भारताच्या ७९ व्या स्वातंत्र्यदिनाचे औचित्य साधून ऑटोमोबाईल क्षेत्रात उत्साहाचे वातावरण निर्माण झाले आहे. दरवर्षीप्रमाणे यंदाही १५ ऑगस्टनिमित्त प्रमुख कार प्रोडक्शन कंपन्यांनी भारतीय कस्टमर्ससाठी धमाकेदार डिस्काउंट्स, कॅश बेनेफिट्स आणि विशेष फायनान्स ऑफर्स जाहीर केल्या आहेत. जर तुम्ही नवीन कार खरेदी करण्याचा विचार करत असाल, तर हा टाईम तुमच्यासाठी अत्यंत फायदेशीर ठरू शकतो.
मारुती सुझुकी
देशातील आघाडीची कार उत्पादक कंपनी मारुती सुझुकी आपल्या एरिना आणि नेक्सा डीलरशिपअंतर्गत वेगवेगळ्या मॉडेल्सवर रु. १.५५ लाखांपर्यंतच्या भव्य सवलती देत आहे. मारुतीची प्रीमियम एमपीव्ही ‘इन्व्हिक्टस’वर सर्वाधिक रु. १.५५ लाखांची बचत करण्याची सुवर्णसंधी उपलब्ध आहे. याशिवाय तरुणांमध्ये बऱ्याच फेमस असणाऱ्या नव्या स्विफ्टवर रु. ४०,०००, बॅलेनोवर रु. ३०,०००, तर वेगनआर आणि अल्टो के-१० वर तब्बल रु. ५२,५०० पर्यंतचे एकूण फायदे मिळत आहेत.
ह्युंदाई इंडिया
ह्युंदाईने स्वातंत्र्यदिनानिमित्त खास फेस्टिव्ह बेनेफिट्स जाहीर केले आहेत. कंपनीच्या सर्वाधिक पसंतीच्या क्रेटा एसयूव्हीवर रु. ८५,००० पर्यंतची एकूण सूट दिली जात आहे. ग्रँड आय-१० निऑसवर रु. ५५,०००, तर आय-२० आणि व्हर्नावर प्रत्येकी रु. ५०,००० पर्यंतचे फायदे उपलब्ध आहेत. विशेष म्हणजे, १५ ऑगस्टपूर्वी बुकिंग करणाऱ्या ग्राहकांना अतिरिक्त रु. १५,००० ची विशेष सवलत दिली जात आहे.
किया इंडिया
किया मोटर्सनेही स्वातंत्र्यदिन विशेष ऑफर्सअंतर्गत आपल्या सेल्टॉस, सोनेट आणि कारेन्स या गाड्यांवर रु. १ लाखांपर्यंतचे डिस्काउंट पॅकेज आणले आहे. यामध्ये कॅश डिस्काउंट, एक्स्चेंज बोनस आणि कॉर्पोरेट बेनिफिट्सचा समावेश आहे.
इतर फायदे
केवळ रोख सवलतीच नाही, तर बँका आणि फायनान्स कंपन्यांच्या सहकार्याने ५० ते १०० टक्के प्रोसेसिंग फी ऑफ, १००% ऑन-रोड फायनान्सिंग आणि कमी व्याजदराचे ऑप्शनस उपलब्ध करून दिले जात आहेत. जुनी गाडी बदलून नवीन गाडी घेणाऱ्यांसाठी आकर्षक एक्स्चेंज व स्क्रॅपेज बोनसही दिला जात आहे.
थोडक्यात काय तर…
स्वातंत्र्यदिनाच्या या खास मुहूर्तावर मिळणाऱ्या ऑफर्समुळे कारप्रेमींसाठी ही एक उत्तम संधी ठरत आहे. मात्र, या सर्व ऑफर्स गाडीचे मॉडेल, व्हेरियंट आणि शहरानुसार बदलू शकतात. त्यामुळे ग्राहकांनी आपल्या जवळच्या अधिकृत शोरूमला भेट देऊन सविस्तर माहिती घ्यावी आणि या फेस्टिव्ह ऑफर्सचा लाभ घ्यावा.
.png "Videos"){kind=small}
