Maruti मोठ्या धमाक्यासाठी सज्ज! स्मार्ट फीचर्स आणि हायब्रिड इंजिनसह लवकरच लाँच होणार नवीन कार, ग्राहकांची उत्सुकता शिगेला

Maruti सुझुकीची Baleno Facelift 2026 चे टेस्टिंग मॉडेल पहिल्यांदाच रस्त्यांवर दिसल्याने कारप्रेमींमध्ये उत्सुकता वाढली असून, नव्या डिझाईनसोबत हायब्रीड इंजिन आणि ADAS फीचर्स मिळण्याची शक्यता वर्तवली जात आहे.

• मारुती सुझुकी बलेनो फेसलिफ्ट 2026 चे टेस्टिंग मॉडेल पहिल्यांदाच दिसले असून, यावर्षी भारतात लॉन्च होण्याची शक्यता आहे.
• नव्या बलेनोमध्ये रुंद ग्रिल, नवीन हेडलाइट्स, मोठी स्क्रीन, वेंटिलेटेड सीट्स आणि ADAS फीचर्स मिळू शकतात.
• कंपनी या प्रीमियम हॅचबॅकमध्ये नवीन 1.2 लीटर हायब्रीड पेट्रोल इंजिन देण्याची शक्यता आहे, ज्यामुळे मायलेज अधिक सुधारू शकते.

देशातील सर्वात मोठ्या कार निर्माता कंपन्यापैकी एक असलेली कार कंपनी Maruti Suzuki ने भारतात Baleno Facelift ची चाचणी सुरु केली आहे. अलीकडेच पहिल्यांदाच बलेनो फेसलिफ्ट 2026 चे टेस्टिंग मॉडेल पाहायला मिळाले आहे. याचे व्हिडीओ सोशल मीडिया प्लॅटफॉर्म्सवर मोठ्या प्रमाणात व्हायरल होत आहेत. अशी शक्यता आहे की, कंपनी यावर्षी बलेनो फेसलिफ्ट 2026 भारतात लाँच करू शकते. त्यामुळे ग्राहकांची उत्सुकता आता मोठ्या प्रमाणात वाढली आहे. कंपनीच्या आगामी गाडीमध्ये कोणते फीचर्स मिळू शकतात, याबाबत आता जाणून घेऊया.

Auto Tips: पहिल्यांदाच खरेदी करताय Automatic Car? ड्रायव्हिंगदरम्यान या 4 चुका गियरबॉक्ससाठी ठरू शकतात घातक

कसे असणार बलेनो फेसलिफ्ट 2026 चे डिझाईन?

गाडीची संपूर्ण रचना आधीसारखीच असणार आहे, मात्र समोरील भागात एक अधिक रुंद ग्रिल, नवीन हेडलाइट्स आणि पुन्हा डिझाइन केलेला बंपर पाहायला मिळणार आहे. बाजूने पाहिले तर ही आगामी गाडी बलेनोसारखीच दिसते. या आगामी गाडीमध्ये केवळ एकाच बदलाची आशा केली जात आहे आणि हा बदल म्हणजे नवीन अलॉय व्हीलचा सेट. गाडीच्या मागील टेलगेटसुद्धा आधीसारखाच दिसत आहे. मात्र अशी शक्यता आहे की, यामध्ये नवीन टेललाइट्स पाहायला मिळू शकतात. (फोटो सौजन्य – सोशल मीडिया)

काय असतील फीचर्स?

२०२६ मारुती सुझुकी बलेनोच्या इंंटीरियरबाबत अद्याप माहिती समोर आली नाही. मात्र अशी आशा आहे की, या गाडीचे इंंटीरियर देखील काही प्रमाणात आधीसारखेच असू शकते. असं सांगितलं जात आहे की, कंपनी यामध्ये नवीन इंटीरियर थीम आणि सीटसाठी नवीन मटेरियलचा वापर करू शकते. याशिवाय, बलेनो फेसलिफ्ट 2026 मध्ये मोठी स्क्रीन, वेंटिलेटेड सीट्स आणि आराम वाढवणारे नवीन फीचर्स दिले जाऊ शकतात. मारुती फ्रॉनक्स फेसलिफ्ट लेव्हल-2 ADAS युनिटसह चाचणी करताना पाहायला मिळाली आहे, त्यामुळे कंपनी बलेनो फेसलिफ्टमध्येही हेच ADAS वैशिष्ट्य देऊ शकते अशी अपेक्षा आहे.

अखेर तो क्षण आलाच! Honda City Facelift 2026 भारतीय बाजारात लाँच… वाचा किंमत आणि फीचर्स

इंजिन आणि पावरट्रेन

अशी शक्यता आहे की, मारुती सुझुकी बलेनो फेसलिफ्टचे इंजिन काही प्रमाणात आधीसारखेच असू शकते. तथापि, कंपनी या प्रीमियम हॅचबॅकमध्ये एक नवीन हायब्रीड इंजिन सादर करण्याची शक्यता वर्तवली जात आहे. कंपनीद्वारे बलेनो फेसलिफ्टमध्ये 1.2 लीटर पेट्रोल इंजिन दिले जाऊ शकते, ज्याला बॅटरीने चालणाऱ्या इलेक्ट्रिक मोटारसोबत जोडले जाऊ शकत. या हायब्रिड इंजिनच्या मदतीने बलेनोची इंधन कार्यक्षमता आणखी सुधारू शकते.