‘ही’ कंपनी काय ऐकत नाही बाबा! पहिल्या 3 महिन्यांत 54 नवीन सेंटर्स सुरू; विक्रीतही 98 टक्क्यांची विक्रमी वाढ

भारतीय वाहन बाजारात अनेक उत्तम आणि आघाडीच्या वाहन उत्पादक कंपन्या आहेत. अशीच एक कंपनी म्हणजे Nissan Motor. निसान सुद्धा भारतात त्यांचा विस्तार वेगाने करत आहे.

• निसान भारतात वेगाने विस्तार करत आहे
• अवघ्या तीन महिन्यात कंपनीने सुरु केले 54 नवीन सेंटर्स
• विक्रीत दमदार वाढ

Nissan Motor India ने २०२६ च्या पहिल्या तिमाहीत देशभरात ५४ नवीन ग्राहक टचपॉइंट्स सुरू करत आपल्या नेटवर्क विस्ताराला मोठी गती दिली आहे. हा विस्तार कंपनीच्या भारतातील वाढीच्या धोरणातील महत्त्वाचा टप्पा मानला जात असून, विक्री आणि सेवा क्षेत्रातील उपस्थिती अधिक मजबूत करण्यावर भर देण्यात आला आहे.

गुरुग्राम येथे करण्यात आलेल्या घोषणेनुसार, या नव्या टचपॉइंट्समध्ये ३एस (सेल्स, सर्व्हिस आणि स्पेअर पार्ट्स), २एस आणि १एस सुविधांचा समावेश आहे. या विस्तारामुळे देशभरातील ग्राहकांना अधिक सुलभ आणि दर्जेदार सेवा उपलब्ध होणार आहे.

निसान मोटर इंडियाचे व्यवस्थापकीय संचालक Saurabh Vatsa यांनी सांगितले की, कंपनी २०२७ आर्थिक वर्षाच्या अखेरीस ४०० टचपॉइंट्सचे लक्ष्य गाठण्याच्या दिशेने वेगाने वाटचाल करत आहे. नेटवर्क विस्तार हा कंपनीच्या आक्रमक उत्पादन धोरणाचा एक महत्त्वाचा भाग असून, यामुळे ग्राहकांपर्यंत पोहोच वाढवणे आणि ब्रँड अनुभव अधिक मजबूत करणे शक्य होणार आहे.

टाटा मोटर्सचा धमाका! ‘टाटा इंट्रा ईव्ही’ इलेक्ट्रिक पिकअप 11.95 लाखांत लाँच; एका चार्जवर धावणार 211 किमी

निसानकडून आगामी काळात Nissan Magnite सोबतच Nissan Gravite, तसेच नवीन ७-सीटर सी-एसयूव्ही आणि टेक्टन मॉडेल्स लाँच करण्याची तयारी सुरू आहे. या नव्या वाहनांमुळे कंपनीचा पोर्टफोलिओ अधिक व्यापक होणार आहे.

दमदार कामगिरी

कंपनीच्या कामगिरीबाबत बोलायचे झाल्यास, मार्च २०२६ मध्ये निसानने एकूण १०,३८८ गाड्यांची विक्री नोंदवली. यामध्ये ४,४०८ युनिट्सची देशांतर्गत होलसेल विक्री असून, गेल्या पाच वर्षांतील ही सर्वाधिक मासिक विक्री ठरली आहे. याशिवाय ५,९८० गाड्यांची निर्यात करण्यात आली, ज्यामुळे कंपनीच्या जागतिक बाजारातील उपस्थितीतही वाढ झाली आहे.

नवीन टचपॉइंट्समध्ये जागतिक दर्जाच्या पायाभूत सुविधा आणि प्रशिक्षित कर्मचारी उपलब्ध असून, ग्राहकांना उत्तम अनुभव देण्यावर भर दिला जात आहे.

फक्त याच लोकांना मिळते BH Number Plate, ही नंबर मिळवण्यासाठी काय करावे लागते? जाणून घ्या संपूर्ण प्रोसेस

निसानकडून नेटवर्क विस्तार आणि ग्राहककेंद्री उपक्रमांमध्ये सातत्याने गुंतवणूक केली जात असून, भारतीय बाजारपेठेत दीर्घकालीन उपस्थिती मजबूत करण्यासाठी कंपनी कटिबद्ध असल्याचे स्पष्ट झाले आहे.