विविध राज्यांकडून टाटा मोटर्सला मिळाली 5000 बसेसची ऑर्डर
कंपनीच्या माहितीनुसार, या सर्व ऑर्डर्स सरकारच्या खरेदी यंत्रणेअंतर्गत स्पर्धात्मक ई-बोली प्रक्रियेद्वारे मिळाल्या आहेत. संबंधित राज्य परिवहन उपक्रमांसोबत झालेल्या करारानुसार या बसेसची डिलिव्हरी टप्प्याटप्प्याने करण्यात येणार आहे.
या ऑर्डर्समध्ये देशातील अनेक प्रमुख परिवहन संस्थांचा समावेश आहे. त्यामध्ये एमएसआरटीसी (महाराष्ट्र राज्य मार्ग परिवहन महामंडळ), जीएसआरटीसी (गुजरात राज्य मार्ग परिवहन महामंडळ), एनडब्ल्यूकेआरटीसी (वायव्य कर्नाटक मार्ग परिवहन महामंडळ), टीजीएसआरटीसी (तेलंगणा राज्य मार्ग परिवहन महामंडळ), बीएसआरटीसी (बिहार राज्य मार्ग परिवहन महामंडळ), आरएसआरटीसी (राजस्थान राज्य मार्ग परिवहन महामंडळ), केएसआरटीसी (केरळ राज्य मार्ग परिवहन महामंडळ), रस्ते परिवहन विभाग (हरियाणा रोडवेज) आणि सीटीयू (चंदीगड परिवहन उपक्रम) यांचा समावेश आहे.
Yezdi Roadster चा जलवा! हटके डिझाइनसाठी पटकावला ‘बाईक डिझाइन ऑफ द इयर’ पुरस्कार
या ऑर्डर्सबाबत प्रतिक्रिया देताना टाटा मोटर्सच्या कमर्शियल पॅसेंजर व्हेईकल बिझनेसचे उपाध्यक्ष आणि प्रमुख Anand S म्हणाले की, विविध राज्य परिवहन उपक्रमांकडून मिळालेल्या या ऑर्डर्समुळे टाटा मोटर्सच्या मोबिलिटी सोल्यूशन्सवरील विश्वास अधिक दृढ झाला आहे. कंपनीच्या बसेस विविध प्रदेश आणि वेगवेगळ्या ड्युटी सायकल्समध्ये प्रवाशांना आरामदायी, सुरक्षित आणि विश्वसनीय सेवा देण्यासाठी डिझाइन करण्यात आल्या आहेत.
या ऑर्डर्समध्ये कंपनीच्या प्रवासी वाहतूक सोल्यूशन्समधील विविध मॉडेल्सचा समावेश आहे. त्यामध्ये Tata Magna, Tata CityRide, Tata Starbus, Tata Starbus Prime, तसेच Tata LPO 1618, Tata LPO 1622 आणि Tata LPO 1822 यांसारख्या व्हेरिएंट्सचा समावेश आहे. या बसेस इंटरसिटी, लांब पल्ल्याच्या आणि शहरांतर्गत वाहतुकीसाठी तयार करण्यात आल्या आहेत.
फेब्रुवारीत Hatchback Cars ला ग्राहकांनी कसा दिला प्रतिसाद? ‘या’ कारच्या विक्रीत 25 टक्क्यांची घट
टाटा मोटर्सचे व्यावसायिक प्रवासी वाहन पोर्टफोलिओ 9 सीटर्सपासून ते 55 सीटर्सपर्यंत पसरलेले आहे. यामध्ये विविध पॉवरट्रेन पर्याय उपलब्ध असून देशभरातील सार्वजनिक वाहतूक गरजा पूर्ण करण्यासाठी ते डिझाइन करण्यात आले आहेत.
कंपनीकडून ‘Sampoorna Seva 2.0’ या वाहन लाइफसायकल मॅनेजमेंट प्रोग्रामद्वारे देखभाल सहाय्य, वेळेत दुरुस्ती, अस्सल स्पेअर पार्ट्स आणि ब्रेकडाऊन सहाय्य यांसारख्या सुविधा दिल्या जातात. देशभरातील 4,500 हून अधिक सेल्स आणि सर्व्हिस टचपॉइंट्सच्या नेटवर्कमुळे टाटा मोटर्स शहरी आणि ग्रामीण भागात सुरक्षित, कार्यक्षम आणि विश्वासार्ह सार्वजनिक वाहतूक सक्षम करत आहे.
