शरीर काय तर केसाला सुद्धा धक्का लागणार नाही!10 लाखांच्या किमतीत येतात ‘या’ 5 Safest Cars

आपला प्रवास अधिक सुरक्षित व्हावा म्हणून अनेक जण सर्वात सुरक्षित कार्सच्या शोधात असतात. हीच बाब लक्षात घेत आज आपण 10 लाखांच्या बजेटमधील बेस्ट आणि सुरक्षित कार्सबद्दल जाणून घेऊयात.

• कार खरेदी करताना सेफ्टी सुद्धा महत्वाची
• 10 लाखांच्या बजेट मध्ये सुरक्षित कार कोणत्या?
• जाणून घ्या संपूर्ण यादी

आजच्या काळात कार खरेदी करताना ग्राहक केवळ मायलेज, लुक्स किंवा फीचर्सच पाहत नाहीत, तर सेफ्टी हा देखील अत्यंत महत्त्वाचा घटक बनला आहे. विशेष म्हणजे, भारतात आता 10 लाख रुपयांपेक्षा कमी बजेटमध्येही अशा अनेक कार्स उपलब्ध आहेत, ज्यांना क्रॅश टेस्टमध्ये 5-स्टार सेफ्टी रेटिंग मिळाली आहे. या रेटिंग्स Global NCAP आणि Bharat NCAP सारख्या संस्थांकडून दिल्या जातात. चला तर मग अशा 5 कार्सबद्दल जाणून घेऊया, ज्या त्यांच्या मजबूत बांधणीसाठी ओळखल्या जातात.

टाटा नेक्सॉन (Tata Nexon)

या यादीत पहिलं नाव Tata Nexon चं आहे, जी तिच्या मजबूत बिल्ड क्वालिटीसाठी खूप लोकप्रिय आहे. या कारला Global NCAP आणि Bharat NCAP या दोन्ही संस्थांकडून 5-स्टार सेफ्टी रेटिंग मिळाली आहे. खराब रस्ते आणि शहरातील वाहतुकीत ही कार विश्वासार्ह मानली जाते. या कारची सुरुवातीची एक्स-शोरूम किंमत सुमारे 7.32 लाख रुपये आहे.

बाईक की स्कूटर? Suzuki ने सोशल मीडियावर रिलीज केला एक खास टिझर

महिंद्रा एक्सयूव्ही 3XO (Mahindra XUV 3XO)

जर तुम्ही कमी बजेटमध्ये सुरक्षित कार शोधत असाल, तर Mahindra XUV 3XO हा एक उत्तम पर्याय आहे. मजबूत बॉडी आणि प्रगत सेफ्टी फीचर्समुळे या कारला 5-स्टार रेटिंग मिळाली आहे. हाय-स्पीडवर चांगली स्टेबिलिटी आणि कंट्रोल असल्यामुळे ही कार अधिक सुरक्षित मानली जाते. या कारची सुरुवातीची किंमत सुमारे 7.37 लाख रुपये आहे.

स्कोडा कायलॅक (Skoda Kylaq)

Skoda Kylaq ही किफायतशीर SUV म्हणून ओळखली जाते. यामध्ये युरोपियन दर्जाची मजबूत बिल्ड क्वालिटी आणि सॉलिड प्लॅटफॉर्म दिला आहे. खराब रस्त्यांवरही ही कार स्थिर राहते आणि प्रवाशांना सुरक्षिततेची खात्री देते. या कारची सुरुवातीची किंमत सुमारे 7.59 लाख रुपये आहे.

टाटा पंच (Tata Punch)

Tata Punch ही कमी बजेटमधील एक दमदार मायक्रो SUV आहे. आकाराने लहान असली तरी तिची बॉडी खूप मजबूत आहे आणि तिलाही 5-स्टार सेफ्टी रेटिंग मिळाली आहे. या कारची सुरुवातीची किंमत सुमारे 5.60 लाख रुपये आहे.

सततच्या चार्जिंगपासून ग्राहकांची सुटका! ‘ही’ Electric Car स्वतःहून होते चार्ज, जाणून घ्या REEV गाड्यांबद्दल

टाटा अल्ट्रोज (Tata Altroz)

हॅचबॅक सेगमेंटमध्ये Tata Altroz तिच्या मजबूत स्ट्रक्चर आणि 5-स्टार सेफ्टीसाठी प्रसिद्ध आहे. अपघाताच्या वेळी प्रवाशांचे संरक्षण करण्यासाठी तिची बॉडी मजबूत बनवण्यात आली आहे. या कारची किंमत सुमारे 6.65 लाख रुपयांपासून सुरू होते.