‘त्या’ 65 टक्के वाहनधारकांमध्ये तुम्ही नाही ना? राज्य सरकारडून High Security Number Plate साठी पाचव्यांदा मुदतवाढ!

महाराष्ट्र सरकारने HSRP नंबर प्लेट बसवण्याच्या अंतिम तारखेत पुन्हा एकदा वाढ केली असून, अजूनही HSRP प्लेट न लावलेल्या वाहनधारकांसाठी ही दिलासादायक बातमी ठरली आहे.

• राज्य सरकारकडून High Security Number Plate साठी पाचव्यांदा मुदतवाढ
• अजूनही राज्यातील 65 वाहने HSRP शिवाय धावताय
• जाणून घ्या नवीन डेडलाइन

राज्यातील वाहनांच्या सुरक्षेत वाढ व्हावी यासाठी राज्य सरकारने काही महिन्यांपूर्वी HSRP नंबर प्लेट अनिवार्य केली होती. मात्र, अचानक या निर्णयामुळे राज्यातील वाहन चालक चांगलेच गोंधळले. वाहनं चालकांची ही स्थिती पाहता सरकारने HSRP प्लेट बसवण्याच्या तारखेत मुदतवाढ केली. मात्र, अजूनही कित्येक जणांनी एचएसआरपी नंबरप्लेट बसवली नाही. त्यामुळे आता राज्य सरकारने 5 व्यांदा HSRP प्लेट बसवण्याच्या तारखेत मुदतवाढ केली आहे.

Mahindra XEV 9S vs XEV 9e: दोन्ही एसयूव्हीची बातच भारी मात्र तुमच्यासाठी कोणती EV बरी? जाणून घ्या

ही असेल अंतिम तारीख?

वाहतूक विभागाने हाय-सिक्युरिटी नंबर प्लेट्स बसवण्याची अंतिम मुदत 31 डिसेंबरपर्यंत वाढवली आहे. ही पाचवी मुदतवाढ आहे. मात्र, पुण्यातील 15 लाखांहून अधिक वाहनांमध्ये अजूनही हाय-सिक्युरिटी नंबर प्लेट्स बसवल्या गेल्या नाहीत. त्यामुळे, या सर्व नंबर प्लेट्स एकाच महिन्यात बसवल्या जातील का? असा प्रश्न निर्माण झाला आहे.

या वाहनांसाठी HSRP अनिवार्य?

हायकोर्टच्या आदेशानुसार, परिवहन विभागाने 1 एप्रिल 2019 पूर्वी नोंदणीकृत सर्व वाहनांवर सिक्युरिटी (HSRP) नंबर प्लेट बसवणे बंधनकारक केले होते. त्यानुसार जानेवारीपासून या नंबर प्लेट बसवण्याची प्रक्रिया सुरू करण्यात आली आहे. या निर्णयाचा उद्देश असा की अपघात किंवा गुन्ह्यात सहभागी वाहनांची ओळख त्वरित पटावी आणि सर्वांची वाहने अधिक सुरक्षित राहावीत. त्यामुळे सर्व वाहनांवर सिक्युरिटी नंबर प्लेट बसवणे अनिवार्य केले जात आहे.

2 डिसेंबर लक्षात ठेवा! Maruti Suzuki ची पहिलीवहिली इलेक्ट्रिक कार होणार लाँच

पुणेकर HSRP नंबर प्लेट कधी बसवणार?

आतापर्यंत, पुण्यातील 7,50,000 वाहन मालकांनी सुरक्षा नंबर प्लेट्स बसवल्या आहेत, तर सुमारे 1,05,000 वाहन मालकांनी त्यासाठी नोंदणी केली आहे. पुण्यातील 25 लाख रुपयांपेक्षा जास्त किमतीच्या वाहनांना सुरक्षा नंबर प्लेट्स लावणे आवश्यक आहे. मात्र, आतापर्यंत फक्त दहा लाख वाहनांची नोंदणी झाली आहे. याचा अर्थ असा की, एकट्या पुण्यातील सुमारे 1,50,000 वाहनांमध्ये अजूनही सुरक्षा नंबर प्लेट्स नाहीत.

31 डिसेंबर नंतर भरावा लागेल दंड?

वाहतूक विभागाने वारंवार मुदतवाढ देऊनही, त्यांनी या प्रकरणाकडे लक्ष दिलेले नाही. पुण्यात अजूनही 65% वाहनांवर नंबर प्लेट नाहीत. सध्या, एचएसआरपी नंबर प्लेट नसलेल्या वाहनांवर आरटीओमध्ये प्रक्रिया केली जात नाही. ३१ डिसेंबरनंतर नंबर प्लेट नसलेल्या वाहनांवर दंड आकारला जाईल, त्यामुळे त्या त्वरित बसवण्याचे आवाहन करण्यात आले आहे.