Royal Enfield Super Meteor 650 खरेदी करण्यापूर्वी डोक्यात ‘या’ गोष्टी फिट करून घ्या

रॉयल एन्फिल्डच्या बाईक नेहमीच त्यांच्या पॉवरफुल परफॉर्मन्ससाठी ओळखल्या जातात. अशातच जर तुम्ही Royal Enfield Super Meteor 650 खरेदी करण्याचा विचार करत असाल तर ही बातमी तुमच्यासाठी आहे.

• भारतात रॉयल एन्फिल्डच्या बाईक्सना मोठी मागणी
• Royal Enfield Super Meteor 650 ही कंपनीच्या पॉवरफुल बाईकपैकी एक
• जाणून घ्या या बाईकचे वैशिष्ट्य

भारतीय टू-व्हीलर मार्केटमध्ये अनेक वर्षांपासून Royal Enfield च्या बाईक एकतर्फी आपले वर्चस्व गाजवत आहे. कंपनीच्या बाईकची तरुणांमध्ये विशेष क्रेझ असते. यातही काही बाईक तर उत्तम डिझाइनसह दमदार पॉवरफुल राईड प्रदान करतात. अशीच एक बाईक म्हणजे Royal Enfield Super Meteor 650.

Royal Enfield Super Meteor 650 बाईकमध्ये 649 सीसी इंजिन आहे, परंतु त्याचे वेगळे वैशिष्ट्य म्हणजे त्याची खरी क्रूझर-स्टाइल रायडिंग पोश्चर. जर तुम्ही ही बाईक खरेदी करण्याचा विचार करत असाल, तर पहिल्यांदा काही गोष्टी जाणून घेणे महत्वाचे आहे.

क्रिकेटर Shafali Verma ने खरेदी केली आलिशान Electric Car, किंमत 75 लाखांपासून सुरु

इंजिन आणि पॉवर

सुपर मीटीओर 650 मध्ये 649 सीसी, पॅरलल-ट्विन, एअर/ऑइल-कूल्ड इंजिन आहे जे 47 एचपी आणि 52 एनएम टॉर्क निर्माण करते. ही बाईक 6-स्पीड गिअरबॉक्ससह जोडलेली आहे. हे तेच पॉवरट्रेन आहे जे रायडर्सना खूप पूर्वीपासून विश्वासार्ह वाटत आली आहे.

Shotgun 650 पेक्षा वेगळी बाईक

Super Meteor आणि Shotgun एकाच प्लॅटफॉर्मवर असले तरी, त्यांच्या रायडिंग स्टाईल पूर्णपणे वेगळ्या आहेत. सुपर मीटीओरमध्ये 19-इंच फ्रंट आणि 16-इंच रियर व्हील्स आहेत, तर शॉटगनमध्ये 18-इंच आणि 17-इंच सेटअप आहे. यात 15.7-लिटरचा मोठा फ्युएल टँक आहे, जो शॉटगनपेक्षा जवळजवळ 2 लिटर जास्त आहे. त्याची सीट उंची फक्त 740 मिमी आहे, जी शॉटगनच्या 795 मिमीपेक्षा खूपच कमी आहे. याचा अर्थ ते लहान रायडर्ससाठी अधिक आरामदायी आहे.

98 लाख रुपयांची Defender खरेदी करण्यासाठी जर 4 वर्षांचे लोन घेतले तर किती EMI द्यावा लागेल?

वजन किती?

या बाईकचे वजन 241 किलो आहे. ही बाईक क्लासिक 650 ट्विनपेक्षा 2 किलो हलके आहे. ही बाईक हँडलिंगसाठी चांगले रायडिंग कौशल्य असणे महत्वाचे.

हेडलाईट आणि लायटिंग

ही पूर्णपणे LED लाइटिंग असलेली बाईक नाही. यात LED हेडलाइट आणि टेल-लॅम्प दिला असला तरी इंडिकेटर्स अजूनही बल्बचेच आहेत.

किती रंगांमध्ये उपलब्ध?

Royal Enfield Super Meteor 650 ही बाईक एकूण 6 रंगांमध्ये उपलब्ध आहे. हे रंग म्हणजे—
काळा, हिरवा, काळा-ग्रे, काळा-हिरवा, पांढरा-निळा आणि पांढरा-लाल.

किंमत किती?

Super Meteor 650 ची किंमत 3.90 लाखांपासून सुरू होऊन 4.32 लाखांपर्यंत जाते. GST 2.0 लागू झाल्यानंतर या बाईकमध्ये अंदाजे 27,000 ते 29,000 पर्यंत वाढ झाली आहे.