2027 Volkswagen Virtus Facelift लाँच लवकरच! नवीन LED लाइट्स, GT लूक आणि 8-स्पीड ऑटोमॅटिक गिअरबॉक्सची शक्यता

2027 Volkswagen Virtus Facelift लवकरच भारतात लाँच होण्याची शक्यता आहे. नवीन बंपर, LED टेललॅम्प्स, 10.25-इंच डिजिटल डिस्प्ले आणि 360-डिग्री कॅमेरासह ही कार येऊ शकते. नवीन व्हर्टसची किंमत किती असेल आणि ती स्लाव्हियाला कशी टक्कर देणार?

• फोक्सवॅगन व्हर्टस फेसलिफ्ट 2027 चा पहिला टीझर सादर झाला असून नवीन LED लाइटिंग मिळणार आहे.
• 1.0-लिटर TSI इंजिनसोबत 8-स्पीड टॉर्क कन्व्हर्टर ऑटोमॅटिक गिअरबॉक्स मिळण्याची शक्यता आहे.
• नवीन व्हर्टसमध्ये 10.25-इंच डिजिटल डिस्प्ले आणि 360-डिग्री कॅमेरा मिळू शकतो.

भारतीय कार मार्केटमध्ये सेडान कारची आवड कायम असताना  2027 Volkswagen Virtus Facelift लवकरच लाँच होण्याची शक्यता आहे. कंपनीने या नवीन कारचा पहिला टीझर सादर केला असून त्यामध्ये बदललेले LED लाइटिंग, नवीन बंपर आणि GT व्हेरिएंटचा स्पोर्टी लूक पाहायला मिळतो. भारतात 2022 मध्ये लाँच झाल्यानंतर व्हर्टसमध्ये पहिल्यांदाच मोठे डिझाइन बदल करण्यात येत आहेत. नवीन व्हर्टस कंपनीच्या भारतीय वेबसाइटवरही लिस्ट झाली आहे.

नवीन फोक्सवॅगन व्हर्टसचा बाहेरील लूक

2027 फोक्सवॅगन व्हर्टसच्या फ्रंट डिझाइनमध्ये नवीन अँग्युलर बंपर देण्यात आला आहे. त्याच्या खालच्या बाजूला रुंद एअर इनटेक आणि जिओमेट्रिक मेश डिझाइन मिळते. हेडलॅम्पमध्ये नवीन LED डे-टाइम रनिंग लाइट्स देण्यात आले आहेत. जुन्या फॉग लॅम्प रेससच्या जागी हॉरिझॉन्टल इन्सर्ट्स दिसतात. फ्रंट ग्रिलमध्ये Volkswagen लोगो आणि लाल GT बॅज देण्यात आला आहे.

कारच्या मागच्या बाजूला नवीन स्प्लिट LED टेललॅम्प्स देण्यात आले आहेत. त्यातील हॉरिझॉन्टल लाइटिंग एलिमेंट्स बूट लिडपर्यंत पोहोचतात. मागच्या बाजूला छोटा लिप स्पॉयलर, Volkswagen लोगो आणि GT बॅज मिळतो. नवीन बंपरमध्ये डार्क इन्सर्ट्स आणि पार्किंग सेन्सर्सही दिसतात.

निसान मॅग्नाइट आणि ग्रॅवाइटवर फ्री CNG किट! 85,999 रुपयांपर्यंतची बचत करण्याची संधी

इंजिन आणि गिअरबॉक्समध्ये काय बदल?

सध्याच्या व्हर्टसमध्ये 1.0-लिटर TSI इंजिन 115 PS पॉवर आणि 178 Nm टॉर्क देते. तर 1.5-लिटर TSI इंजिन 150 PS पॉवर आणि 250 Nm टॉर्क जनरेट करते. फेसलिफ्टमध्ये ही दोन्ही इंजिन कायम राहण्याची शक्यता आहे.

1.0-लिटर TSI इंजिनसोबत सध्याच्या 6-स्पीड ऑटोमॅटिकऐवजी नवीन 8-स्पीड टॉर्क कन्व्हर्टर गिअरबॉक्स मिळू शकतो. 1.5-लिटर TSI इंजिनसोबत 7-स्पीड DSG गिअरबॉक्स कायम राहण्याची शक्यता आहे.

दिवाळीत फक्त 4.69 लाखांत इलेक्ट्रिक कार घरी आणा! 315 KM रेंजसह 4 EV वर BaaS ऑफर

केबिनमध्ये नवीन फीचर्स मिळणार?

सध्याच्या व्हर्टसमध्ये 10.1-इंच टचस्क्रीन, 8-इंच डिजिटल इन्स्ट्रुमेंट डिस्प्ले, व्हेंटिलेटेड फ्रंट सीट्स आणि वायरलेस स्मार्टफोन कनेक्टिव्हिटी मिळते. नवीन फेसलिफ्टमध्ये 10.25-इंच डिजिटल डिस्प्ले आणि 360-डिग्री कॅमेरा मिळण्याची शक्यता आहे. नवीन व्हर्टस ही स्कोडा स्लाव्हिया, ह्युंदाई व्हर्ना आणि होंडा सिटीला टक्कर देईल. लाँचची तारीख आणि किंमत कंपनीने जाहीर केलेली नाही.