‘या’ ऑटो कंपनीचा नादच खुळा ! May 2025 मध्ये तब्बल 84000 पेक्षा जास्त वाहनांची केली विक्री

भारतीय मार्केटमध्ये महिंद्राने दमदार एसयूव्ही ऑफर केल्या आहेत. नुकतेच कंपनीने मे 2025 मधील आपल्या विक्रीचा अहवाल सादर केला आहे. चला याबद्दल अधिक माहिती जाणून घेऊयात.

भारतात विविध सेगमेंटमध्ये जरी कार्स ऑफर होत असल्या तरी एसयूव्ही सेगमेंटमधील कार्सची एक वेगळीच क्रेझ पाहायला मिळते. ग्राहकांमध्ये असणारी हीच वाढती मागणी पाहून अनेक ऑटो कंपन्या भारतात दमदार परफॉर्मन्स देणाऱ्या एसयूव्ही ऑफर करत आहे. मात्र, आजही जेव्हा विषय हाय परफॉर्मन्स एसयूव्हीचा निघतो, तेव्हा आपसूकच महिंद्राचे नाव आपल्या डोळ्यांसमोर येते. नुकतेच, महिंद्राने मे 2025 मधील त्यांचा सेल्स रिपोर्ट जारी केला आहे. चला याबद्दल जाणून घेऊयात.

गेल्या काही महिन्यांपासून महिंद्रा अँड महिंद्रामध्ये सातत्याने वाढ होत आहे. कंपनीने पुन्हा एकदा गेल्या महिन्यात म्हणजेच मे महिन्याचा शेवट उत्तम विक्रीसह केला आहे. मे 2025 मध्ये कंपनीने उत्कृष्ट कामगिरी केली असून एकूण 84,110 युनिट्स विकल्या आहेत. हे वर्षानुवर्षे आधारावर 17 टक्क्यांची वाढ दर्शवते. यामध्ये देशांतर्गत आणि निर्यातीचे आकडे समाविष्ट आहेत. कंपनीच्या एसयूव्ही सेगमेंटने देशांतर्गत बाजारात 52,431 युनिट्स विकल्या, जे मे 2024 च्या तुलनेत 21% वाढ दर्शवते. निर्यातीसह कंपनीची एकूण एसयूव्ही विक्री 54,819 युनिट्स इतकी झाली.

‘या’ कंपनीच्या कारवर ग्राहकांचा जडला जीव ! May 2025 मध्ये 22,315 ग्राहकांनी केली खरेदी

महिंद्राच्या वार्षिक आकडेवारीनुसार मे 2024 च्या तुलनेत यूव्ही विक्रीत 24% वाढ (104,761 युनिट्स विकल्या गेल्या) आणि निर्यातीत 55% वाढ झाली आहे. महिंद्राच्या ऑटोमोटिव्ह डिव्हिजनचे सीईओ नलिनीकांत गोलगुंता म्हणाले, “मे महिन्यात, आम्ही 52,431 युनिट्सची एसयूव्ही विक्री साध्य केली, जी 21% वाढ आहे आणि एकूण वाहन विक्री 84,110 युनिट्सची आहे, जी गेल्या वर्षीच्या याच महिन्याच्या तुलनेत 17% वाढ आहे. आमच्या उत्पादनाच्या सततच्या मागणीमुळे, आम्ही आमच्या ICE आणि BEV पोर्टफोलिओमध्ये उद्योग-अग्रणी वाढ प्रदान करू शकलो.”

महिंद्राच्या कमर्शियल वाहनांची विक्रीही स्थिर राहिली, हलक्या कमर्शियल वाहनांच्या (2-3.5 टन) सेगमेंट विक्री वर्षानुवर्षे 14% वाढून 17,718 युनिट्सवर पोहोचली. इलेक्ट्रिक मॉडेल्ससह मिस्टरव्हीलर्सची विक्री 11% वाढून एकूण 6,635 युनिट्सवर पोहोचली. या महिन्यात निर्यात 37% वाढून 3,652 युनिट्सवर पोहोचली.

Tata Curvv ला एकतर्फी टक्कर देणारी ‘ही’ SUV झाली महाग, खिसा होणार अजूनच रिकामा

महिंद्राच्या ICE पोर्टफोलिओमध्ये XUV 3XO, बोलेरो आणि बोलेरो निओ, थार, थार रॉक्स, XUV 700, स्कॉर्पिओ क्लासिक आणि स्कॉर्पिओ-N यांचा समावेश आहे. दुसरीकडे, महिंद्र BE 6 आणि XEV 9e इलेक्ट्रिक SUV विकते.