पंतप्रधान मोदींनी Maruti E Vitara ला दाखवला हिरवा झेंडा
भारतातील मध्यमवर्गीय कुटुंबासाठी परवडणाऱ्या आणि बजेटमधील कार शोधणे सध्या खूपच कठीण होत चालले आहे. जबरदस्त मायलेज, चांगले फीचर्स असणारी कार प्रत्येकाला हवी असते. अशीच एक कार पंतप्रधान नरेंद्र मोदी यांनी आज मारुती सुझुकीची पहिली इलेक्ट्रिक कार ‘मारुती ई विटारा’ ला हिरवा झेंडा दाखवला. या दरम्यान, पंतप्रधानांनी अहमदाबादमधील हंसलपूर प्लांटमध्ये हायब्रिड बॅटरी इलेक्ट्रोड्सच्या स्थानिक उत्पादनाचे उद्घाटनही केले. मारुती सुझुकीच्या या इलेक्ट्रिक एसयूव्हीचे उत्पादन आजपासून सुरू झाले आहे, जे जपान, युरोपसह जगातील १०० हून अधिक देशांमध्ये निर्यात केले जाईल.
पंतप्रधान मोदींनी आजपासून या मारुती सुझुकीच्या प्लांटमध्ये कंपनीच्या पहिल्या इलेक्ट्रिक कार ‘मारुती ई विटारा’च्या उत्पादनासाठी असेंब्ली लाइनचे उद्घाटन केले आहे. म्हणजेच, या इलेक्ट्रिक एसयूव्हीचे स्थानिक उत्पादन आजपासून सुरू झाले आहे, जे इतर देशांमध्ये देखील निर्यात केले जाईल. बॅटरी इकोसिस्टमला चालना देण्यासाठी, तोशिबा, डेन्सो आणि सुझुकीचा संयुक्त उपक्रम असलेल्या टीडीएस लिथियम-आयन बॅटरी प्लांटमध्ये हायब्रिड बॅटरी इलेक्ट्रोड्सचे स्थानिक उत्पादन सुरू करण्यात आले आहे.
दरम्यान, आता ८० टक्क्यांहून अधिक बॅटरी देशांतर्गत तयार केल्या जाऊ शकतात, ज्यामुळे भारताचे स्वच्छ ऊर्जा आणि उत्पादन लक्ष्य मजबूत होईल.अशा परिस्थितीत, गुजरातमधील टीडीएस लिथियम-आयन बॅटरी प्लांट भारताला या ध्येयाकडे वाटचाल करण्यास मोठी मदत करेल. मारुती सुझुकीने २०२६ च्या आर्थिक वर्षात ६७,००० इलेक्ट्रिक वाहनांचे उत्पादन करण्याचे लक्ष्य ठेवले आहे. त्यातील मोठा भाग निर्यात केला जाईल. ज्यामुळे जागतिक स्तरावरील मेड इन इंडिया उत्पादनांची स्थिती आणखी मजबूत होईल.
हंसलपूर येथे असलेला सुझुकी मोटर गुजरात (एसएमजी) प्लांट सुमारे ६४० एकरमध्येआहे आणि या प्लांटची वार्षिक उत्पादन क्षमता सुमारे ७.५ लाख युनिट्स आहे. जी या नवीन असेंब्ली लाइनच्या सुरुवातीनंतर आणखी वाढेल. ३ उत्पादन लाईन्स असलेला हा प्लांट मारुती सुझुकीने अलीकडेच सुझुकी मोटर कॉर्पकडून विकत घेतला आहे. मारुती सुझुकीने या दशकाच्या अखेरीस त्याची उत्पादन क्षमता जवळजवळ दुप्पट करून ४ दशलक्ष कार करण्याची योजना जाहीर केली आहे.
देशांतर्गत आणि निर्यात बाजारपेठांच्या गरजा पूर्ण करण्यासाठी मार्च २०१४ मध्ये हंसलपूर प्लांट सुरू करण्यात आला. मारुती सुझुकी बलेनोचे उत्पादन प्रथम येथे करण्यात आले आणि त्यानंतर जानेवारी २०१८ मध्ये, पुढील पिढीतील मारुती सुझुकी स्विफ्ट हॅचबॅकचे उत्पादन सुरू करण्यात आले. आता मारुतीची पहिली इलेक्ट्रिक कार मारुती ई विटारा देखील येथून तयार केली जाईल. जी केवळ भारतातच नाही तर जगातील अनेक देशांमध्ये निर्यात केली जाईल. आतापर्यंत मुंद्रा बंदराजवळील या प्लांटमधून युरोप, आफ्रिका आणि जपानमध्ये वाहने निर्यात केली गेली आहेत.
मारुती ई विटारा एसयूव्हीमध्ये उत्पादकाकडून अनेक उत्तम वैशिष्ट्ये दिली जातील. त्यात पॅनोरॅमिक सनरूफ, ऑटोमॅटिक क्लायमेट कंट्रोल, व्हेंटिलेटेड फ्रंट सीट्स अशी वैशिष्ट्ये आहेत. त्याच वेळी, प्रवाशांच्या सुरक्षेसाठी ७ एअरबॅग्ज, ३६०-डिग्री कॅमेरा, ऑटो-होल्डसह इलेक्ट्रॉनिक पार्किंग ब्रेक आणि लेव्हल २ एडीएएस सारखी वैशिष्ट्ये दिली जातील.
मारुती ई विटारा एसयूव्हीमध्ये उत्पादकाकडून अनेक उत्तम वैशिष्ट्ये दिली जातील. त्यात पॅनोरॅमिक सनरूफ, ऑटोमॅटिक क्लायमेट कंट्रोल, व्हेंटिलेटेड फ्रंट सीट्स अशी वैशिष्ट्ये आहेत. त्याच वेळी, प्रवाशांच्या सुरक्षेसाठी ७ एअरबॅग्ज, ३६०-डिग्री कॅमेरा, ऑटो-होल्डसह इलेक्ट्रॉनिक पार्किंग ब्रेक आणि लेव्हल २ एडीएएस सारखी वैशिष्ट्ये दिली जातील.
.png "Videos"){kind=small}
