BMW, Jaguar सारख्या लक्झरी ब्रँड्सना ‘या’ कंपनीने चारली धूळ, धडाधड विकल्या जातात कार्स

भारतीय मार्केटमध्ये लक्झरी कार्सना सुद्धा चांगली मागणी मिळताना दिसते. यात मर्सिडीज कंपनीने विक्रीत बाजी मारली आहे. चला याबद्दल जाणून घेऊयात.

भारतीय ऑटोमोबाईल मार्केटमध्ये सध्या बजेट फ्रेंडली कार्ससह लक्झरी कार्सनाही मोठी मागणी मिळताना दिसत आहे. एका बाजूला स्वस्त आणि किफायतशीर कार्सच्या विक्रीत वाढ होत असताना, दुसऱ्या बाजूला महागड्या ब्रँड्सच्या लक्झरी कार्ससाठीही ग्राहक पुढे सरसावत आहेत. विशेषतः सेलिब्रेटी, उद्योगपती, राजकारणी तसेच उच्च उत्पन्न गटातील लोक लक्झरी कार्स खरेदी करण्यास उत्सुक दिसतात. Mercedes-Benz, BMW, Audi, Jaguar यांसारख्या कंपन्यांच्या गाड्यांना उत्तम प्रतिसाद मिळतो आहे.

भारतीय ग्राहकांमध्ये नेहमीच लक्झरी कारची मागणी राहिली आहे. या सेगमेंटमध्ये मर्सिडीज बेंझ, बीएमडब्ल्यू, जग्वार, लँड रोव्हर, ऑडी आणि व्होल्वो सारख्या आघाडीच्या कार उत्पादकांचा समावेश आहे. जर आपण 2025 च्या आर्थिक वर्षात या सेगमेंटच्या विक्रीबद्दल बोललो तर या कंपन्यांच्या लक्झरी कारना एकूण 48,849 ग्राहक मिळाले. जे 2024 च्या आर्थिक वर्षाच्या तुलनेत वार्षिक आधारावर 0.55 टक्के किरकोळ वाढ दर्शवते. म्हणूनच आज आपण गेल्या आर्थिक वर्षात सर्वाधिक लक्झरी कार विकणाऱ्या पाच कंपन्यांच्या विक्रीबद्दल सविस्तर माहिती जाणून घेऊया.

कार खरेदी करण्याचा प्लॅन करताय? June 2025 मध्ये Google वर ट्रेंड होत आहेत ‘या’ 5 इलेक्ट्रिक कार

मर्सिडीज बेंझ (Mercedes Benz)

गेल्या आर्थिक वर्षात मर्सिडीज बेंझने या सेगमेंटमध्ये विक्रीत पहिले स्थान मिळवले. या काळात, मर्सिडीज बेंझला भारतीय मार्केटमध्ये एकूण 18,928 नवीन ग्राहक मिळाले. या काळात, मर्सिडीज बेंझच्या विक्रीत वार्षिक आधारावर 4 टक्क्यांची वाढ झाली.

बीएमडब्ल्यू (BMW)

या विक्री यादीत बीएमडब्ल्यू दुसऱ्या क्रमांकावर होती. या काळात भारतीय मार्केटमध्ये बीएमडब्ल्यूला एकूण 15,995 नवीन खरेदीदार मिळाले. या काळात बीएमडब्ल्यूच्या विक्रीत वार्षिक आधारावर 4 टक्क्यांची वाढ झाली.

जग्वार लँड रोव्हर (Jaguar Land Rover)

या विक्री यादीत जॅग्वार लँड रोव्हर तिसऱ्या क्रमांकावर होती. या काळात भारतीय बाजारात जग्वार लँड रोव्हरला एकूण 6,183 नवीन ग्राहक मिळाले. या काळात जग्वार लँड रोव्हरच्या विक्रीत वार्षिक आधारावर 40 टक्के वाढ झाली.

लेकीसाठी काहीपण ! 1 वर्षाच्या मुलीला बापाकडून गुलाबी कलरची Rolls-Royce गिफ्ट, किंमत…

ऑडी (Audi)

दुसरीकडे, ऑडी इंडिया या विक्री यादीत चौथ्या क्रमांकावर होती. या काळात ऑडी इंडियाला देशांतर्गत बाजारात एकूण 5,993 नवीन खरेदीदार मिळाले. या काळात ऑडीच्या विक्रीत वार्षिक आधारावर 15 टक्के घट झाली.

व्होल्वो (Volvo)

या विक्री यादीत व्होल्वो इंडिया पाचव्या क्रमांकावर होती. व्होल्वोला एकूण 1,750 नवीन ग्राहक मिळाले. या काळात व्होल्वोच्या विक्रीत वार्षिक आधारावर 18.60 टक्क्यांनी घट झाली.