Nissan-Renault August 2026 Sales: निसानच्या विक्रीत १४७% ची प्रचंड वाढ, रेनोल्टच्या विक्रीत ४७% ची वाढ

वीन गाड्यांच्या वाढत्या मागणीमुळे या दोन्ही कंपन्यांनी विक्रीचा कोणता नवा विक्रम रचला आहे आणि भविष्यात कोणते बदल होणार आहेत, ते जाणून घ्या.

• निसानच्या देशांतर्गत विक्रीत १४७% ची प्रचंड वाढ झाली असून एकूण विक्री ९,३५० वाहनांवर पोहोचली आहे.
• ‘टेक्टॉन’ एसयूव्हीच्या १,३०० पेक्षा जास्त गाड्यांची पहिली बॅच दक्षिण आफ्रिका, भूतान आणि नेपाळमध्ये यशस्वीरीत्या निर्यात करण्यात आली.
• रेनॉने ४७% वार्षिक वाढीसह लवकरच नवी ‘ट्रायबर टर्बो’ बाजारात लाँच करण्याची घोषणा केली आहे.

नवीन गाड्यांच्या जोरावर निसान आणि रेनॉ या दोन्ही कार कंपन्यांनी ऑगस्ट २०२६ मध्ये भारतीय बाजारपेठेत उत्तम विक्री नोंदवली आहे. ऑगस्ट महिन्यात दोन्ही कार कंपन्यांनी चांगली विक्री केली आहे.

निसानची दमदार कामगिरी

निसानने ऑगस्ट २०२६ मध्ये देशांतर्गत बाजारात ३,४२६ गाड्यांची विक्री केली आहे. गेल्या वर्षीच्या तुलनेत ही तब्बल १४७% ची मोठी वाढ आहे. याशिवाय कंपनीने ५,९२४ वाहनांची निर्यात केली असून, त्यांची एकूण विक्री ९,३५० वाहनांवर पोहोचली आहे. मॅग्नाइट आणि ग्रॅव्हिट या गाड्यांची मागणी स्थिर राहण्यासोबतच, नवीन लाँच झालेल्या ‘टेक्टॉन’ एसयूव्हीला ग्राहकांकडून मिळालेल्या भरघोस प्रतिसादामुळे निसानच्या विक्रीत ही मोठी झेप दिसून आली आहे. कंपनीने या नवीन टेक्टॉन एसयूव्हीच्या १,३०० पेक्षा जास्त गाड्यांची पहिली बॅच दक्षिण आफ्रिका, भूतान आणि नेपाळमध्ये निर्यात करण्यासही सुरुवात केली आहे.

रेनॉल्ट-निसानचा मोठा धमाका! पुढील वर्षापर्यंत भारतात येणार ४ नवीन SUV! पाहा झलक

रेनोल्टचा सातत्यपूर्ण वेग

दुसऱ्या बाजूला रेनोल्टने ऑगस्ट महिन्यात २,८४२ वाहनांची देशांतर्गत विक्री केली आहे. ऑगस्टची ही आकडेवारी निसानपेक्षा कमी असली, तर चालू वर्षातील त्यांची एकूण कामगिरी कौतुकास्पद राहिली आहे. जानेवारी ते ऑगस्ट २०२६ या कालावधीत रेनोल्टने ३१,९७९ गाड्यांची विक्री केली आहे, जी गेल्या वर्षीच्या याच कालावधीतील २१,६२१ गाड्यांच्या तुलनेत ४७% पेक्षा जास्त वाढ दर्शवते.

Nissan Upcoming Cars: भारतात लवकरच लाँच होणार  निसानच्या या तीन नव्या दमदार एसयूव्ही! जाणून घ्या काय आहेत खासियत

आगामी काळात रेनोल्ट आपली पकड मजबूत करण्यासाठी पेट्रोल, सीएनजी, हायब्रिड आणि इलेक्ट्रिक या पर्यायांसह एकूण ७ नवीन मॉडेल्स सादर करण्याची योजना आखत आहे. या मालिकेतील पहिली नवी गाडी ‘ट्रायबर टर्बो’ सप्टेंबर २०२६ च्या शेवटच्या आठवड्यात लाँच होणार आहे.