बाईकवरून पडण्याच्या भीतीला टाटा बाय बाय करा! ‘या’ देशात लाँच झाली जगातील पहिली सेल्फ बॅलन्सिंग बाईक

एका नवी स्टार्ट अप कंपनीने एक भन्नाट बाईक बाजारात आणली आहे. OMO X असे या बाईकचे नाव असून ही जगातील पहिली बाईक आहे, जिला स्वतःचा तोल सांभाळता येतो.

• OMOWAY OMO X ही जगातील पहिली सेल्फ बॅलन्सिंग बाईक
• विशेष टेकनॉलॉजीचा केलाय वापर
• ‘या’ देशात झाली लाँच

अनेकदा जेव्हा आपण दुचाकी चालवण्यास शिकत असतो तेव्हा सर्वात महत्वाचे म्हणजे ती चालवताना योग्य बॅलन्स राखणे. कित्येक जणांना हा बॅलन्स राखता येत नाही ज्यामुळे त्यांच्या मनात नेहमीच बाईक चालवताना भीती निर्माण होत असते. याच गोष्टीकडे लक्ष देत एका स्टार्टअप कंपनीने जगातील पहिली सेल्फ बॅलन्सिंग बाईक लाँच केली आहे, ज्यामुळे आता बाईकवरून पडण्याची भीती नाहीशी होणार आहे.

अनेक लोकांना दुचाकी चालवण्याची भीती वाटते, कारण त्यांना योग्य बॅलन्स करणे कठीण जाते. अशा व्यक्तींसाठी, ‘OMOWAY’ या कंपनीने ‘OMO X’ नावाची एक विलक्षण इलेक्ट्रिक बाईक सादर केली आहे. ही जगातील अशी पहिलीच इलेक्ट्रिक बाईक आहे, जी आपोआप स्वतःचा बॅलन्स राखते.

नवीन TATA Harrier EV झाली लाँच! 5 स्टार सेफ्टीसहा मिळणार आधुनिक फीचर्स, जाणून घ्या किंमत

एक दोन-चाकी ‘मोबाईल रोबोट’

ही कंपनी या वाहनाकडे केवळ एक बाईक म्हणून न पाहता, एक ‘रोबोट’ म्हणून पाहते; कारण हे वाहन स्वतःहून निर्णय घेण्यास सक्षम आहे. यामध्ये प्रगत सॉफ्टवेअर आणि सेन्सर्स बसवण्यात आले आहेत, जे बाईकच्या स्थितीवर सतत लक्ष ठेवून असतात. तुम्ही बाईक स्टँडवर लावली नाही, तरीही कोणत्याही बाह्य आधाराशिवाय ती स्वतःच्या बळावर ताठ उभी राहू शकते.

स्पेस टेक्नॉलॉजीचा वापर

या बाईकवरून रायडर पडू नये म्हणून अत्यंत प्रगत कंट्रोल मोमेंट गायरॉस्कोप ही टेक्नॉलॉजी वापरण्यात आली आहे. हीच टेक्नॉलॉजी स्पेसक्राफ्ट आणि सॅटेलाइट्सना अवकाशात स्थिर ठेवण्यासाठी वापरली जाते. या डिव्हाइसच्या मदतीने बाईक स्वतःहून सरळ उभी राहते, त्यामुळे बॅलन्स राखणे अधिक सोपे होते.

बाईक्स चालवण्याची आवड आहे? मग Passionate Bikers साठी कमवण्याची संधी! कशी? जाणून घ्या

रायडर्ससाठी मोठा फायदा

नवीन रायडर्स किंवा कमी वजनाच्या व्यक्तींना जड बाईक सांभाळताना अनेकदा भीती वाटते. मात्र, या बाईकमुळे ट्रॅफिक सिग्नलवर थांबल्यावर वारंवार पाय खाली ठेवण्याची गरज भासणार नाही. बाईक कितीही जड असली तरी तिचे सेल्फ-बॅलन्सिंग सिस्टम तिला पडू देत नाही. या बाईकची चाचणी हलणाऱ्या Wobble Board वरही घेण्यात आली होती आणि तिथेही ती पूर्णपणे स्थिर उभी राहिली.

  नवीन TATA Harrier EV झाली लाँच! 5 स्टार सेफ्टीसहा मिळणार आधुनिक फीचर्स, जाणून घ्या किंमत

लाँच कधी आणि कुठे?

कंपनी ही बाईक एप्रिल 2026 च्या शेवटी इंडोनेशियामध्ये बुकिंगसाठी उपलब्ध करणार आहे. अधिकृत launchमे 2026 च्या अखेरीस जकार्ता बाजारात होणार आहे. रस्त्यावर येण्याआधीच या बाईकने चांगली लोकप्रियता मिळवली असून, तिच्या आकर्षक डिझाइनसाठी तिला 2026 iF डिझाइन अवॉर्डने सन्मानित करण्यात आले आहे.