कमी इंधन खर्च, जास्त बचत! भारतातील टॉप 5 मायलेज देणाऱ्या स्कूटर्स

पेट्रोलच्या वाढत्या किमतींमुळे वाहन खरेदी करताना मायलेज हा सर्वात महत्त्वाचा विषय बनला आहे. विशेषतः शहरातील रोजच्या प्रवासासाठी स्कूटर किंवा स्कूटी वापरणाऱ्यांसाठी कमी इंधनात जास्त अंतर कापणारी गाडी फायदेशीर ठरते.

पेट्रोलच्या वाढत्या किमतींमुळे वाहन खरेदी करताना मायलेज हा सर्वात महत्त्वाचा विषय बनला आहे. विशेषतः शहरातील रोजच्या प्रवासासाठी स्कूटर किंवा स्कूटी वापरणाऱ्यांसाठी कमी इंधनात जास्त अंतर कापणारी गाडी फायदेशीर ठरते. भारतातील सर्वाधिक मायलेज देणाऱ्या पाच लोकप्रिय स्कूटर्सबद्दल आज आपण इथे जाणून घेऊयात.

भारतीयांची आवडती स्कूटर आता नवीन रूपात ! 2025 Honda Activa झाली …

1. Yamaha RayZR 125 Fi Hybrid
   यामाहाची ही हायब्रिड स्कूटर आधुनिक तंत्रज्ञानामुळे प्रसिद्ध झालेली आहे. हलके वजन, स्मार्ट मोटर असिस्ट आणि इंधन कार्यक्षम इंजिन यामुळे ही स्कूटर सुमारे 70 किमी प्रति लिटरपर्यंत मायलेज देऊ शकते.
2. TVS Jupiter 110
   भारतातील सर्वाधिक विक्री होणाऱ्या स्कूटर्सपैकी एक असलेली ज्युपिटर विश्वासार्हता आणि आरामदायी राइडसाठी ओळखली जाते. ही स्कूटर साधारण 60 ते 65 किमी प्रति लिटर मायलेज देते.
3. Honda Activa 6G
   होंडाची अ‍ॅक्टिव्हा ही भारतीय ग्राहकांची सर्वात आवडती स्कूटर म्हणायला हवी. तिची HET (Honda Eco Technologyया प्रणालीमुळे इंधनाची चांगली बचत होते. अ‍ॅक्टिव्हा 6G चे मायलेज सुमारे 55 ते 60 किमी प्रति लिटर आहे.
4. Suzuki Access 125
   शक्तिशाली 125cc इंजिन असूनही Access 125 चांगले मायलेज देते. आरामदायी सीट आणि स्मूथ परफॉर्मन्ससह ही स्कूटर सुमारे 55 ते 60 किमी प्रति लिटर मायलेज मिळवून देते.
5. Hero Xoom 110
   तरुणांमध्ये लोकप्रिय असलेली Hero Xoom 110 आकर्षक डिझाइन आणि चांगल्या इंधन कार्यक्षमतेसाठी ओळखली जाते. ही स्कूटर सुमारे 55 ते 60 किमी प्रति लिटर मायलेज देते.

पत्नीला स्कूटर गिफ्ट देण्याचा विचार करताय? खरेदी करण्यासाठी सर्वोत्तम …

इंधन बचतीचा विचार करत असाल तर या स्कूटर्स उत्तम पर्याय ठरू शकतात. मात्र प्रत्यक्ष मायलेज हे रस्त्यांची परिस्थिती, वाहन चालवण्याची पद्धत आणि केली जाणारी देखभाल यावर अवलंबून असू शकते.