फोटो सौजन्य: Gemini
फक्त 21 मिनिटांत चार्ज! BMW ची ‘ही’ इलेक्ट्रिक कार घरालाही देऊ शकते पॉवर सप्लाय
मार्च २०२६ मध्ये TVS मोटर कंपनी इलेक्ट्रिक दुचाकी विक्रीत अव्वल स्थानी राहिली आहे. कंपनीने एका महिन्यात ४९,४५३ युनिट्सची विक्री करून नवा उच्चांक प्रस्थापित केला. TVS च्या ‘iQube’ आणि ‘Orbiter’ या मॉडेल्सना ग्राहकांनी पसंती दिली असून, दमदार परफॉर्मन्स आणि रेंजमुळे या गाड्यांची मागणी वाढली आहे.
विक्रीच्या शर्यतीत बजाज ऑटो दुसऱ्या क्रमांकावर राहिली. बजाजने आपल्या ‘चेतक’ इलेक्ट्रिक स्कूटरच्या ४६,२४६ युनिट्सची विक्री केली, जी गेल्या वर्षीच्या तुलनेत ३१ टक्क्यांनी अधिक आहे. तर, एथर एनर्जी (Ather Energy) ३५,६८८ स्कूटर्ससह तिसऱ्या क्रमांकावर आहे. एथरसाठी हा आतापर्यंतचा सर्वात यशस्वी महिना ठरला असून त्यांच्या ‘Rizta’ आणि ‘450’ सिरीजला मोठा प्रतिसाद मिळाला आहे.
Hero MotoCorp च्या ‘विडा’ (Vida) ब्रँडने सर्वांना चकित करत १२८ टक्क्यांची अफाट वाढ नोंदवली आहे. मार्चमध्ये कंपनीने २१,४३४ स्कूटर्स विकल्या. विशेष म्हणजे, ओला इलेक्ट्रिकने (Ola Electric) १०,११७ गाड्यांच्या विक्रीसह पुन्हा एकदा टॉप-५ कंपन्यांच्या यादीत आपले स्थान निश्चित केले आहे. फेब्रुवारीत ओला या शर्यतीत मागे पडली होती, मात्र मार्चमध्ये त्यांनी जोरदार कमबॅक केले.
.png "Videos"){kind=small}
