अरे रे रे! सेफ्टी टेस्टमध्ये ‘या’ कारचा सुपडा साफ; फक्त मिळाली 2 स्टार रेटिंग, कंपनीला फुटलाय घाम

हल्ली अनेक कार त्यांच्या सेफ्टी टेस्ट करून घेत आहेत. अशाच एका मारुती सुझुकीच्या कारला सेफ्टी टेस्टमध्ये फक्त 2 स्टार मिळाले आहे. चला याबद्दल जाणून घेऊयात.

• Maruti Baleno चे सेफ्टी टेस्टमध्ये खराब प्रदर्शन
• Latin NCAP क्रॅश टेस्टमध्ये मिळाली 2 स्टार सेफ्टी रेटिंग
• कंपनीच्या टेन्शनमध्ये वाढ

पूर्वी कार खरेदी करताना ग्राहक कारच्या मायलेज आणि किमतीवर जास्त लक्ष द्यायचे. मात्र, आजचा ग्राहक कार खरेदी करताना कारमधील सेफ्टी फीचर्सकडे सुद्धा लक्ष देत असतो. ग्राहकांची हीच मागणी लक्षात घेत अनेक ऑटो कंपनी उत्तम सेफ्टी फीचर्स आणि टेक्नॉलॉजी असणाऱ्या कार ऑफर करतात. तसेच ग्राहकांचा विश्वास जिंकण्यासाठी अनेक कंपन्या त्यांच्या कारचे सेफ्टी टेस्ट देखील करतात. मात्र, हेच सेफ्टी टेस्ट करणे Maruti Suzuki च्या अंगलट आले आहे. या टेस्टमध्ये कारची पोलखोल झाली आहे.

डिसेंबर 2025 मध्ये प्रसिद्ध झालेल्या लॅटिन NCAP क्रॅश टेस्टमध्ये भारतात बनवलेल्या Suzuki Baleno ला 2-स्टार सुरक्षा रेटिंग मिळाले. ही तीच Baleno आहे जी भारतात उत्पादित केली जाते आणि लॅटिन अमेरिकन बाजारपेठेत निर्यात केली जाते. हे लक्षात घेण्यासारखे आहे की हे रेटिंग फक्त लॅटिन NCAP प्रदेशांमध्ये विकल्या जाणाऱ्या मॉडेल्सना लागू होत आहे.

Made In India Cars च्या मागणीत सुसाट वाढ, किती वाहनं केलीत निर्यात? जाणून घ्या

Latin NCAP मध्ये Baleno चा क्रॅश टेस्ट निकाल

Latin NCAP च्या सेफ्टी टेस्टमध्ये या कारला ॲडल्ट ऑक्यूपंट प्रोटेक्शनसाठी कारला 79% गुण मिळाले आहेत, तर चाइल्ड ऑक्यूपंट प्रोटेक्शनसाठी 65% स्कोअर नोंदवण्यात आला आहे. पादचाऱ्यांच्या सुरक्षिततेसाठी Baleno ला 48% आणि सेफ्टी असिस्ट कॅटेगरीमध्ये 58% गुण देण्यात आले आहेत.

Latin NCAP द्वारे टेस्ट करण्यात आलेल्या Suzuki Baleno मध्ये 6 एअरबॅग्स देण्यात आले होते. टेस्टिंगदरम्यान कारचे बॉडीशेल स्थिर (Stable) असल्याचे स्पष्ट झाले असून, भविष्यातील अतिरिक्त लोड झेलण्यासही ते सक्षम असल्याचे नमूद करण्यात आले आहे. फ्रंटल आणि साइड इम्पॅक्ट टेस्टमध्ये प्रौढ प्रवाशांसाठी सुरक्षिततेला ‘गुड’ ते ‘एडिक्वेट’ अशी रेटिंग मिळाली आहे. तसेच रिअर इम्पॅक्ट चाचणीत व्हिपलॅश प्रोटेक्शनलाही ‘गुड’ रेटिंग देण्यात आली आहे.

Tata Sierra चा Base Variant खरेदी करण्यात तुमचा फायदा की तोटा? जाणून घ्या

बलेनोमध्ये ESC, सर्व जागांसाठी सीटबेल्ट रिमाइंडर्स आणि ISOFIX चाइल्ड सीट माउंट्स सारख्या आवश्यक सुरक्षा फीचर्ससह सुसज्ज होते. मात्र, लॅटिन NCAP रेटिंगमध्ये ADAS फीचर्सना खूप महत्त्व आहे. या मॉडेलमध्ये AEB (ऑटोमॅटिक इमर्जन्सी ब्रेकिंग), लेन असिस्ट, स्पीड असिस्ट आणि ब्लाइंड स्पॉट डिटेक्शन सारख्या प्रगत सेफ्टी फीचर्सचा अभाव होता. या फीचर्सच्या अभावामुळे सेफ्टी असिस्टस्कोअर मर्यादित झाला, ज्यामुळे एकूण स्टार रेटिंग वाढू शकले नाही.

भारतात मात्र मिळाले 4 स्टार सेफ्टी रेटिंग

विशेष म्हणजे, भारत NCAP अंतर्गत भारतात टेस्टिंग केलेल्या मारुती सुझुकी बलेनोला 2-एअरबॅग आणि 6-एअरबॅग दोन्ही व्हेरिएंटसाठी 4-स्टार रेटिंग मिळाले. हे स्पष्टपणे दर्शवते की टेस्टिंग प्रोटोकॉल, स्कोअरिंग सिस्टम आणि सेफ्टी फीचर्स आवश्यकता देश आणि प्रदेशांमध्ये बदलतात. परिणामी, एकाच कारला वेगवेगळ्या एनसीएपी अंतर्गत वेगवेगळे स्टार रेटिंग मिळू शकतात.

लॅटिन एनसीएपीने असेही स्पष्ट केले की हे रेटिंग फक्त लॅटिन अमेरिकन बाजारपेठेत विकल्या जाणाऱ्या बलेनोला लागू होते. शिवाय, टेस्टिंग केलेली कार भारतात तयार केली गेली होती, हे दर्शवते की भारत मारुती सुझुकीसाठी एक महत्त्वाचा जागतिक उत्पादन केंद्र आहे.