Hyundai Verna Achieves 5-Star Bharat NCAP Safety Rating (फोटो सौजन्य-AI एआय)
भारतीय कार मार्केटमध्ये सेफ्टीला जास्त महत्त्व दिले जात असताना Hyundai Verna ने Bharat NCAP Safety Rating मध्ये 5-स्टार रेटिंग मिळवून आपली सुरक्षितता सिद्ध केली आहे. या सेडानने Adult Occupant Protection मध्ये 28.22/32 आणि Child Occupant Protection मध्ये 44/49 गुण मिळवले आहेत. ह्युंदाई मोटर इंडियाने ही माहिती जाहीर केली असून, आपल्या सेगमेंटमध्ये Bharat NCAP कडून 5-स्टार रेटिंग मिळवणारी व्हर्ना ही पहिली कार असल्याचा कंपनीचा दावा आहे.
Bharat NCAP क्रॅश टेस्टमध्ये किती गुण मिळाले?
Bharat NCAP च्या चाचणीमध्ये ह्युंदाई व्हर्नाने प्रौढ प्रवाशांच्या सुरक्षिततेसाठी 32 पैकी 28.22 गुण मिळवले. यामध्ये फ्रंटल ऑफसेट डिफॉर्मेबल बॅरियर टेस्टमध्ये 16 पैकी 12.45 गुण, तर साइड मूव्हेबल डिफॉर्मेबल बॅरियर टेस्टमध्ये 16 पैकी 15.77 गुण मिळाले. साइड पोल इम्पॅक्ट टेस्टमध्येही कारला ‘OK’ रेटिंग देण्यात आले.
लहान मुलांच्या सुरक्षिततेच्या बाबतीतही व्हर्नाने चांगले गुण मिळवले. चाइल्ड ऑक्युपंट प्रोटेक्शनमध्ये 49 पैकी 44 गुण मिळाले. डायनॅमिक टेस्टमध्ये 24 पैकी पूर्ण 24 गुण, चाइल्ड रेस्ट्रेंट इन्स्टॉलेशनमध्ये 12 पैकी 12 गुण, तर व्हेईकल असेसमेंटमध्ये 13 पैकी 8 गुण मिळाले. यामुळे कारमध्ये लहान मुलांच्या सुरक्षेसाठी केलेल्या उपाययोजनांची माहिती समोर आली आहे.
ह्युंदाई व्हर्नामध्ये कोणते सेफ्टी फीचर्स?
व्हर्नाच्या स्टँडर्ड फीचर्समध्ये इलेक्ट्रॉनिक स्टॅबिलिटी कंट्रोल, व्हेईकल स्टॅबिलिटी मॅनेजमेंट, हिल स्टार्ट असिस्ट, ABS आणि EBD यांचा समावेश आहे. याशिवाय चारही चाकांना डिस्क ब्रेक, इलेक्ट्रॉनिक पार्किंग ब्रेक, ऑटो होल्ड, ISOFIX चाइल्ड सीट अँकर आणि रिअर पार्किंग सेन्सर्स दिले आहेत. सर्व सीटसाठी 3-पॉइंट सीटबेल्ट आणि सीटबेल्ट रिमाइंडरही मिळतो.
व्हेरिएंटनुसार 7 एअरबॅग्ज, Hyundai SmartSense Level 2 ADAS मधील 20 फंक्शन्स, सराउंड व्ह्यू मॉनिटर, ब्लाइंड स्पॉट व्ह्यू मॉनिटर आणि डॅशकॅम यांसारखी फीचर्स मिळतात. त्यामुळे प्रवासादरम्यान अपघाताचा धोका कमी करण्यासाठी विविध सेफ्टी सिस्टिम्सची मदत होते.
ह्युंदाई मोटर इंडियाचे व्यवस्थापकीय संचालक आणि CEO तरुण गर्ग यांनी या रेटिंगबद्दल आनंद व्यक्त केला. भारतीय कस्टमर्सना सुरक्षित प्रवास देण्याच्या कंपनीच्या प्रयत्नांचे हे यश असल्याचे त्यांनी सांगितले.
Ans: ह्युंदाई व्हर्नाने Bharat NCAP क्रॅश टेस्टमध्ये 5-स्टार सेफ्टी रेटिंग मिळवले आहे.
Ans: प्रौढांच्या सुरक्षिततेसाठी 32 पैकी 28.22 गुण, तर लहान मुलांच्या सुरक्षिततेसाठी 49 पैकी 44 गुण मिळाले.
Ans: व्हर्नामध्ये इलेक्ट्रॉनिक स्टॅबिलिटी कंट्रोल, ABS, EBD, ISOFIX अँकर, चारही चाकांना डिस्क ब्रेक आणि सीटबेल्ट रिमाइंडर मिळतात. व्हेरिएंटनुसार 7 एअरबॅग्ज आणि 20 फंक्शन्ससह Level 2 ADAS देखील मिळते.






