Hyundai च्या नवीन इलेक्ट्रिक कारची पहिली झलक आली समोर, कधी होणार लाँच?

ह्युंदाईने देशात अनेक उत्तम कार ऑफर केल्या आहेत. आता कंपनी लवकरच मार्केटमध्ये त्यांची नवीन इलेक्ट्रिक कार लाँच करणार आहे. नुकतेच या कारची पहिली झलक समोर आली आहे.

भारतात अनेक अशा विदेशी वाहन उत्पादक कंपन्या आहेत, ज्या फक्त भारतात नाही तर जगभरात कार ऑफर करत असतात. यातही सध्या मार्केटमध्ये इलेक्ट्रिक कार्सना चांगली मागणी मिळताना दिसत आहे. यामुळेच अनेक ऑटो कंपन्या इलेक्ट्रिक कार लाँच करत आहे. तसेच, आगामी काळात येणाऱ्या इलेक्ट्रिक कारवर सुद्धा त्या काम करत आहे.

साऊथ कोरियन वाहन उत्पादक कंपनी ह्युंदाईने जगभरात अनेक उत्तम कार ऑफर केल्या आहेत. आता कंपनीने आपले लक्ष इलेक्ट्रिक सेगमेंटकडे वळवले आहे. जर्मनीतील म्युनिक येथे होणाऱ्या IAA मोबिलिटी शो 2025 मध्ये ह्युंदाई त्यांच्या पुढच्या जनरेशमधील मोबिलिटी सोल्यूशन्ससाठी रोडमॅप सादर करणार आहे. शोच्या आधी, ह्युंदाईने एका नवीन कॉन्सेप्ट कारची पहिली झलक पब्लिश केली आहे. ही छोटी EV कदाचित Ioniq 2 म्हणून प्रोडक्शनमध्ये येऊ शकते. ही आतापर्यंतची सर्वात लहान Ioniq असल्याचेही म्हटले जाते.

भारतात Tata Winger Plus लाँच, या 9 सीटर कमर्शियल वाहनात मिळेल आरामच आराम

डिझाइन आणि एक्सटिरिअर

ह्युंदाईने पब्लिश केलेल्या फोटोंमध्ये, या कॉन्सेप्ट कारमध्ये कर्व्ह बॉडी पॅनेलिंग आहे. यात मेष-पॅटर्न बंपर इनटेक, विशेष ग्रूव्हसह स्लोपिंग बोनेट डिझाइन आणि फ्लेर्ड व्हील आर्च देखील आहेत. मागील बंपरवर डकटेल स्पॉयलर आणि मेष-पॅटर्न डिझाइन देखील आहे. या चित्रांमध्ये लायटिंग एलिमेंट्स स्पष्ट दिसत नाहीत, परंतु पूर्वी पाहिलेल्या टेस्टिंग मॉडेलमध्ये आकर्षक एलईडी हेडलॅम्प आणि डीआरएल होते. फेसलिफ्ट केलेल्या ह्युंदाई आयोनिक 6 सेडानमध्ये पाहिल्याप्रमाणे, या कॉन्सेप्टमध्ये पुढील आणि मागील दोन्ही बाजूंना पूर्ण-रुंदीचे एलईडी बार असण्याची अपेक्षा आहे.

बॅटरी पॅक आणि ड्रायव्हिंग रेंज

ह्युंदाईच्या या नवीन ईव्हीमध्ये Kia EV2 और EV3 क्रॉसओवर एसयूव्हीमध्ये दिसल्याप्रमाणे ई-जीएमपी आर्किटेक्चर वापरण्याची अपेक्षा आहे. अशा परिस्थितीत, त्यात 150 किलोवॅट किंवा 204 पीएसची पॉवर जनरेट करणारी सिंगल इलेक्ट्रिक मोटर बसवता येते. 58.3 किलोवॅट प्रति तास बॅटरी पॅकमधून पॉवर मिळू शकते, ज्याला सुमारे 430 किमीची डब्ल्यूएलटीपी रेंज मिळण्याची अपेक्षा आहे.

Renault ची ‘ही’ अफलातून कार फक्त 2 लाखात आणा घरी! असा असेल EMI चा संपूर्ण हिशोब

ह्युंदाई आयोनिक 2 निसान मायक्रा, रेनॉल्ट 5 ई-टेक, सिट्रोएन ई-सी3, ओपल कोर्सा इलेक्ट्रिक, प्यूजिओट ई-208 आणि बीवायडी डॉल्फिन सारख्या इलेक्ट्रिक कारशी स्पर्धा करेल. 2026 च्या पहिल्या सहामाहीत ह्युंदाई आयोनिक 2 लाँच केली जाऊ शकते. भारतातही आयोनिक 2 ची शक्यता आहे, परंतु सध्या याबद्दल कोणतेही अधिकृत विधान केले गेले नाही.