रविवार, 18 ऑक्टोबर 2026
फोटो सौजन्य: Gemini
नुकतेच काही महिन्यांपूर्वी व्हिएतनामची ऑटो कंपनी VinFast ने त्यांच्या दोन इलेक्ट्रिक कार लाँच केल्या होत्या. आता कंपनी त्यांची तिसरी इलेक्ट्रिक कार भारतात लाँच करण्याच्या तयारीत आहे.
या नवीन कारचे नाव Limo Green असेल. ही एक इलेक्ट्रिक 7-सीटर कार असेल. कंपनीने सांगितले आहे की ही इलेक्ट्रिक एमपीव्ही फेब्रुवारी 2026 मध्ये भारतात लाँच करण्याची त्यांची योजना आहे. लाँच झाल्यावर, ही कार Kia Carens Clavis EV आणि BYD eMax 7 शी स्पर्धा करेल. तसेच ही कार Toyota Innova Crysta लाही आव्हान देऊ शकते.
विनफास्ट लिमो ग्रीन ही कंपनीची भारतातील तिसरी इलेक्ट्रिक कार असेल, जी VF 6 आणि VF 7 नंतरची कार असेल. विनफास्ट भारतात लिमो ग्रीनचे उत्पादन करेल जेणेकरून याची किंमत कमी होईल. लिमो ग्रीनमध्ये कंपनीची सिग्नेचर व्ही-आकाराची रचना आहे, जी एमपीव्ही लूकसह एकत्रित आहे. त्याचे बॉडी पॅनल बाजूंनी सरळ कापलेले दिसतात. कारमध्ये एरो कव्हर्ससह स्टायलिश चाकं देखील असतील, जी कारची एअर-कटिंग क्षमता वाढवतात.
इंटिरिअरच्या बाबतीत बोलायचे झाले तर केबिनला साधे आणि स्वच्छ लूक दिला आहे. कारमध्ये 2+3+2 अशी सीटिंग लेआउट दिली असून एकूण 7 जण आरामात बसू शकतात. फीचर्समध्ये 10.1 इंचचे टचस्क्रीन इन्फोटेनमेंट सिस्टम, 4-स्पीकर ऑडिओ सिस्टम, सिंगल-झोन AC आणि अनेक USB चार्जिंग पोर्ट मिळणार आहेत.
कंपनीने या कारचे डिझाइन भारतात आधीच पेटंट केले आहे. व्हिएतनाममध्ये मिळणारी Limo Green कार 4,740 mm लांब, 1,872 mm रूंद आणि 1,728 mm उंच आहे. तिचा व्हीलबेस 2,840 mm आहे. भारतात येणारी कारही जवळपास याच साइजमध्ये असण्याची अपेक्षा आहे.
या कारमध्ये अनेक सुरक्षा फीचर्स दिले जाणार आहेत. भारतात येणाऱ्या मॉडेलमध्ये 4 एअरबॅग्स, ABS आणि इलेक्ट्रॉनिक पार्किंग ब्रेक मिळण्याची शक्यता आहे. यात ADAS दिले जाईल की नाही, याबाबत अद्याप स्पष्टता नाही.
