Iran-Israel युद्धाचा फटका ऑटो सेक्टरला! वाहन खरेदीत तब्बल ‘इतक्या’ टक्क्यांनी घट

सन २०२५ मध्ये पेट्रोल,डिझेलवरी १३ हजार १९० वाहनांची खरेदी झाली होती.यंदा ११ हजार ९३७ वाहनांची खरेदी झाली आहे.म्हणजेच गेल्यावर्षीच्या तुलनेत पेट्रोल डिझेलवरी १ हजार २५३ वाहनांची घट झाली आहे.

पुण्यात ११ हजार ९३७ वाहनांची खरेदी
गेल्या वर्षीच्या तुलनेत यंदा १२ टक्के वाहन खरेदीत घट
सणांच्या दिवशी वाहनखरेदीला नागरिकांकडून प्राधान्य

पुणे: साडेतीन शुभमुहूर्तांपैकी एक असलेल्या गुढीपाडव्याच्या मुहूर्तांवर पुण्यात ११ हजार ९३७ वाहनांची खरेदी नागरिकांनी केली. या बरोबरच १ हजार ५३० इलेक्ट्रिक वाहनांची खरेदी झाली.आखाती देशातील युध्दाच्या पार्श्वभूमीवर गेल्या वर्षीच्या तुलनेत यंदा १२ टक्के वाहन खरेदीत घट झाल्याचे प्रादेशिक परिवहन कार्यालय (आरटीओ)च्या आकडेवारीवरून दिसून आले आहे.

गुढीपाडवा,अक्षय्यतृतीया,दिवाळी या महत्त्वाच्या सणांच्या दिवशी वाहनखरेदीला नागरिकांकडून प्राधान्य दिले जाते.त्यासाठी सणाच्या काही दिवस अगोदर वाहनांची नोंदणी करून सणाच्या दिवशी वाहन घरी आणले जाते. यंदा गुढीपाडव्याच्या निमित्ताने दि.७ ते १७ मार्च २०२६ या कालावधीत वाहनांची खदेरी करण्यात आली.

सन २०२५ मध्ये पेट्रोल,डिझेलवरी १३ हजार १९० वाहनांची खरेदी झाली होती.यंदा ११ हजार ९३७ वाहनांची खरेदी झाली आहे.म्हणजेच गेल्यावर्षीच्या तुलनेत पेट्रोल डिझेलवरी १ हजार २५३ वाहनांची घट झाली आहे. इलेक्ट्रिक वाहनांत २०२५ मध्ये २ हजार १२४ वाहनांची खरेदी झाली होती.यंदा २०२६ मध्ये १ हजार ५३० वाहनांची खरेदी झाली आहे.यंदा ५९४ इलेक्ट्रिक वाहनांची घट झाली.एकूण १ हजार ८४७ वाहनांची खरेदी कमी झाली आहे.पेट्रोल डिजेलच्या गाड्यांमध्ये मोटारसायकल,मोटार वाहन आणि ऑटो रिक्षांची तसेच इलेक्ट्रिकलमध्ये मोटारसायकल,तीन चाकी मालवाहू,पर्यटन टॅक्सी,ऑटो रिक्षा या वाहनांची खरेदी कमी झाले आहे.

Gudi Padwa च्या मुहूर्तावर सोने बाजार गजबजला! सुरक्षित गुंतवणूक अन्…; ग्राहकांची मोठी गर्दी

दरवर्षीप्रमाणे यंदा मुहूर्तावर वाहन खरेदीसाठी ग्राहकांची लगबग सुरू आहे. आरटीओ कार्यालयातून वाहनांची कागदपत्रे तसेच इतर तपासणी करून नोंदणी क्रमांक देण्याची प्रक्रिया सुरू आहे.

– स्वप्निल भोसले,

उप प्रादेशिक परिवहन अधिकारी, पुणे.

पेट्रोल डिझेलवरी वाहन खरेदी तुलनात्मक संख्या

वाहन २०२५ २०२६

मोटारसायकल — ८२६० ७९८६

मोटार कार — ३३३२ २२६०

पर्यटक टॅक्सी — २८० २८७

बस — ९४ ४४

ऑटो रिक्षा — ३६२ २६७

मालवाहू (गुड्स) — ५९० ४५७

तीनचाकी मालवाहू — ८५ ६९

ट्रॅक्टर — ९६ ०

इतर — ९१ १६७

एकूण — १३,१९० ११,९३७

शोभायात्रा, आठवणी आणि उत्सवाचा जल्लोष; कलाकार कसा साजरा करतात Gudi Padwa, वाचा सविस्तर

इलेक्ट्रिक वाहने

वाहने २०२५ २०२६

मोटारसायकल — १७६८ १२७६

मोटार कार — ३११ २२६

पर्यटक टॅक्सी — १ १२

बस — १ ०

ऑटो रिक्षा — २२ ८

मालवाहू — ३ ५

तीनचाकी मालवाहू — १८ ३

ट्रॅक्टर — —

इतर — —

एकूण — २,१२४ १,५३०