GST 2.0 मुळे लक्झरी कारच्या किमतीत सुद्धा मोठी घट, BMW ची ‘ही’ कार तर 7 लाख रुपयांनी स्वस्त झाली

केंद्र सरकारने वाहनांवरील जीएसटी कमी केल्याने फक्त बजेट फ्रेंडली नाही तर लक्झरी कार सुद्धा स्वस्त झाल्या आहेत. चला याबद्दल अधिक माहिती जाणून घेऊयात.

जर तुम्ही नवीन लक्झरी कार खरेदी करण्याचा विचार करत असाल, तर 22 सप्टेंबरची वेळ सर्वोत्तम वेळ आहे, कारण या दिवसांत नवीन जीएसटी दर लागू होणार आहेत. सर्व लक्झरी कार कंपन्यांनी जीएसटी कपातीचे फायदे ग्राहकांना देण्यास सुरुवात केली आहे. याचा अर्थ असा की आता लक्झरी कार पूर्वीपेक्षा खूपच स्वस्त होतील. उदाहरणार्थ, Mercedes S-Class ची किंमत 10 लाख रुपयांपेक्षा जास्त कमी झाली आहे. त्याचप्रमाणे, मोठ्या GSL SUV ची किंमतही सुमारे 10 लाख रुपयांनी कमी झाली आहे. चला याबद्दल सविस्तर माहिती जाणून घेऊयात.

BMW च्या महागड्या कार आता पूर्वीपेक्षा स्वस्त

BMW ने देखील त्यांच्या टॉप सेगमेंट मॉडेल्समध्ये किमती कमी केल्या आहेत. X5 SUV सुमारे 7 लाख रुपयांनी स्वस्त झाली आहे, तर X7 ची किंमत 9 लाख रुपयांपेक्षा जास्त कमी झाली आहे. त्याचप्रमाणे, 5 सिरीज एलडब्ल्यूबी देखील 4 लाख रुपयांपेक्षा जास्त स्वस्त झाली आहे. बीएमडब्ल्यू नेहमीच अशा ग्राहकांची पसंती राहिली आहे ज्यांना स्टाइल आणि परफॉर्मन्सचे कॉम्बिनेशन हवे आहे. आता किमती कमी झाल्यामुळे, या कार आणखी चांगल्या किमतीत उपलब्ध होणार आहेत.

गोव्यात आंतरराष्ट्रीय स्ट्रीट रेस आयोजित केली जाणार, मुख्यमंत्री सावंत यांची घोषणा

मर्सिडीज-बेंझ (Mercedes-Benz)

मर्सिडीज-बेंझबद्दल बोलायचे झाले तर, एस-क्लास आणि जीएसएल एसयूव्हीच्या किमतीत सर्वात मोठी कपात झाली आहे. S-Class ची किंमत 10 लाख रुपयांपेक्षा जास्त कमी झाली आहे, तर GSL एसयूव्ही देखील सुमारे 10 लाख रुपयांनी स्वस्त झाली आहे. त्याचप्रमाणे, जीएलई मॉडेल 6 ते 8 लाख रुपयांनी आणि ई-क्लास 5 लाख रुपयांपेक्षा जास्त कमी करण्यात आली आहे. मर्सिडीज नेहमीच भारतातील लक्झरी कारची ओळख राहिली आहे.

Audi ने एसयूव्ही आणि सेडानची किंमत केली कमी

ऑडी इंडियाने देखील त्यांच्या कारवर मोठी सूट दिली आहे. Q8 SUV सुमारे 8 लाख रुपयांनी स्वस्त झाली आहे, तर Q7 ची किंमत 6 लाख रुपयांनी कमी झाली आहे. याशिवाय, Q5 SUV देखील 4.5 लाख रुपयांनी कमी झाली आहे. प्रीमियम कार खरेदीदारांच्या यादीत ऑडी नेहमीच अव्वल स्थानावर असते. या नवीन किमतींनंतर, Q8 आणि Q7 सारख्या लक्झरी SUV आता अधिक लोकांच्या आवाक्यात येऊ शकतात.

Anime लव्हर्स, Suzuki Avenis चा Naruto एडिशन पाहिलात का? कलर कॉम्बिनेशन तर एकदमच भारी

Range Rover आणि Land Rover वर मोठी बचत

या GST कपातीचा सर्वात मोठा परिणाम लँड रोव्हर आणि रेंज रोव्हरवर झाला आहे. रेंज रोव्हरच्या किमती 4.6 लाख रुपयांवरून थेट 30 लाख रुपयांपर्यंत कमी करण्यात आल्या आहेत. त्याचप्रमाणे, डिफेंडर मॉडेलची किंमत 7 लाख रुपयांवरून 18.6 लाख रुपयांपर्यंत कमी करण्यात आली आहे.

व्होल्वोच्या SUV वरही मोठी सूट

व्होल्वोने त्याच्या दोन प्रमुख मॉडेल्सच्या किमती कमी केल्या आहेत. नवीन XC60 SUV ची किंमत 4.79 लाख रुपयांनी कमी करण्यात आली आहे आणि XC90 ची किंमत सुमारे 7 लाख रुपयांनी कमी करण्यात आली आहे. व्होल्वोच्या कार त्याच्या सुरक्षिततेसाठी ओळखल्या जातात. अशा परिस्थितीत, ही किंमत कपात ग्राहकांना कमी बजेटमध्ये प्रीमियम SUV खरेदी करण्याची उत्तम संधी देत ​​आहे.