राज्यातील वाहतूकदारांचा राज्यव्यापी संप मागे; उपमुख्यमंत्री आणि परिवहन मंत्र्यांच्या शिष्टाईला यश!

अन्यायकारक ई-चलान रद्द करण्याबाबत शासन सकारात्मक असल्याने राज्यातील वाहतूकदारांचा राज्यव्यापी संप मागे घेण्यात आला आहे. चला याबद्दल अधिक माहिती जाणून घ्या.

• वाहतूकदारांचा राज्यव्यापी संप मागे
• अन्यायकारक ई-चलान रद्द करण्याबाबत शासन सकारात्मक
• परिवहन मंत्र्यांची महत्त्वाची घोषणा

अन्यायकारक इ-चलान रद्द करण्याबाबत शासन सकारात्मक निर्णय घेणार असल्याचे आश्वासन दिल्यानंतर राज्यातील वाहतूकदारांनी पुकारलेला राज्यव्यापी संप मागे घेण्याचा निर्णय घेतला आहे. वाहतूकदारांच्या विविध मागण्या आणि समस्यांवर तोडगा काढण्यासाठी लवकरच पोलीस आणि परिवहन विभागाची संयुक्त बैठक आयोजित करण्यात येणार असल्याची माहिती देण्यात आली. शासन त्यांच्या मागण्यांचा सहानुभूतीपूर्वक विचार करत असल्याचेही स्पष्ट करण्यात आले आहे. या पार्श्वभूमीवर वाहतूकदार संघटनांनी आंदोलन स्थगित करण्याचा निर्णय घेतल्याचे परिवहन मंत्री Pratap Sarnaik यांनी सांगितले. तसेच संबंधित मुद्द्यांवर चर्चा करून लवकरच योग्य तो निर्णय घेतला जाईल, असेही त्यांनी नमूद केले.

मंत्री सरनाईक यांनी सांगितले की, राज्यव्यापी वाहतूकदारांच्या संपाबाबत राज्याचे मुख्यमंत्री Devendra Fadnavis यांच्याशी चर्चा करण्यात आली. तसेच उपमुख्यमंत्री Eknath Shinde यांनी दूरदृश्य प्रणालीद्वारे वाहतूकदार संघटनांच्या शिखर समिती महाराष्ट्र ट्रान्सपोर्ट ॲक्शन कमिटीच्या सदस्यांशी संवाद साधला.

याला म्हणतात प्रॉपर जुगाड! पठ्ठ्याने फक्त 4 लाखांत Maruti 800 ला बनवलं थेट Lamborghini कार

यावेळी वाहतूकदारांच्या मागण्यांचा शासन सहानुभूतीपूर्वक विचार करत असल्याचे सांगत संप मागे घ्यावा, असे आवाहन उपमुख्यमंत्री शिंदे यांनी केले. त्यांच्या आवाहनाला सकारात्मक प्रतिसाद देत वाहतूकदार संघटनांनी राज्यव्यापी संप मागे घेण्याचा निर्णय घेतला.

किंमत स्वस्त आणि चालवण्यात मस्त! ‘या’ आहेत भारतातील Off-Road Bikes, किंमत फक्त 1.40 लाखांपासून सुरु

शासन वाहतूकदारांच्या विविध मागण्यांबाबत संवेदनशील असून अन्यायकारक पद्धतीने काढण्यात आलेल्या इ-चलानांबाबत सकारात्मक निर्णय घेतला जाईल, असेही मंत्री सरनाईक यांनी स्पष्ट केले. तसेच संबंधित समस्यांवर चर्चा करण्यासाठी परिवहन विभाग, पोलीस प्रशासन आणि वाहतूकदार संघटनांचे प्रतिनिधी यांची लवकरच संयुक्त बैठक आयोजित करण्यात येणार असल्याचे त्यांनी सांगितले.