फोटो सौजन्य: X.com
महिंद्राने भारतात त्यांची इलेक्ट्रिक एसयूव्ही, XEV 9S लाँच केली आहे, ज्याची सुरुवातीची किंमत ₹ 19.95 लाख (एक्स-शोरूम) आहे. ही कंपनीच्या बॉर्न इलेक्ट्रिक सिरीजमधील तिसरी इलेक्ट्रिक एसयूव्ही आहे. महिंद्र XEV 9S ही BE 6 आणि XEV 9e च्या दरम्यान आहे. महिंद्र BE 6 आणि XEV 9e अधिक स्पोर्टी दिसत असली तरी, महिंद्र XEV 9S ही कुटुंबासाठी अधिक अनुकूल इलेक्ट्रिक एसयूव्ही आहे. शिवाय, ती अनेक व्हेरिएंटमध्ये उपलब्ध आहे. पहिली ऑल-इलेक्ट्रिक थ्री-रो सात-सीटर इलेक्ट्रिक एसयूव्ही असल्याने, महिंद्र XEV 9S ही मूलतः पॉवरफुल महिंद्र XUV 700 ची ऑल-इलेक्ट्रिक व्हर्जन असेल. मात्र, Mahindra XEV 9S आणि Mahindra XEV 9e मध्ये कोणती एसयूव्ही चांगली? चला याबद्दल जाणून घेऊयात.
मार्केट आमचंच! ‘या’ एक खास फीचरमुळे Tata Sierra सगळ्या SUVs ची वाट लावणार!
महिंद्रा XEV 9S ची किंमत 19.95 लाख ते 29.45 लाख (एक्स-शोरूम) अशी आहे. त्यामुळे XEV 9S चा बेस व्हेरिएंट ‘पॅक वन एबव्ह’ हा XEV 9e च्या बेस व्हेरिएंटपेक्षा (₹21.50 लाख, एक्स-शोरूम) ₹1.95 लाखांनी अधिक किफायतशीर ठरतो. तसंच, XEV 9S चा टॉप-एंड ट्रिमही XEV 9e च्या टॉप-स्पेक ट्रिमपेक्षा सुमारे 1 लाखांनी स्वस्त आहे.
XEV 9e ही एक कूपे SUV आहे, तर XEV 9S चे डिझाइन पारंपारिक SUV सारखे आहे. XEV 9S चे स्वरूप XEV 9e पेक्षा XUV700 शी अधिक साधर्म्य दाखवते. XEV 9e मधील 18-इंचांच्या चाकांच्या तुलनेत XEV 9S मध्ये मोठे अलॉय व्हील्स दिले आहेत. रिअर डिझाइनमध्येही महत्त्वाचा फरक आहे. XEV 9S मध्ये वॉशर असलेला रिअर वायपर मिळतो, जो XEV 9e मध्ये उपलब्ध नाही.
2 डिसेंबर लक्षात ठेवा! Maruti Suzuki ची पहिलीवहिली इलेक्ट्रिक कार होणार लाँच
XEV 9S आणि XEV 9e यांचे केबिन लेआउट बर्यापैकी समान असले, तरी मागील भागातील सीटिंगमध्ये दोन्ही SUV मध्ये मोठा फरक आहे.
कुटुंबासाठी मोठी, कम्फर्टेबल आणि 7-सीटर इलेक्ट्रिक एसयूव्ही हवी असेल, तर Mahindra XEV 9S हा उत्तम पर्याय ठरतो. स्पोर्टी डिझाइन, कूपे-स्टाइल SUV लुक आणि प्रीमियम स्टाइलिंग हवे असेल, तर Mahindra XEV 9e तुमच्यासाठी योग्य.
