काय रावडी लूक आहे राव! BMW ने लाँच केली नवीन बाईक, किंमत इतकी जास्त जी कारलाही लाजवेल

प्रीमियम बाईक उत्पादक कंपनी BMW ने त्यांची नवीन बाईक भारतात लाँच केली आहे. BMW M 1000 R असे या नवीन बाईकचे नाव आहे. चला या बाईकबद्दल अधिक माहिती जाणून घेऊयात.

• BMW ची नवीन सुपरबाईक सादर
• BMW M 1000 R असे या बाईकचे नाव
• एक्स शोरूम किंमत 33.50 लाख रुपये

भारतामध्ये BMW कडून अनेक सेगमेंटमध्ये बाईक विक्रीसाठी ऑफर केल्या जातात. आता कंपनीने अधिकृतपणे BMW M 1000 R ही नवी सुपरबाईक भारतीय बाजारात लाँच केली आहे. या बाईकमध्ये अनेक प्रीमियम आणि परफॉर्मन्स-केंद्रित फीचर्स देण्यात आले आहेत. तसेच यामध्ये दमदार इंजिनही मिळते. या नव्या बाईकची किंमत किती आहे, याची माहिती आज आपण जाणून घेऊयात.

फीचर्स

BMW ने भारतीय बाजारात BMW M 1000 R ही नवी बाईक लाँच केली आहे. कंपनीने ही बाईक सुपरबाईक सेगमेंटमध्ये सादर केली आहे. मिळालेल्या माहितीनुसार, या बाईकमध्ये एलईडी लाइट्स, डिजिटल इन्स्ट्रुमेंट क्लस्टर, M लोगो, M कार्बन व्हील्स यांसारखी फीचर्स देण्यात आले आहेत. तसेच Race Pro 1 ते 3 असे राइडिंग मोड्स, 6-ॲक्सिस सेन्सर बॉक्ससह लेटेस्ट जनरेशन डायनॅमिक ट्रॅक्शन कंट्रोल, व्हीली फंक्शन, ट्रॅक्शन कंट्रोल, ABS, Pro मोड्स, हीटेड ग्रिप्स आणि USB चार्जर यांसारखे आधुनिक फीचर्सही यात मिळतात.

Honda ची पहिलीवहिली EV मार्केटमध्ये धुमाकूळ घालणार, भारतात सुरु झाली टेस्टिंग

किती दमदार आहे इंजिन?

BMW M 1000 R मध्ये 999 सीसी क्षमतेचे इंजिन देण्यात आले आहे. हे इंजिन 154 किलोवॅट पॉवर निर्माण करते. कंपनीच्या दाव्यानुसार, ही बाईक फक्त 3.2 सेकंदांत 0 ते 100 किमी प्रतितास वेग गाठू शकते. तसेच तिचा टॉप स्पीड 280 किमी प्रतितास इतका आहे.

अधिकाऱ्यांनी काय सांगितले?

BMW Group India चे अध्यक्ष आणि CEO हरदीप सिंह बराड यांनी सांगितले की, नवी BMW M 1000 R ही कंपनीच्या M Genetics चे प्रभावी उदाहरण आहे, जिथे उच्च-कार्यक्षमता सुपरबाईक आणि डायनॅमिक रोडस्टर यांचा उत्तम कॉम्बिनेशन दिसतो. ही बाईक अशा रायडर्ससाठी तयार करण्यात आली आहे, जे रस्त्यावर आणि रेसट्रॅकवरही उत्कृष्ट परफॉर्मन्सची अपेक्षा ठेवतात. तिच्या खास चार-सिलेंडर इंजिनचा आवाज आणि परफॉर्मन्स या बाईकला अधिक वेगळेपण देतो. ही मशीन प्रत्येक राइडमध्ये ताकद आणि अचूकतेचा खरा अनुभव देण्यासाठी तयार करण्यात आली आहे.

15 हजार पगाराच्या दमवर सुद्धा Maruti Wagon R CNG आरामात होते तुमची! जाणून घ्या EMI चा साधा-सोपा हिशोब

बाईकच्या किमतीत नवीन कार दारात उभी!

कंपनीने ही बाईक भारतात CBU (Completely Built Unit) स्वरूपात आणली आहे. याचे एक्स-शोरूम किंमत 33.50 लाख रुपये ठेवण्यात आली आहे.