Tata Sierra चं नाणं खणखणीत वाजलं! फक्त 24 तासात मिळाली ‘तुफान’ बुकिंग

मार्केटमध्ये टाटा सिएरा लाँच झाली आणि या कारबद्दलची उत्सुकता अजूनच वाढली. 16 डिसेंबरला या कारची बुकिंग सुरु झाली आणि याला ग्राहकांनी रेकॉर्डब्रेक प्रतिसाद दिला.

• टाटा सिएराची सगळीकडे चर्चा
• 16 डिसेंबरपासून बुकिंग सुरु
• 15 जानवेरी 2026 रोजी डिलिव्हरीला सुरुवात

भारतीय ऑटो मार्केटमध्ये SUV सेगमेंटमध्ये धमाका करत Tata Motors ने त्यांची क्लासिक कार टाटा सिएरा एका नवीन रूपात लाँच केली. ही कार लाँच झाल्यानंतर याबद्दल कार खरेदीदारांमध्ये खूप मोठी उत्सुकता निर्माण झाली. त्यातच या कारने 12 तासात 28 kmpl चा मायलेज देत स्वतःचे नाव इंडियन बुक ऑफ रेकॉर्ड्समध्ये समाविष्ट केले आहे. नुकतेच 16 डिसेंबरपासून या कारचे बुकिंग सुरु झाले आहे.

टाटा मोटर्सने नोव्हेंबरच्या अखेरीस टाटा सिएरा ही मिड साइझ एसयूव्ही लाँच केली होती. या एसयूव्हीची बुकिंग सुरुवात झाल्यापासून अवघ्या 24 तासांच्या आतच एक नवीन विक्रम गाठला आहे. चला जाणून घेऊयात या कारला किती बुकिंग मिळाली आहे.

ही संधी हातची जाऊ देऊ नका! Tata Motors च्या वाहनांवर Year End Sale, मिळणार 1.85 लाखांपर्यंतची सूट

टाटा सिएराचा अजून एक रेकॉर्ड

टाटा मोटर्सने नोव्हेंबरच्या अखेरीस टाटा सिएरा ही मध्यम आकाराची एसयूव्ही म्हणून लाँच होती. या एसयूव्हीसाठी अवघ्या 24 तासात हजारो बुकिंग मिळाले आहे. या एसयूव्हीला 70000 हून अधिक बुकिंग मिळाल्याचे कंपनीने सांगितले आहे. मात्र, कोणत्या व्हेरिएंटला सर्वाधिक बुकिंग मिळाले आहे याची माहिती अद्याप देण्यात आलेली नाही.

फीचर्स

टाटा सिएरा एसयूव्हीमध्ये एलईडी प्रोजेक्टर हेडलाइट्स, कनेक्टेड एलईडी टेललाइट्स, फ्लश डोअर हँडल्स, कॉर्नरिंग फॉग लॅम्प्स, ट्रिपल स्क्रीन, ब्लाइंड-स्पॉट मॉनिटरिंग सिस्टम, हायपर एचयूडी, वायरलेस अँड्रॉइड ऑटो, ॲपल कारप्ले, 360-डिग्री कॅमेरा, ड्युअल-झोन क्लायमेट कंट्रोल, 12 स्पीकर्ससह डॉल्बी ॲटमॉस ऑडिओ सिस्टम, सोनिक शाफ्ट साउंड बार, 5जी कनेक्टिव्हिटी, सेगमेंटमधील सर्वात मोठे पॅनोरॅमिक सनरूफ, व्हेंटिलेटेड फ्रंट सीट्स आणि इलेक्ट्रिक फ्रंट सीट्स, रिअर सनशेड, एअर प्युरिफायर, कूल्ड ग्लोव्ह बॉक्स, पॉवर्ड टेलगेट, टेरेन मोड्स, पॅडल शिफ्टर्स यासारख्या फीचर्सचा समावेश आहे.

Tips for Driver in Fog: दाट धुक्यात गाडी चालवत असाल तर ‘या’ ५ गोष्टींची नक्की काळजी घ्या! अन्यथा क्षणात होऊ शकतो मोठा अपघात

किंमत किती?

कंपनीने या एसयूव्हीची एक्स-शोरूम किंमत 11.49 लाख रुपये (एक्स-शोरूम) निश्चित केली आहे. टॉप-स्पेक व्हेरिएंटची किंमत 21.29 लाख (एक्स-शोरूम) आहे. येत्ये १५ जानेवारी २०२६ रोजी सिएरा एसयूव्हीची डिलिव्हरी सुरू करेल.