सिंगल चार्जमध्ये 400 किमीपर्यंत रेंज! भारतातील जास्त रेंज देणारे 5 इलेक्ट्रिक स्कूटर्स; पाहा किंमत आणि फीचर्स

सिंगल चार्जमध्ये 400 किमीपेक्षा जास्त रेंज देणारी इलेक्ट्रिक स्कूटर खरंच आहे का? कोमाकी SE Ultra पासून ओला S1 Pro Plusपर्यंत या 5 स्कूटर्सची रेंज, किंमत आणि खास फीचर्स जाणून घ्या.

• कोमाकी SE Ultra कंपनीच्या दाव्यानुसार 418 किमीपर्यंत रेंज देणारी या यादीतील सर्वात जास्त रेंजची स्कूटर आहे.
• सिंपल Ultra मध्ये 400 किमीपर्यंत रेंजसह 115kmph टॉप-स्पीड आणि 26-लिटर स्टोरेज मिळते.
• ओला S1 Pro Plus आणि कोमाकी XR7 अनुक्रमे 320 किमी आणि 322 किमीपर्यंत क्लेम्ड रेंज देतात.

भारतात इलेक्ट्रिक स्कूटर्सचा वापर झपाट्याने वाढत आहे. पेट्रोलचा खर्च कमी करण्यासोबतच पर्यावरणपूरक प्रवासाचा पर्याय म्हणून ग्राहक ई-स्कूटर्सकडे वळत आहेत. पण इलेक्ट्रिक वाहन घेताना अजूनही अनेकांच्या मनात रेंजची चिंता असते. लांब प्रवासात चार्जिंगची सुविधा मिळेल का, हा प्रश्नही महत्त्वाचा ठरतो. त्यामुळे जास्त रेंज देणारे इलेक्ट्रिक स्कूटर्स ग्राहकांचे लक्ष वेधून घेत आहेत. अशाच 5 स्कूटर्सची माहिती जाणून घेऊया.

कोमाकी SE Ultra:
कोमाकी SE Ultra ची एक्स-शोरूम किंमत ₹1.11 लाखांपासून सुरू होते. या स्कूटरमध्ये 7.2kWh क्षमतेचा बॅटरी पॅक देण्यात आला असून कंपनीच्या दाव्यानुसार ती सिंगल चार्जमध्ये 418 किमीपर्यंत रेंज देऊ शकते. याची टॉप-स्पीड 70kmph आहे. 50-लिटर अंडरसीट स्टोरेज आणि 160mm ग्राउंड क्लीयरन्समुळे दैनंदिन वापरातही ती उपयोगी ठरू शकते.

BGauss C12 MaxR इलेक्ट्रिक स्कूटर लाँच; प्रीमियम सेगमेंटमध्ये किंमत ₹1.45 लाखांपासून सुरु

सिंपल Ultra:
सिंपल Ultra ची सुरुवातीची एक्स-शोरूम किंमत ₹2.35 लाख आहे. यात 6.5kWh बॅटरी असून कंपनीकडून 400 किमीपर्यंत रेंजचा दावा केला जातो. 115kmph टॉप-स्पीडसह या स्कूटरमध्ये 26-लिटर अंडरसीट स्टोरेज आणि 172mm ग्राउंड क्लीयरन्स मिळतो. त्यामुळे लांब पल्ल्याच्या प्रवासासाठीही हे मॉडेल चर्चेत आहे.

कोमाकी XR7:
कोमाकी XR7 ची किंमत ₹91,499 पासून सुरू होते. 4.68kWh बॅटरीसह ती 322 किमीपर्यंत रेंज देत असल्याचा दावा आहे. 55kmph टॉप-स्पीड, 30-लिटर स्टोरेज आणि 165mm ग्राउंड क्लीयरन्स ही तिची प्रमुख वैशिष्ट्ये आहेत.

फुल चार्जमध्ये 320 किमी रेंज! 34 लिटर बूट स्पेससह ओला S1 X Plus ठरतो डेली यूजसाठी खास

ओला S1 Pro Plus:
ओला S1 Pro Plus ची सुरुवातीची एक्स-शोरूम किंमत ₹1.74 लाख आहे. यात 5.3kWh बॅटरी असून 320 किमीपर्यंत रेंजचा दावा केला जातो. 128kmph टॉप-स्पीडसोबत 34-लिटर अंडरसीट स्टोरेज आणि 160mm ग्राउंड क्लीयरन्स मिळतो.

सिंपल One:
सिंपल One ची किंमत ₹2.04 लाखांपासून सुरू होते. यात 5kWh बॅटरी आणि 265 किमीपर्यंत क्लेम्ड रेंज आहे. 115kmph टॉप-स्पीड, 35-लिटर स्टोरेज आणि 172mm ग्राउंड क्लीयरन्स मिळतो. प्रत्यक्ष रेंज मात्र वापराची पद्धत, वेग आणि रस्त्याच्या परिस्थितीनुसार बदलू शकते.