TVS Orbiter चे युरोपमध्ये पदार्पण! रिमूव्हेबल बॅटरीसह मिळणार 105 km रेंज; पाहा अजून काय मिळणार

टीव्हीएस ऑर्बिटर आता युरोपमध्येही एन्ट्री करणार आहे. 1.8 kWh आणि 3.1 kWh बॅटरी, रिमूव्हेबल बॅटरी टेक्नोलॉजी आणि फ्रंट डिस्क ब्रेकसह ही स्कूटर 2027 मध्ये युरोपियन मार्केटमध्ये दाखल होण्याची शक्यता आहे.

• टीव्हीएस ऑर्बिटरच्या युरोपियन मॉडेलमध्ये 1.8 kWh आणि 3.1 kWh अशा 2 रिमूव्हेबल बॅटरीचे ऑप्शन मिळतात.
• मोठ्या बॅटरीसह WMTC सायकलनुसार 105 km रेंज मिळते, तर टॉप स्पीड 45 kmph आहे.
• 2027 मध्ये युरोपियन टाइप अप्रूव्हल मिळण्याची योजना असून किंमत आणि विक्रीची तारीख नंतर जाहीर होईल.

TVS मोटरने ईआयसीएमए 2026 मध्ये युरोपियन स्पेस TVS ऑर्बिटर इलेक्ट्रिक स्कूटर सादर केली आहे. रिमूव्हेबल बॅटरी, 105 km पर्यंतची रेंज आणि फ्रंट डिस्क ब्रेक ही या मॉडेलची खास वैशिष्ट्ये आहेत. शहरातील रोजच्या प्रवासासाठी तयार केलेल्या या स्कूटरला 2027 मध्ये युरोपियन टाइप अप्रूव्हल मिळण्याची योजना आहे. किंमत आणि विक्री सुरू होण्याची तारीख संबंधित मार्केटनुसार नंतर जाहीर केली जाईल.

युरोपियन ऑर्बिटरमध्ये भारतात विकल्या जाणाऱ्या मॉडेलसारखी ट्युब्युलर स्टील फ्रेम, टेलिस्कोपिक फ्रंट फोर्क आणि मागच्या बाजूला ट्विन शॉक अ‍ॅब्झॉर्बर्स दिले आहेत. पण युरोपियन मॉडेलमध्ये दोन्ही बॅटरी रिमूव्ह करता येतात. पुढे 14-इंच आणि मागे 12-इंच अलॉय व्हील्स आहेत. ब्रेकिंगसाठी 220 mm फ्रंट डिस्क आणि 130 mm रिअर ड्रम ब्रेकसह CBS मिळते. स्कूटरची सीट 760 mm उंचीवर असून सीटखाली 34 लिटर स्टोरेज स्पेस दिली आहे.

TVS चा युरोपमध्ये धमाका! EICMA 2026 मध्ये नव्या बाइक्सवरून पडदा उघडणार; कोणकोणत्या देशात कशी आहे योजना? जाणून घ्या

या इलेक्ट्रिक स्कूटरमध्ये 1.8 kWh आणि 3.1 kWh अशा 2 NMC लिथियम-आयन बॅटरीचे ऑप्शन मिळतात. लहान बॅटरीसह WMTC सायकलनुसार 70 km, तर मोठ्या बॅटरीसह 105 km रेंज अपेक्षित आहे. यात BLDC हब मोटर असून ती 1.85 kW रेटेड आणि 2.9 kW पीक पॉवर देते. स्कूटरचा टॉप स्पीड 45 kmph आहे.

फीचर्समध्ये हिल होल्ड, क्रूझ मोड आणि रिव्हर्स असिस्ट यांचा समावेश आहे. 5-इंच LCD डिस्प्ले ब्लूटूथद्वारे टीव्हीएस SmartXonnect अ‍ॅपशी जोडता येतो. LTE कनेक्टिव्हिटीमुळे जिओफेन्सिंग, क्रॅश अलर्ट, फॉल अलर्ट आणि लाईव्ह व्हेईकल ट्रॅकिंगची सुविधा मिळते. अ‍ॅपवर टर्न-बाय-टर्न नेव्हिगेशन, कॉल अलर्ट आणि उरलेल्या रेंजची माहितीही पाहता येते.

स्पोर्ट्स बाइक, इलेक्ट्रिक स्कूटर अन् लिमिटेड एडिशन! या आठवड्यात काय काय घडलं? जाणून घ्या लेटेस्ट बाईक्स अपडेट

550 W चार्जरद्वारे घरच्या सॉकेटमधून बॅटरी चार्ज करता येते. 1.8 kWh बॅटरीला 0 ते 80 टक्के चार्ज होण्यासाठी 2 तास 39 मिनिटे, तर 3.1 kWh बॅटरीला 4 तास 33 मिनिटे लागतात. रिमूव्हेबल बॅटरी घरात किंवा वेगळ्या ठिकाणी चार्ज करण्यासाठी कंपनी ऑप्शनल चार्जिंग डॉकही देणार आहे.

TVS ने या स्कूटरचे डेव्हलपमेंट, इंजिनिअरिंग आणि प्रोडक्शन भारतात केले आहे. कंपनीच्या माहितीनुसार, ऑर्बिटरने 600 सेफ्टी आणि स्ट्रक्चरल स्ट्रेस टेस्ट पूर्ण केल्या आहेत. 5 ते 8 नोव्हेंबरदरम्यान मिलान येथे सुरू असलेल्या EICMA 2026 मध्ये ही स्कूटर पाहता येणार आहे.