नवीन GST Rates पावले रे बाबा! TVS Jupiter 125 च्या किमतीत मोठी घट, किंमत आता फक्त…

भारतीयांच्या लाडक्या TVS Jupiter 125 स्कूटरच्या किमतीत मोठी कपात झाली आहे. या कपाती मागचे कारण म्हणजे नवीन जीएसटीचे दर. चला या स्कूटरच्या नवीन किमतीबद्दल जाणून घेऊयात.

सध्या भारतीय बाजारात मोठ्या प्रमाणात दुचाकींच्या विक्रीत वाढ होताना दिसत आहे. यातही स्कूटरच्या विक्रीत कमालीची वाढ झाली आहे. याचे एकमेव कारण म्हणजे GST मध्ये झालेली घट. या नवीन जीएसटी दरांमुळे कित्येक वाहनांच्या किमतीत मोठी घट पाहायला मिळाली. भारतीयांची लाडकी TVS Jupiter 125 स्कूटर सुद्धा अजून स्वस्त झाली आहे.

जीएसटी २.० कपातीनंतर TVS Jupiter 125 च्या किमतीत लक्षणीय घट झाली आहे. ही स्कूटर आता 7,731 रुपयांनी स्वस्त झाली आहे, ज्यामुळे मध्यमवर्गीय कुटुंबे आणि ऑफिसमधील प्रवाशांसाठी ही स्कूटर एक चांगली निवड बनली आहे. दिल्लीमध्ये त्याची एक्स-शोरूम किंमत आता 75,600 रुपयांपासून सुरू होते, जी पूर्वी 82,395 रुपयांवरून कमी आहे. ही स्कूटर चार व्हेरिएंटमध्ये उपलब्ध आहे: ड्रम अलॉय, डिस्क, स्मार्टएक्सनेक्ट ड्रम आणि स्मार्टएक्सनेक्ट डिस्क, जी प्रत्येक बजेट आणि गरजेनुसार डिझाइन केलेली आहे.

Rohit Sharma च्या दारी Tesla Model Y ची हजेरी! बसवली खास नंबर प्लेट, किंमत…

डिझाइन आणि फीचर्स

TVS Jupiter 125 चे डिझाइन साधे, आकर्षक आणि मजबूत मेटल-बॉडीवर आधारित आहे, जे केवळ टिकाऊच नाही तर एक प्रीमियम लुक देखील देते. या स्कूटरमध्ये LED हेडलाइट आणि टेललाइट्स देण्यात आल्या आहेत, ज्या रात्रीच्या वेळी उत्तम व्हिसिबिलीटी देतात.

इन्स्ट्रुमेंट क्लस्टर एनालॉग-डिजिटल कॉम्बिनेशन मध्ये असून त्यात स्पीडोमीटर, ओडोमीटर, ट्रिपमीटर आणि फ्युएल गेजची माहिती मिळते. SmartXonnect व्हेरिएंट मध्ये TFT डिस्प्ले, ब्लूटूथ कनेक्टिव्हिटी, टर्न-बाय-टर्न नेव्हिगेशन, व्हॉइस असिस्ट, तसेच कॉल आणि मेसेज अलर्ट्स यांसारखी अत्याधुनिक फीचर्स दिली आहेत.

Jeep Compass चा Track Edition लाँच, जाणून घ्या फीचर्सपासून ते किमतीपर्यंत सर्वकाही

यामध्ये 33 लिटरचे अंडर-सीट स्टोरेज आहे, ज्यामध्ये दोन हेल्मेट सहज ठेवता येतात. तसेच 2 लिटरचे ग्लोव्ह बॉक्स आणि USB चार्जिंग पोर्ट देखील देण्यात आले आहे, ज्यामुळे मोबाईल किंवा गॅझेट्स चार्ज करणे सोपे होते.

मायलेज किती?

TVS ने दावा केला आहे की Jupiter 125 चा मायलेज 57.27 kmpl आहे, तर वास्तविक जीवनात तो सरासरी 50 kmpl मायलेज देतो. या स्कूटरची 5.1-लिटर फ्युएल टॅंक एकदा पूर्ण चार्ज केल्यावर अंदाजे 250 किलोमीटरची रेंज देते. तसेच फ्युएल लेव्हल संपण्यापूर्वी “डिस्टेंस टू एम्प्टी” इंडिकेटर तुम्हाला अलर्ट करतो.