‘या’ आहेत Maruti Suzuki च्या सर्वात सुरक्षित कार, प्रत्येकाला मिळाली आहे 5 स्टार सेफ्टी रेटिंग

जर तुम्ही मारुती सुझुकीच्या अशा कारच्या शोधात असाल जी तुम्हाला उत्तम सेफ्टी प्रदान करेल तर ही बातमी तुमच्यासाठीच आहे. चला मारुतीच्या 5 सुरक्षित कारबद्दल जाणून घेऊयात.

• भारतात सुरक्षित कार्सना मागणी
• मारुती सुझुकीच्या टॉप 5 सुरक्षित कार
• जाणून घ्या या कार्सची नावे

आजचा ग्राहक कार खरेदी करताना फक्त त्यातील फीचर्स किंवा किंमत पाहत नाही तर त्याची सेफ्टी देखील पाहतो. त्या कारमध्ये सेफ्टी फीचर्स आहेत का? या कारला सेफ्टी टेस्टमध्ये किती गुण मिळाले? ती माझ्या कुटुंबासाठी सुरक्षित असेल ना? हे असे कित्येक प्रश्न कार खरेदीदारांच्या मनात येत असतात.

भारतात अनेक ऑटो कंपन्या आहेत. अशीच एक आघाडीची ऑटो कंपनी म्हणजे Maruti Suzuki. मारुतीने देशात अनेक उत्तम कार ऑफर केल्या आहेत. नुकतेच कंपनीने त्यांची पहिलीवहिली इलेक्ट्रिक कार Maruti e Vitara सादर केली आहे. जी जानेवारी 2026 मध्ये लाँच होणार आहे. या कारला देखील 5 स्टार सेफ्टी रेटींग मिळाली आहे. चला मारुती सुझुकीच्या अन्य सुरक्षित कारबद्दल जाणून घेऊयात.

Innova Crysta ला ‘ही’ Electric Car पाणी पाजणार! फीचर्स आणि सेफ्टीवर विशेष लक्ष

मारुती सुझुकी व्हिक्टोरिस (Maruti Suzuki Victoris)

मारुती सुझुकीच्या नुकत्याच लाँच झालेल्या मिडसाइज एसयूव्ही व्हिक्टोरिसने भारत एनसीएपीच्या क्रॅश टेस्टमध्ये 5-स्टार सेफ्टी रेटिंग मिळवली आहे. ॲडल्ट ऑक्युपंट प्रोटेक्शन (AOP) टेस्टिंगमध्ये या कारने 32 पैकी 31.66 गुण, तर चाइल्ड ऑक्युपंट प्रोटेक्शन (COP) टेस्टिंगमध्ये 49 पैकी 43 गुण मिळवून आपली सेफ्टी सिद्ध केली. ग्लोबल एनसीएपीमध्येही व्हिक्टोरिसने 5-स्टार सेफ्टी मिळवत प्रभावी कामगिरी केली आहे.

मारुती सुझुकी डिझायर (Maruti Suzuki Dzire)

मारुती सुझुकीची लोकप्रिय कॉम्पॅक्ट सेडान डिझायरलाही भारत एनसीएपी आणि ग्लोबल एनसीएपी, या दोन्ही संस्थांकडून 5-स्टार सुरक्षा रेटिंग मिळाले आहे. भारत एनसीएपीच्या AOP टेस्टमध्ये डिझायरने 32 पैकी 29.46 गुण, तर COP टेस्टमध्ये 49 पैकी 41.57 गुण मिळवले आहेत. विक्रीच्या बाबतीत आघाडीवर असलेल्या डिझायरने सुरक्षिततेतही आपली ताकद दाखवली आहे.

Royal Enfield चा मार्केट खाणार! तरुणांच्या लाडक्या TVS Ronin चा नवीन व्हेरिएंट Agonda लाँच, किंमत फक्त…

मारुती सुझुकी इन्व्हिक्टो (Maruti Suzuki Invicto)

मारुती सुझुकीची प्रीमियम एमपीव्ही इन्व्हिक्टो सुद्धा भारत एनसीएपीच्या टेस्टिंगमध्ये 5-स्टार सेफ्टी रेटिंग मिळवण्यात यशस्वी ठरली आहे. ॲडल्ट ऑक्युपंट प्रोटेक्शनमध्ये 32 पैकी 30.43 गुण, तर चाइल्ड ऑक्युपंट प्रोटेक्शन श्रेणीत 49 पैकी 45 गुण मिळवत इन्व्हिक्टोने ग्राहकांचा विश्वास जिंकला आहे. लूक, फीचर्स, कम्फर्ट आणि सेफ्टी, या सर्व बाबतीत इन्व्हिक्टो अत्यंत सक्षम मानली जाते.

मारुती सुझुकी बलेनो (Maruti Suzuki Baleno)

मारुतीची प्रीमियम हॅचबॅक बलेनो भारत एनसीएपीच्या क्रॅश टेस्टमध्ये 4-स्टार सेफ्टी रेटिंग मिळवण्यात यशस्वी ठरली आहे. AOP टेस्टमध्ये तिने 32 पैकी 26.52 गुण, तर COP टेस्टमध्ये 49 पैकी 34.81 गुण मिळवले आहेत. एकूण परफॉर्मन्सच्या आधारे बलेनोला 4 स्टार सेफ्टी रेटिंग देण्यात आली आहे.