टाटा मोटर्स पुढच्या महिन्यापासून गाड्यांच्या किंमती २५,००० रुपयांपर्यंत वाढवणार! १ सप्टेंबरपासून दरात वाढ

वाढत्या उत्पादन खर्चामुळे देशातील पुढारीच्या वाहन उत्पादक कंपनीने पुढील महिन्यापासून आपल्या सर्व लोकप्रिय वाहनांच्या दरात मोठे बदल करण्याचा निर्णय घेतला आहे. सणासुदीच्या तोंडावर लागू होणाऱ्या या निर्णयामुळे वाहन खरेदीदारांच्या खिशावर किती अतिरिक्त भार पडणार याकडे आता सर्वांचे लक्ष लागून आहे.

• वाढत्या उत्पादन खर्चामुळे कंपनी १ सप्टेंबरपासून पेट्रोल, डिझेल आणि ईव्ही वाहनांच्या किंमतीत थेट मोठी वाढ करणार आहे.
• सणासुदीच्या तोंडावर वाहन खरेदीचे नियोजन करणाऱ्या ग्राहकांच्या खिशावर आता अतिरिक्त आर्थिक भार पडणार हे स्पष्ट झाले आहे.
• बाजारातील वाढती महागाई आणि चलनातील चढउतार लक्षात घेऊन कंपनीने हा दरबदलाचा निर्णय अधिकृतपणे जाहीर केला आहे.

टाटा मोटर्स १ सप्टेंबर २०२६ पासून भारतातील आपल्या सर्व गाड्यांच्या एक्स-शोरूम किंमतीत २५,००० रुपयांपर्यंत वाढ करणार आहे. कंपनीने दिलेल्या माहितीनुसार, पेट्रोल, डिझेल, सीएनजी आणि इलेक्ट्रिक अशा सर्व प्रकारच्या गाड्यांच्या सेगमेंटमध्ये हा दरबदल लागू होईल. वाढत्या इनपुट उत्पादन खर्चामुळे आणि महागाईच्या दबावामुळे हा निर्णय घेण्यात आला असून, खर्चातील काही भाग कंपनी स्वतः सहन करणार आहे, असे कंपनीचे म्हणणे आहे.

कंपनीने आपल्या सर्व पॅसेंजर व्हेइकल सेगमेंटसाठी ही घोषणा केली असली, तरी कोणत्या मॉडेलवर नेमकी किती वाढ होईल, याची अधिकृत यादी अद्याप जाहीर केलेली नाही. पहिल्या तिमाहीत कच्च्या मालाच्या किंमतीत ४.५ टक्क्यांची वाढ नोंदवली गेली असून, दुसऱ्या तिमाहीत यात आणखी ३ टक्क्यांची भर पडण्याची शक्यता टाटा मोटर्सने वर्तवली आहे.

Pratap Sarnaik: महाराष्ट्र पुन्हा दाखवणार देशाला हरित वाहतुकीची दिशा; टाटा मोटर्सच्या ७ ते ५५ टन इलेक्ट्रिक ट्रक श्रेणीचे सादरीकरण

कोणत्या गाड्यांच्या किंमती वाढणार?

टाटा मोटर्सकडे सध्या बाजारात मोठी उत्पादन श्रेणी उपलब्ध आहे,

• ICE (इंधन श्रेणी): टियागो (Tiago), तिगोर (Tigor), अल्ट्रॉझ (Altroz), पंच (Punch), नेक्सॉन (Nexon), कर्व्ह (Curvv), हॅरियर (Harrier), सिरिया (Sierra) आणि सर्वात मोठी एसयूव्ही सफारी (Safari).
• इलेक्ट्रिक श्रेणी (EV): टियागो EV, पंच EV, नेक्सॉन EV, कर्व्ह EV, सिरिया EV आणि हॅरियर EV.

वाढीमागील मुख्य कारणे:

• कच्च्या मालाचे वाढते भाव: पोलाद, ॲल्युमिनियम आणि इतर कच्च्या मालाचे भाव वाढल्याने उत्पादकांवर प्रचंड ताण आला आहे.
• चलन दरातील बदल: रुपया कमकुवत झाल्यामुळे परदेशातून आयात केल्या जाणाऱ्या सुट्या भागांचा खर्च वाढला आहे.
• उद्योग जगतातील ट्रेंड: केवळ टाटा मोटर्सच नाही, तर इतर कंपन्यांनीही भाववाढ केली आहे. ह्युंदाईने पुढील महिन्यापासून १ टक्क्यांपर्यंत, तर मारुती सुझुकीने ऑगस्टपासून ३०,००० रुपयांपर्यंत किंमती वाढवल्या आहेत.

भारतीय ऑटो इंजिनअरिंगचा जगात डंका! टेस्ला आणि BYD ला मागे टाकत टाटा मोटर्स बनली जगातील सर्वाधिक कार्यक्षम EV उत्पादक कंपनी!

सप्टेंबर २०२५ मध्ये लागू झालेल्या जीएसटी २.० (GST 2.0) बदलांमुळे गाड्यांच्या दरात काही प्रमाणात दिलासा मिळाला होता; मात्र वाढत्या उत्पादन खर्चामुळे त्या सवलतीचा फायदा आता मर्यादित होत चालला आहे. याशिवाय बाजारात सुरू असलेल्या मोठ्या डिस्काउंट्समुळे कंपन्यांच्या नफ्यावर ताण पडत असल्याने हा दरबदलाचा निर्णय घेण्यात आला आहे.