Range Rover नाही तर ‘या’ SUV मधून PM Modi आणि Putin यांचा प्रवास, कारला VIP नंबर प्लेट देखील नाही

रशियाचे राष्ट्राध्यक्ष व्लादिमीर पुतिन भारत दौऱ्यासाठी दिल्लीला पोहोचले. यावेळी पंतप्रधान नरेंद्र मोदी यांनी त्यांचे स्वागत केले. विशेष म्हणजे दोघांनी एका खास SUV मधून प्रवास केला.

• रशियाचे राष्ट्राध्यक्ष व्लादिमीर पुतीन भारत दौरवर
• नरेंद्र मोदींच्या हस्ते पुतीन यांचे स्वागत
• मोदी आणि पुतीन यांचा Toyota Fortuner मधून प्रवास

रशियाचे राष्ट्राध्यक्ष व्लादिमीर पुतीन दोन दिवसीय भारत दौऱ्यासाठी दिल्ली येथे दाखल झाले असून, त्यांच्या या भेटीमुळे द्विपक्षीय संबंध अधिक दृढ होणार असल्याचे संकेत मिळत आहेत. दिल्ली विमानतळावर पंतप्रधान नरेंद्र मोदी यांनी स्वतः उपस्थित राहून पुतीन यांचे स्वागत केले. या भेटीदरम्यान एक विशेष क्षण पाहायला मिळाला, तो म्हणजे मोदींनी प्रोटोकॉलनुसार वापरली जाणारी त्यांची रेंज रोव्हर कार बाजूला ठेवून राष्ट्राध्यक्ष पुतीन यांच्यासोबत दुसऱ्या वाहनातून प्रवास करण्याचा निर्णय घेतला. यासाठी निवडण्यात आलेली गाडी होती टोयोटा फॉर्च्युनर, ज्यातून दोन्ही नेत्यांचा सलोखा आणि आपुलकी स्पष्टपणे दिसून आली.

नवीन Tata Sierra च्या टॉप व्हेरिएंटची किंमत किती असू शकते ? लवकरच फुल प्राईझ लिस्ट होणार सादर

Toyota Fortuner मधून पीएम मोदींचा आणि पुतीन यांचा प्रवास

पंतप्रधान मोदी आणि रशियाचे राष्ट्राध्यक्ष पुतिन यांनी टोयोटा फॉर्च्युनरमधून एकत्र प्रवास केला. त्यावर महाराष्ट्र सेंट्रल नंबर प्लेट होती. विशेष म्हणजे ती व्हीआयपी गाडी नव्हती. त्या कारचा नोंदणी क्रमांक MH01EN5795 असा होता जी 1 वर्ष 7 महिने जुनी आहे आणि मुंबई पोलिसांच्या अतिरिक्त पोलिस आयुक्तांकडे नोंदणीकृत आहे.

प्रीमियम लूक आणि किंमत 2 लाखांच्या आत! Bajaj Pulsar N160 चा नवीन व्हेरिएंट झाला लाँच

हे पहिल्यांदाच नाही घडलं

पंतप्रधान मोदी आणि पुतिन यांनी एकाच कारमधून एकत्र प्रवास करण्याची ही पहिलीच वेळ नाही. यापूर्वी, चीनमधील तियानजिन येथे झालेल्या शांघाय सहकार्य संघटनेच्या (SCO) परिषदेदरम्यान, पंतप्रधान मोदी पुतिन यांच्यासोबत त्यांच्या Aurus Senat वाहनात मध्ये प्रवास करताना दिसले होते. यावेळी, दिल्लीमध्ये, दोघेही एका साध्या पांढऱ्या टोयोटा फॉर्च्युनरमध्ये बसलेले दिसले, ज्याने सर्वांचे लक्ष वेधून घेतले.