Indian Vehicle Exports Surge (फोटो सौजन्य- सोशलमीडिया)
नुकताच आलेल्या एका रिपोर्टनुसार, आर्थिक वर्षात एप्रिल महिन्यापासून जुलैपर्यंत फक्त चार महिन्यात भारताने 20 लाखाहून जास्त वाहने परदेशात विकली आहेत. हा आकडा काही छोटा नाही, यावरुन समजतयं की, भारतीय ऑटो इंडस्ट्री किती वेगाने झेप घेत आहे. यामध्ये सगळ्यात जास्त संख्या या टू-व्हीलरच्या आहेत. आपल्या बजेट बाईक्सना बाहेर खूप मागणी असून तसेच दुसरा नंबर हा थ्री-व्हीलर आणि प्रवासी कारचा आहे. स्वस्तात मस्त असलेल्या कारला बाहेर चांगला प्रतिसाद मिळतो. त्यामुळेच भारत जगाचा ऑटो एक्सपोर्ट हब बनला आहे असे म्हणणं वावागं ठरणार नाही.
याचं कारण एकदम साधं आहे. पहिलं म्हणजे किंमत कमी आणि दुसरं म्हणजे मायलेज जास्त असल्याने बाहेरच्या देशातल्या लोकांना पण तेच हवं असतं. कमी पैशात चांगली गाडी, भरपूर फीचर्स, आणि मजबूत बॉडी. याशिवाय आपल्या गाड्यांचे पार्ट्स स्वस्त मिळतात आणि दुरुस्ती पण कमी पैशात होते.आणखी एक गोष्ट म्हणजे आता भारतीय कंपन्यांनी गाड्यांच्या लूकवर आणि सेफ्टीवर खूप लक्ष दिलं आहे. टाटाच्या गाड्यांना 5 स्टार मिळत आहेत. त्यामुळे परदेशी ग्राहक आता भारतीय ब्रँडवर विश्वास ठेवायला लागले आहेत. जो आधी दुजाभाव केला जात होतेा तो आता राहिला नाही.
आफ्रिकेन देशात सगळ्यात जास्त भारतीय गाड्या जात आहेत. नायजेरिया, दक्षिण आफ्रिका सारख्या देशात आपल्या बाईक्स शिवाय रस्ताच नाही. लॅटिन अमेरिकेत मेक्सिको, कोलंबियामध्ये पण आपल्या गाड्या खूप विकल्या जातात. मध्य-पूर्व आणि दक्षिण-पूर्व आशियात पण डिमांड वाढली असून या देशांमधले रस्ते आणि लोकांच्या गरजा आपल्या गाड्यांना सूट होतात. दरम्यान तिथे आपल्या गाड्या हिट आहेत. आता तर युरोपसारख्या प्रगत मार्केटमध्ये पण आपल्या कार जाऊ लागल्या आहेत. कारण आपल्या कंपन्या तिथले कडक नियम पाळून गाड्या बनवत आहेत.
आता इलेक्ट्रिकची बारीतज्ञांचं म्हणणं आहे की हा तर फक्त ट्रेलर आहे. पुढे अजून जास्त एक्सपोर्ट होणार आहे. सगळ्या कंपन्या आता इलेक्ट्रिकवर फोकस करत आहेत. भारतात बनणाऱ्या इलेक्ट्रिक दुचाकी आणि रिक्षांना पण बाहेरून ऑर्डर येऊ लागल्या आहेत. पेट्रोल बरोबरच आता बॅटरीवर चालणाऱ्या गाड्यांमध्ये पण भारत बाजी मारणार यात काही शंका नाही.
केंद्र सरकारच्या PLI योजनेचा यात मोठा वाटा आहे. या योजनेमुळे कंपन्यांना भारतातच उत्पादन करायला फायदा होतोय. मेक इन इंडिया मोहिमेमुळे कारखाने वाढले, नवीन टेक्नॉलॉजी आली आणि गाड्यांची गुणवत्ता पण सुधारली. त्यामुळे थेट निर्यात वाढायला मदत झाली आहे.एकंदरीत काय तर, एकेकाळी गाड्यांसाठी इतर देशांवर अवलंबून असलेला भारत आज स्वतः जगाला गाड्या विकतोय.
.png "Videos"){kind=small}
