्यूचा लूक अधिक आकर्षक आणि आधुनिक असणार आहे. आतापर्यंत समोर आलेल्या फोटोंनुसार, याचे डिझाईन आता अधिक क्रेटा (Creta) सारखे बोल्ड आणि बॉक्सी असेल.

• फ्रंट लूक: समोरच्या बाजूला स्प्लिट हेडलॅम्प सेटअप, व्हर्टिकल LED DRL (डे-टाईम रनिंग लाईट्स) आणि मोठी, आयताकृती (rectangular) पॅटर्नची ग्रिल दिली जाईल, ज्यामुळे व्हेन्यूला अधिक दमदार लूक मिळेल.
• साइड प्रोफाइल: साइड प्रोफाइलमध्ये जाड व्हील आर्च क्लॅडिंग, १६-इंचचे नवीन अलॉय व्हील्स आणि शार्प मिरर डिझाईन पाहायला मिळेल.
• मागील भाग: मागील बाजूला कनेक्टेड LED टेल लॅम्प्स चे नवीन डिझाईन दिले जाईल, जे व्हेन्यूला पूर्वीपेक्षा जास्त प्रीमियम फील देईल.

हे देखील वाचा: बंपर दिलासा! GST कमी झाल्यामुळे Force Motors च्या गाड्यांच्या किंमतीत मोठी घसरण

केबिनमध्ये बदल, अॅडव्हान्स फीचर्सचा समावेश

नवीन व्हेन्यूचे इंटिरियर पूर्णपणे बदललेले असेल आणि तंत्रज्ञानाच्या बाबतीत ती अपग्रेड झालेली असेल.

• इंटिरियर: यामध्ये नवीन डॅशबोर्ड डिझाईन, तसेच नवीन क्रेटामध्ये दिसणारे ट्विन-स्क्रीन सेटअप आणि नवीन स्टिअरिंग व्हील दिले जाईल.
• टेक्नॉलॉजी: फीचर्सच्या बाबतीतही एसयूव्ही अधिक अॅडव्हान्स असेल. यामध्ये 360-डिग्री कॅमेरा, लेव्हल 2 ADAS (Advanced Driver Assistance Systems) टेक्नोलॉजी आणि अनेक नवीन कंफर्ट फीचर्स समाविष्ट होण्याची अपेक्षा आहे.

इंजिन लाइनअप पूर्वीप्रमाणेच राहणार

नवीन ह्युंदाई व्हेन्यू 2025 मध्ये कोणताही यांत्रिक (Mechanical) बदल केला जाणार नाही. यात सध्याच्या मॉडेलमध्ये उपलब्ध असलेले तेच तीन इंजिन पर्याय कायम ठेवले जातील:

कॉम्पॅक्ट एसयूव्ही सेगमेंटमध्ये मोठी टक्कर

ह्युंदाई व्हेन्यू भारतीय बाजारपेठेत दरमहा 7,000 ते 8,000 युनिट्स विक्रीसह कंपनीच्या सर्वाधिक विकल्या जाणाऱ्या एसयूव्हीपैकी एक आहे. नवीन मॉडेल लाँच झाल्यानंतर ही एसयूव्ही पुन्हा एकदा टाटा नेक्सॉन (Tata Nexon), मारुती ब्रेझा (Maruti Brezza), किया सोनेट (Kia Sonet) आणि महिंद्रा XUV 3XO यांसारख्या प्रतिस्पर्धी मॉडेलला जोरदार टक्कर देईल. नवीन व्हेन्यू 2025 डिझाईन, इंटिरियर आणि फीचर्सच्या बाबतीत अधिक प्रीमियम आणि आकर्षक असेल, ज्यामुळे स्टाइलिश, आरामदायक आणि विश्वासार्ह कॉम्पॅक्ट एसयूव्ही खरेदी करू इच्छिणाऱ्यांसाठी हा एक उत्तम पर्याय ठरू शकतो.

हे देखील वाचा: GST कपातीनंतर देशातील सर्वात 5 स्वस्त कार्स, किंमत केवळ 3.49 लाखांपासून सुरू; तपशील जाणून घ्या