नितीन गडकरींची मोठी घोषणा! रस्ते अपघातात मदत करण्याऱ्या व्यक्तीला मिळणार 25,000 रुपयांचे बक्षीस

रस्ते अपघातांचे भयानक सत्य

नितीन गडकरी यांच्या मते, भारतात दरवर्षी अंदाजे 5 लाख रस्ते अपघात होतात, ज्यामुळे 1.5 ते 1.8 लाख लोकांचा मृत्यू होतो. चिंताजनक बाब म्हणजे, यापैकी 66 टक्के मृत्यू 18 ते 34 वयोगटातील तरुणांमध्ये होतात. दिल्लीस्थित एम्सच्या एका अहवालात असे सूचित केले आहे की अपघातानंतर पीडितांना वेळेवर वैद्यकीय मदत मिळाली तर दरवर्षी अंदाजे 50000 जीव वाचवता येऊ शकतात. यावरून अपघातानंतरचे पहिले काही मिनिटे किती महत्त्वाचे असतात हे अधोरेखित होते.

मदत करण्यासाठी लोकं का कचरतात?

अनेकदा असे दिसून येते की रस्ता अपघातानंतर, घटनेचे साक्षीदार असणारे लोकं मदत करण्यास कचरतात. याचे सर्वात मोठे कारण म्हणजे पोलिसांच्या चौकशीची, कायदेशीर अडचणींची आणि न्यायालयीन कार्यवाहीची भीती. नितीन गडकरी यांनी ही भीती दूर करण्याचे आवाहन केले आणि स्पष्टपणे सांगितले की सरकार मदत करणाऱ्यांना कोणत्याही अडचणी येऊ नयेत याची खात्री करते. हे तत्वज्ञान राहवीर योजनेचा पाया आहे.

Tata Sierra चा Base Variant खरेदी करण्यात तुमचा फायदा की तोटा? जाणून घ्या

मदत करणाऱ्यांना प्रोत्साहन

सरकारच्या ‘राहवीर’ या नव्या योजनेअंतर्गत, रस्ते अपघातात जखमी झालेल्या व्यक्तीला तातडीने रुग्णालय किंवा ट्रॉमा सेंटरमध्ये पोहोचवून त्याचा जीव वाचवण्यास मदत करणाऱ्या नागरिकाला 25,000 रुपयांचे रोख बक्षीस, ‘राहवीर’ ही विशेष उपाधी तसेच सरकारी प्रशस्तीपत्र (सर्टिफिकेट) देण्यात येणार आहे.

यापूर्वी या योजनेअंतर्गत 5,000 रुपयांचे बक्षीस दिले जात होते. मात्र 2025 मध्ये ही रक्कम वाढवून 25,000 रुपये करण्यात आली आहे. एका व्यक्तीला वर्षभरात जास्तीत जास्त 5 वेळा या पुरस्काराचा लाभ घेता येणार आहे.

याशिवाय, उपचारांमध्ये कोणताही विलंब होऊ नये यासाठी सरकारने रुग्णालयांनाही दिलासा दिला आहे. अपघातग्रस्ताच्या पहिल्या 7 दिवसांच्या उपचाराचा खर्च रुग्णालयांना तातडीने प्रतिपूर्ती स्वरूपात दिला जाणार असल्याची तरतूद करण्यात आली आहे.

संबंधित बातम्या