फोटो सौजन्य: iStock
देशात पेट्रोल आणि डिझेलच्या वाढत्या किमतींमुळे, टाटा, मारुती आणि टोयोटा सारख्या ऑटो कंपन्या आता जास्त मायलेज देणाऱ्या कार्सवर काम करत आहेत. अशातच भारतातील रस्त्यावर टेस्टिंग दरम्यान अलीकडेच टोयोटा अ‍ॅक्वा हायब्रिड दिसली. ज्यामुळे अशी संभावना आहे की कंपनी भविष्यात ही कार लाँच करण्याची तयारी करत आहे किंवा कंपनी याचे हायब्रिड सिस्टम भारतासाठी डेव्हलप करू शकतो. या कारचा दावा केलेला मायलेज प्रति लिटर 35.8 किलोमीटर आहे.
टोयोटा अ‍ॅक्वा ही एक कॉम्पॅक्ट हायब्रिड हॅचबॅक आहे जी २०२१ मध्ये पहिल्यांदा जपानमध्ये लाँच करण्यात आली होती. ही कार पूर्वी जपानबाहेर Prius C म्हणून ओळखली जात होती. ही कार TNGA-B प्लॅटफॉर्मवर आधारित आहे आणि हा तोच प्लॅटफॉर्म आहे ज्यावर Yaris आणि Sienta सारखी वाहने देखील बनवली जातात.
या कारचे मुख्य आकर्षण म्हणजे त्याचे 1.5 लिटर पेट्रोल-हायब्रिड इंजिन आहे, जे दोन इलेक्ट्रिक मोटर्ससह एकत्रितपणे एकूण 116 बीएचपी पॉवर जनरेट करते. या सिस्टीममध्ये पेट्रोल इंजिन आहे, जे 90 बीएचपी पॉवर आणि 120 एनएम टॉर्क जनरेट करण्यास सक्षम आहे. यामध्ये, समोरील इलेक्ट्रिक मोटर 80 बीएचपी पॉवर आणि 141 एनएम टॉर्क जनरेट करण्यास सक्षम आहे. त्याची मागील मोटर 64 बीएचपी पॉवर आणि 52 एनएम टॉर्क जनरेट करते. यात ईसीव्हीटी ऑटोमॅटिक ट्रान्समिशन आहे.
Toyota Aqua ही बायपोलर निकेल-हायड्रोजन बॅटरी वापरणारी जगातील पहिली कार आहे. ही बॅटरी भरपूर ऊर्जा साठवू शकते आणि काचेच्या तसेच इतर इलेक्ट्रॉनिक उपकरणांना वीज पुरवण्यासाठी पुरेशी पॉवर देऊ शकते.
Toyota Innova Hycross ची झाली Crash Test, B NCAP कडून मिळाली ‘एवढी’ रेटिंग
असे मानले जाते की टोयोटा ही कार लाँच न करता फक्त त्याच्या हायब्रिड सिस्टीमची टेस्टिंग भारतात घेत आहे. पूर्वी, टोयोटाने RAV4, Yaris, C-HR सारख्या आंतरराष्ट्रीय कारच्या तंत्रज्ञानाची टेस्टिंग घेण्यासाठी फक्त भारतात चालवल्या आहेत.
जर ही सिस्टीम भारतात उपलब्ध असलेल्या कारपेक्षा चांगले मायलेज देत असेल, तर टोयोटा नक्कीच त्यांच्या आगामी मॉडेल्समध्ये वापरली जाऊ शकते.
.png "Videos"){kind=small}
