Hyundai ने ग्राहकांना दिलाय जोर का झटका! Venue च्या ‘या’ मॉडेल्सच्या किमतीत झपाट्याने वाढ

भारतात अनेक कॉम्पॅक्ट एसयूव्ही लोकप्रिय आहेत. अशीच एक लोकप्रिय कार म्हणजे Hyundai Venue. नुकतेच या कारच्या काही पेट्रोल आणि डिझेल व्हेरिएंटच्या किमतीत वाढ करण्यात आली आहे.

• ह्युंदाई मोटर्सच्या अनेक कार लोकप्रिय
• ह्युंदाई व्हेन्यू ही त्यातीलच एक लोकप्रिय एसयूव्ही
• व्हेन्यूचे पेट्रोल आणि डिझेल व्हेरिएंट महागले

Hyundai Motor India ने आपल्या कॉम्पॅक्ट SUV Hyundai Venue च्या किमतीत वाढ करण्याची घोषणा केली आहे. पेट्रोल आणि डिझेल या दोन्ही मॉडेल्समधील काही निवडक व्हेरिएंट्सच्या किमतीत 5,000 ते 20,000 रुपयांपर्यंत वाढ करण्यात आली आहे. या बदलानंतर Venue ची किंमत आता 7.99 लाख ते 15.51 लाख रुपये (एक्स-शोरूम) दरम्यान आहे. ही SUV भारतात नोव्हेंबर 2025 मध्ये लाँच करण्यात आली होती. चला या कारच्या किमतीबद्दल जाणून घेऊयात.

Renault Duster की Skoda Kushaq: कोणती SUV आहे बजेट किंग? जाणून घ्या एका क्लिकवर

पेट्रोल व्हेरिएंटच्या किमती

1.2 लिटर पेट्रोल इंजिन असलेल्या HX5 ट्रिममध्ये सर्वाधिक वाढ झाली आहे. या व्हेरिएंटची किंमत आता 9.55 लाख रुपये झाली असून पूर्वी ती 9.35 लाख रुपये होती. सर्वात स्वस्त HX2 व्हेरिएंटच्या किमतीत कोणताही बदल करण्यात आलेला नाही आणि ती अजूनही 8.00 लाख रुपये आहे. टॉप व्हेरिएंट्स HX+5 (9.99 लाख रुपये) आणि HX6T (10.80 लाख रुपये) यांच्या किमतीतही कोणताही बदल झालेला नाही.

माध्यमांच्या अहवालानुसार, स्पोर्टी व्हेरिएंट्स जसे N6 (10.65 लाख रुपये) आणि N10 DCT (15.40 लाख रुपये) यांच्या किमतीतही बदल करण्यात आलेला नाही.

डिझेल व्हेरिएंटच्या नव्या किमती

डिझेल व्हेरिएंट्सपैकी बहुतेकांच्या किमतीत सुमारे 8,000 रुपयांची वाढ झाली आहे. त्यानुसार HX2 ची किंमत आता 9.87 लाख रुपये, HX5 ची 10.87 लाख रुपये, HX5 AT ची 11.81 लाख रुपये आणि HX7 ची 12.69 लाख रुपये झाली आहे. टॉप व्हेरिएंट्स HX8 AT (13.69 लाख रुपये) आणि HX10 AT (15.51 लाख रुपये) यांच्या किमतीत कोणताही बदल झालेला नाही.

Auto News: Royal Enfield Classic 350 खरेदी करण्यापूर्वी 5 गोष्टी माहीत हव्याच, पैशाचा होईल पुरेपूर वापर

ग्राहकांवर होणारा परिणाम

ही किंमतवाढ अशा वेळी करण्यात आली आहे, जेव्हा सब-4 मीटर SUV सेगमेंटमध्ये Kia Sonet, Tata Nexon, Mahindra XUV 3XO आणि Maruti Brezza यांसारख्या मॉडेल्सकडून कडवी स्पर्धा मिळत आहे. बजेट लक्षात घेणाऱ्या ग्राहकांसाठी बेस व्हेरिएंट अजूनही आकर्षक पर्याय ठरत आहेत.

मात्र, Venue चे मिड-स्पेक डिझेल आणि टर्बो-DCT पर्याय आता पूर्वीपेक्षा महाग झाले आहेत. वरील सर्व किमती या एक्स-शोरूम असून, कर आणि विम्यामुळे ऑन-रोड किमती शहरानुसार वेगळ्या असू शकतात.