Royal Enfield Bikes खरेदी करण्यापूर्वी वाचा ही बातमी! GST 2.0 मुळे दरात झाला मोठा फरक

२२ सप्टेंबरपासून लागू होणाऱ्या GST 2.0 नंतर रॉयल एनफिल्डने आपल्या बाइक्सच्या किंमती बदलल्या आहेत. ३५० सीसी मॉडेल्स स्वस्त झाले आहेत, तर ४५० आणि ६५० सीसी बाइक्स महाग झाल्या आहेत. जाणून घ्या, तुमच्या आवडत्या बाइकची नवी किं

• Royal Enfield Bikes खरेदी करण्यापूर्वी वाचा ही बातमी!
• GST 2.0 मुळे दरात झाला मोठा फरक
• जाणून घ्या कोणत्या बाइक्सची किंमत घटली?

भारत सरकारचा GST २.० नवा कर नियम २२ सप्टेंबर २०२५ पासून लागू होणार आहे. या निर्णयामुळे अनेक ऑटोमोबाइल कंपन्यांनी आपल्या वाहनांच्या किंमतीत बदल करण्याची घोषणा केली आहे. या बदलांच्या पार्श्वभूमीवर, लोकप्रिय बाईक निर्माता कंपनी Royal Enfield नेही आपल्या मोटरसायकलच्या नवीन किंमती जाहीर केल्या आहेत. विशेष म्हणजे, कंपनीच्या काही बाइक्स स्वस्त झाल्या आहेत, तर काही मॉडेल्सच्या किंमतीत मोठी वाढ झाली आहे. त्यामुळे, ग्राहकांना कोणत्या मॉडेलवर किती फायदा किंवा तोटा होणार आहे, हे पाहणे महत्त्वाचे ठरेल.

350 सीसी बाइक्स झाल्या स्वस्त,20,000 रुपयांपर्यंत फायदा

रॉयल एनफिल्डच्या सर्वात लोकप्रिय 350 सीसी बाइक्सच्या रेंजवर ग्राहकांना मोठा दिलासा मिळाला आहे. या बाइक्सवरील कर 28% वरून 18% पर्यंत कमी करण्यात आल्याने, त्यांच्या किंमतीत 20,000 रुपयांपर्यंत घट झाली आहे.

नवीन दर (आधीचे दर)

• Hunter 350: ₹१,३७,६४० ते ₹१,६६,८८३ (आधीचे: ₹१,४९,९०० ते ₹१,८१,७५०)
• Bullet 350: ₹१,६२,१६१ ते ₹२,०२,४०९ (आधीचे: ₹१,७६,६२५ ते ₹२,२०,४६६)
• Classic 350: ₹१,८१,११८ ते ₹२,१५,७५० (आधीचे: ₹१,९७,२५३ ते ₹२,३४,९७२)
• Meteor 350: ₹१,९१,२३३ ते ₹२,१३,५२१ (आधीचे: ₹२,०८,२७० ते ₹२,३२,५४५)

४५० सीसी बाइक्स झाल्या महाग, २२,००० रुपयांपर्यंत वाढ

GST 2.0 नंतर, ४५० सीसी इंजिन असलेल्या बाइक्सवरील कर २८% वरून ४०% पर्यंत वाढला आहे. त्यामुळे या सेगमेंटमधील बाइक्सच्या किंमतीत २२,००० रुपयांपर्यंत वाढ झाली आहे.

• Scram 440: ₹२,२३,१३१ ते ₹२,३०,६४१ (आधीचे: ₹२,०८,००० ते ₹२,१५,०००)
• Guerrilla 450: ₹२,५६,३८७ ते ₹२,७२,४७९ (आधीचे: ₹२,३९,००० ते ₹२,५४,०००)
• Himalayan 450: ₹३,०५,७३६ ते ₹३,१९,६८२ (आधीचे: ₹२,८५,००० ते ₹२,९८,०००)

ADAS सिस्टीम म्हणजे काय? ही अत्याधुनिक तंत्रज्ञान प्रणाली कशी काम करते आणि त्याचे फायदे काय?

६५० सीसी रेंजमध्ये सर्वाधिक वाढ, ३०,००० रुपयांपर्यंत दरवाढ

रॉयल एनफिल्डच्या ६५० सीसी प्रीमियम बाइक्सवरही GST 2.0 चा मोठा परिणाम झाला आहे. या मॉडेल्सच्या किंमतीत २२,५०० रुपयांपासून ते ३०,००० रुपयांपर्यंत वाढ झाली आहे.

• Interceptor 650: ₹३,३२,०७३ ते ₹३,६२,७६२ (आधीचे: ₹३,०९,५५१ ते ₹३,३८,१५८)
• Continental GT 650: ₹३,४९,६०९ ते ₹३,७८,१०४ (आधीचे: ₹३,२५,८९७ ते ₹३,५२,४५९)
• Classic 650: ₹३,६१,२४३ ते ₹३,७५,४९७ (आधीचे: ₹३,३६,६१० ते ₹३,४९,८९०)
• Shotgun 650: ₹३,९४,०७६ ते ₹४,०८,९५३ (आधीचे: ₹३,६७,२०२ ते ₹३,८१,०६४)
• Bear 650: ₹३,७१,६७५ ते ₹३,९३,६०१ (आधीचे: ₹३,४६,३३० ते ₹३,६६,७६०)
• Super Meteor 650: ₹३,९८,९७५ ते ₹४,३२,३६२ (आधीचे: ₹३,७१,७६७ ते ₹४,०२,८७६)

थोडक्यात, GST 2.0 चा परिणाम रॉयल एनफिल्डच्या ग्राहकांसाठी संमिश्र आहे. ३५० सीसी मॉडेल खरेदी करणाऱ्यांना मोठा फायदा होईल, तर ४५० आणि ६५० सीसी बाइक्स घेणाऱ्या ग्राहकांच्या खिशावर अतिरिक्त बोजा पडणार आहे. यामुळे, आगामी सणासुदीच्या काळात ग्राहक कमी किमतीच्या ३५० सीसी बाइक्सना अधिक पसंती देतील अशी शक्यता आहे.